Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№827 7-13-сентябрь, 2018-жыл


(Башталышы өткөн сандарда)

– Омей, эй, чын эле сенби?- Айбектин көздөрү тептегерек боло түштү. Азаматтын кабарын бул да уккан. “Кайран жигиттин тагдыры бир акылсыз кыздын айынан талкаланды. Жоголуп кетти. Ошол Айсулуу менен тааныштырбай эле койбой” деп кейип жүрчү. Азыр көрүп кубанып кетти.

– Кандайсың?- катуу кучактап алды.

– Бул сүйлөбөйт экен,- деди Эркин Азаматты актагандай.

– Аа... -Айбек ыңгайсыз болуп кетти. Эмне деп сүйлөөрүн билбейт.

– Бирок угасың да, ээ?- Азамат башын ийкеди.

– Ошол,- Айбек толкунданып эле сүйлөп жатты...- мен болсо жүрөм баягыдай эле. Назик экөөбүз үйлөнгөнбүз. 2 уулдуу болдук. Сенчи? Баары жакшыбы? Көп нерсе уктум сен жөнүндө. Киши уурдады деп камалып кетти дешкен акыркы жолу. Баягы Айсулуунун азабын тарткан экенсиң да? Эми болору болду. Ошону бекер эле сага алып бериптирбиз. Назик экөөбүз канча өкүнүп жүрдүк.

Азамат жылмайып койду. Ал эч эле жашоодон запкы көрбөгөн адамдай болуп турду. Көп нерсени айткысы келди, бирок азыр бир сөз айтты дегенче айланадагылар анын дүйнөсүн казып башташат, максаттарыңдан артка кайт дешет, анын жакшы күндөргө болгон ишенимин жоготушат. Кереги жок.

– Жүр. Сен биздикине конок бол бүгүн. Качан келдиң эле?

“Бүгүн” деп түшүндүрдү Азамат.

– Аа, анда бара турган деле жериң жок болсо керек? Сен меникинде жүрө бер кааласаң? Мына, Эркин байкеде сага даяр жумуш бар. Cен кеткенден кийин “Азаматтай иштерман сонун жигитти көрбөдүм” деп канча айтып жүрдү. Туурабы, Эркин байке, жумуш бар да?

– Ооба, иштейм десе кантип жок дейин? Эртең эле келе берсин.

– Жылмаят да турат. Чын эле сонун кишисиң, Азаке. Жүр эми басалы. Сени Назик көрсө ыйлап жиберет го.


ххх

Назик чын эле Азаматты көргөндө ыйлап жиберди. Бирок Азаматтын сырткы кейпинде ыйлата турган деле эч нерсе жок болчу. Көп деле өзгөрбөптүр. Жадакалса өз курагынан жаш көрүнөт. Болгону көздөрүндө сагыныч толуп турганы даана байкалат. Назик неге көрүп ыйлады болду экен? Азаматтын азыркы тагдырга кептелишине себепкер болгону үчүн өзүн күнөөлөп ыйладыбы? Же ушинтип кечирим сурадыбы? Балким, аяп жаткандыр. Азамат биле алган жок.

– Сени ойлоп алып эле Айбек экөөбүз кыжалат болуп жүрдүк. "Айсулууну сен алып бергенсиң" деп бул мени урушат. Мен... Мен болгону сенин мыкты адам экениңди билгем. Кош бойлуу болуп алып, ата-энесинин төрүнө батпай калчудай болуп турган кыздын тагдырын сага тапшырып жакшы иш кылайын деп эле ойлогом. Кайдан билиптирмин анын тескери басып кетерин? Акмак кыз десе. Айназикти алып кеткен турбайбы, ээ? Сени соттотуп. Ай, байкушум, ай. Кайдан сени алып барып ошого жабыштырдым экен?

