Эсиңиздерде болсо, ырчы Анжеликаны Айжан Ишимова аттуу айым “биздин үй-бүлөнү бузду” деп айыптап чыккан. Сөз ишкер, мурунку мамлекеттик кызматкер Марат Назарбековдун үй-бүлөсү тууралуу болгон. Бул айыптоону ырчы айым четке кагып, Марат Назарбеков бизнесмен, өнөктөш катары анын кайсы бир иштерине колдоо көрсөткөнүн айтып келе жаткан. Жакында кайрадан социалдык тармактарга ырчы Анжелика Марат Назарбековго коёндой окшош мырза менен кечелердин бирине чогуу барып, бир столдо жанаша отурган видеосу, сүрөттөрү тарады. Бул видеону Анжелика менен эле чогуу столдо отурган курбуларынын бири интернетке жарыялаганы да талкууга түштү.