Ырчы Руслан Абыловдун Ысык-Көл облусуна караштуу Түп районунун Сан-Таш айылында белгиленген концерти болбой калган. Концертке келген эл суукта ырчыны күтүп отуруп, келбей койгонуна нааразы болуп тарашканын окурман билдирди. Концерт эмне үчүн болбой калганын Руслан төмөндөгүчө түшүндүрүп берди: "Ооба, 5-ноябрга Сан-Таш айылына концерт уюшулган. Музыкалык аппаратурамды дос баламдын машинасына жүктөп койгом. Бишкектен чыгалы десек машина бузулуп, белгиленген убакытка жетишпей калдык. Бирок клубдун башчысына телефон чалып кечирим сурап, шартымды түшүндүрдүм. Буюрса, башка күнү барып, концерт коюп кетем”.