– Болду эми. Карачы, бир кызыктай болуп кетти. Болор иш болду. Андан көрө тамагыңды алып кел,- Айбек ортодо жаралган ыңгайсыздыкты жоготуунун амалын издеди.


ххх

– Ошондо Москвага иштейин деп келдиңби?- дасторкон үстүндө Назик сурады. Азамат баш чайкады. Кийин капчыгын алып чыгып, андагы бир кезде апасы, кызы, өзү болуп түшкөн сүрөттөн Айназикти көрсөттү.

– Кызыңа келдиңби? Алып кеткениби? Кайра соттотуп жиберсечи?

– Жинди го могу. Эй, ал деген сенин кызың эмес да? Бирөөнүн баласы. Эмне кыласың аны?- Айбек чебелектеп жиберди.

“Менин кызым” деп айтып жибергиси келди. Бирок өзүн токтотту.

– Эл өз баласын бакпай качып жүрсө, бул бирөөнүн баласын издеп жүрөт. Болмок беле ушундай? Анын өз ата-энеси бар. Сен чынында ага эч ким эмессиң да.

– Ооба, Азамат, ал кыз сеники эмес да. Эмне кыласың аны? Же кызды дагы уурдап кетип, Айсулуудан ошентип өч алайын дейсиңби?- Назик түшүнбөгөндөй сурады. Азамат үндөгөн жок. Бирок ичинде сүйлөп жатты. Сыртынан кашыкты кармап алып чайына салынган шекерди жай аралаштырып жаткандай көрүнгөнү менен, ичинде буркан-шаркан түшүп калды.

“Менин кызым. Башында эле менин кызым болчу. Атасы башка деп... Каны бөлөк болсо эмне экен? Ал бала да. Балада эмне күнөө. Аны кантип каны бөлөк деп чанасың? Бул акмакчылык. Бала деген дүйнөгө толтура сүйүү көтөрүп алып, анан өзү сүйүү күтүп келет. Анан кантип ага чыккынчылык кылууга болот? Билем мен атасы башка экенин. Бирок мен да атасымын. Мен да өз атасынан кем эмес жакшы көрөм. Мендеги жакшы нерсенин баарын бергим келет. Бир убакта ушундай Айназик деген бирөө бар эле. Кийин өз ата-энеси алып кетип, анан ошол боюнча көргөн жокмун. Азыр баланчага чыгып калды болушу керек деп божомолдоп отурайынбы? Ал эмне талаада жоголгон малбы, буюмбу? Кантип аны көрбөй коём? Кантип жөн эле унутуп коём? Ал мени ата дечү. Мен кызым дегем. Жан дилим менен жакшы көргөм. Апасы мени каматып жиберди деп кызыма таарынамбы? Жо-ок! Менин жашоомо толтура бакыт алып келип, ата деп кубанычка бөлөгөнү үчүн мен ыраазы болушум керек. Ата деп мени жөлөк тутканы үчүн мен аны издейм, табам. Эгер менде адамдык сапат, ыйыктык калган болсо, ал ошол Айназикке болгон аталык сезимден улам деп билгиле. Ошол аталык сезимди тепсеп кетсем мен анда киммин? Ата деген сөздү тепсеп, эч себепсиз эле мени жакшы көрө алган кызымды үмүтсүз калтырсам, дүйнөдө аны дагы бир адам жанынан артык жакшы көрөрүн билдире албасам мен киммин анда? Темселеп, өмүрүн бекерге өткөрүп, өлбөчүдөй жашаган, өзүмчүлдөнүп бирөөгө сүйүү бере албай, өзү да сүйүү ала албай жүрүп өлүп кеткен акмактан менин эмнем артык болот анда? Каны бөлөк болсо да ата болууга болот. Ата боло аласыңбы? Кептин баары ошондо. Аталык жоопкерчиликти алып жүрүү кандай бакыт экенин жок дегенде сен билсең керек, Айбек? Эркектин жашоосуна маңыз берген дал ошол аталык жоопкерчилик эмеспи. Аталык жоопкерчилик болбосо биз кимбиз, айтчы? Анда бизди эмне кыймылга келтирет? Сен билесиң го, Айбек, 2 уулуң бар экен. Ата болуу кандай бакыт экенин билеттирсиң. Анан кантип издебе деп жатасың? Кантип мени ошол бакытты издебе деп жатасың?”

