Ачык-айрым, дайыма күлүп-жайнап жүргөн куудул, алып баруучу Гүлжайна Атаканова бир жигитти сабап, ал куудулдун үстүнөн арыз жазыптыр деген маалымат түштү. Бизге жеткен маалымат боюнча, куудул айым алгач жабыркаган жигиттин машинасынын терезелерин сындырган, андан кийин өзүн сабаган. Тигил жигит күч органдарына куудулдун үстүнөн арыз жазып, Гүлжайна суракка чакырылган. Окуянын чын-бышыгын билүү үчүн куудулга кайрылдык. Алгач эч нерсе айткысы келбей, акыры төмөндөгүлөргө токтолду:
"Өмүрүмдө бирөөдөн өч алам деп ойлогон эмесмин. Жашоомдо биринчи жолу ушундай болду. Ал мени 4 жыл мурун ыза кылып койгон. Кыз болсом да эч нерседен корккон жокмун. Мен андан да жаман кылмакмын, качып кетти. Айымдарды алсыз деп аларга ар кандай мамиле кылса боло бербейт да. Биз, айымдар алсыз эмеспиз, биз күчтүүбүз. Арыз жазыптыр, бирок акча бергенимде арызын кайтарып алды. Акчам кетсе кетсин, адамдык кадыр-баркым кетпесин дедим",- дейт.