Айбек, албетте, Азаматтын бул ойлорун уга алган жок. Бирок аны телмире тиктеп турган көздөрүнөн “кана айтчы, балдарың башка жакта болсо аларды көп жыл көрбөсөң, сен аларды издейт белең? Сагынат белең?” деген суроону окугандай болду. Бир кезде эми төрөлөт деп жаткан башка бирөөнүн канынан жаралчу наристе үчүн күлгүн түстөгү кичине бут кийим сатып алган Азаматтын жоругун эстеди Айбек.

– Э-эх, Аза, сендей жакшы адамдарды эч ким баалабайт. Тескерисинче, силерди көп пайдаланышат, силерге көп чыккынчылык кылышат. Азыр ал, жул, кач деген бөрү заман. А сен болсо. Деги жоголуп кетпесең экен.

– Айсулуу азыр кайда болду экен?- Назик өзүнчө күбүрөнүп койду. А Азамат болсо ошол сурооңдун жообун тап дегендей аны суроолуу тиктеп калды.

– Жо-ок, мени антип караба, мен билбейм анын кайда экенин,- Азамат ага карап “суранам, жашаган жерин таап бер” деп жаңсап түшүндүрдү.



ххх

Азамат эртеси эле базарга жумушка чыкты. Кечкисин Айбектикине келди. Ашканада өзүнчө алаксып тамак жасап жүргөн Назикти бир нерсе айтып жибереби дегендей улам-улам карап коёт. Акыры Назик стол үстүнө тамакты койду.

– Келгиле, алгыла,- Азамат аны суроолуу карап турганын байкады Назик.

– Ал мурунку жашаган жеринен көчүп кетиптир. Кызың мектепке барып баштаган турбайбы. Ошонун окуусуна жакын деп бул жакка көчүп барыптыр,- Назик дарек жазылган кичине кагазды сунду. “Ушул даректи таап бергим келген эмес. Деги дагы бир балээнин ичинен чыкпасак болду” деп Назик үшкүрдү. Азаматтын көздөрү күлүңдөп кубанып кетти. Анын жүрөгүнүн түрсүлдөгөнү жанында отургандарга да угулуп жаткандай болду...

 

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Башка сандарда:
Комментарийлер(17)
11.09.2018. 09:22 
Тайпасы:
Жаран
Комментарийлердин саны:
140
Катталган:
15-02-2013
Соӊку аракети:
17-11-2018 16:25
Жынысы:
Белгисиз
Калаасы:
Бишкек Новосибирск
+4
Иии байкуш Аза кызын корот экенда эми
ady-88 түзөттү 2018-09-11 09:23:12
11.09.2018. 09:23 
Тайпасы:
Жаран
Комментарийлердин саны:
140
Катталган:
15-02-2013
Соӊку аракети:
17-11-2018 16:25
Жынысы:
Белгисиз
Калаасы:
Бишкек Новосибирск
+1
А баса биринчилер корунбойтда
11.09.2018. 09:45 
Тайпасы:
Жаран
Комментарийлердин саны:
14
Катталган:
20-06-2017
Соӊку аракети:
17-11-2018 10:43
Жынысы:
Белгисиз
0
оо соонун,кийинки санында корушот болду экенби а?
11.09.2018. 09:49 
Тайпасы:
Жаран
Комментарийлердин саны:
384
Катталган:
09-04-2017
Соӊку аракети:
17-11-2018 05:19
Жынысы:
Белгисиз
0
Биринчи
11.09.2018. 10:11 
Тайпасы:
Жаран
Комментарийлердин саны:
30
Катталган:
03-06-2016
Соӊку аракети:
14-11-2018 01:26
Жынысы:
Белгисиз
+2
Биринчи етегине түшүп кеткенби
11.09.2018. 10:19 
Тайпасы:
Жаран
Комментарийлердин саны:
4
Катталган:
26-06-2017
Соӊку аракети:
17-11-2018 17:54
Жынысы:
Белгисиз
+4
Аталардын баары Азаматтай болсо гана....
11.09.2018. 10:30 
Тайпасы:
Жаран
Комментарийлердин саны:
27
Катталган:
17-09-2011
Соӊку аракети:
01-11-2018 17:23
Жынысы:
Белгисиз
Калаасы:
Ош шаары
+3
Бул сериясында дагы жолугушпай калдыбы? Дагы бир жума күтмөй экенда...
11.09.2018. 10:45 
Тайпасы:
Жаран
Комментарийлердин саны:
143
Катталган:
13-02-2017
Соӊку аракети:
15-11-2018 12:00
Жынысы:
Белгисиз
0
Мен да (Назик сыяктуу) баламды аябай сагындым.Бирок мен Азамат сыяктуу кайра баламды издеп бара албайм.
11.09.2018. 12:47 
Тайпасы:
Жаран
Комментарийлердин саны:
42
Катталган:
08-06-2015
Соӊку аракети:
16-11-2018 08:00
Жынысы:
Белгисиз
0
Girl1996,эмнеге?
11.09.2018. 13:08 
Тайпасы:
Конок
Комментарийлердин саны:
0
Катталган:
27-08-2018
Соӊку аракети:
09-10-2018 17:50
Жынысы:
Белгисиз
+1
Аталык мээрим кандай кана сонун
11.09.2018. 16:35 
Тайпасы:
Жаран
Комментарийлердин саны:
48
Катталган:
09-08-2017
Соӊку аракети:
14-11-2018 21:31
Жынысы:
Белгисиз
0
Ачып эле ушуну окуймда. Аай... Дагы бир жумааа
11.09.2018. 21:30 
Тайпасы:
Жаран
Комментарийлердин саны:
149
Катталган:
10-03-2016
Соӊку аракети:
13-11-2018 22:50
Жынысы:
Белгисиз
Калаасы:
Кыргызстан
0
Эртерээк жолукса экен
11.09.2018. 22:00 
Тайпасы:
Жаран
Комментарийлердин саны:
111
Катталган:
06-01-2012
Соӊку аракети:
17-11-2018 14:39
Жынысы:
Белгисиз
0
Ооба
11.09.2018. 23:26 
Тайпасы:
Конок
Комментарийлердин саны:
2
Катталган:
24-08-2018
Соӊку аракети:
13-11-2018 12:54
Жынысы:
Белгисиз
0
Коп коптон жазып эле койсонор не болот.?
12.09.2018. 23:55 
Тайпасы:
Жаран
Комментарийлердин саны:
4
Катталган:
02-07-2015
Соӊку аракети:
17-11-2018 02:55
Жынысы:
Белгисиз
0
Азаматтын Ата деген сезим тууралуу ойлогон ойлору ,менин ойлорум м-н дал келди кызымды сагындым ошону эстеп көзүмө жаш тегеренди,, жакшы чыгарма
13.09.2018. 13:53 
Тайпасы:
Жаран
Комментарийлердин саны:
77
Катталган:
10-01-2015
Соӊку аракети:
06-11-2018 21:57
Жынысы:
Белгисиз
0
Жолугушуна аз каллы сериалда бутойун деп калган окшойт
16.09.2018. 21:49 
Тайпасы:
Жаран
Комментарийлердин саны:
31
Катталган:
07-10-2017
Соӊку аракети:
08-10-2018 11:11
Жынысы:
Белгисиз
0
Бул чыгарма качан бутот
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: