«ЭКИ ОТТУН ОРТОСУНДАМЫН. АРТКА ЖОЛ ЖОК»

Экөөбүз кайрадан уруштук. Сенин өчүк телефонуңа 100 жолу чалып, 200 СМС жөнөтүп коюп өзүмө-өзүм көйгөй жаратып көз жашымды көл кылып отурам. Сен Бишкекке кеткен сайын ушундай. Сен телефонду өчүрөсүң, мен болсо анын себептерин издеп өзүмдү кыйнайм. Эмне кылып жүргөнүңдү билбейм, бирок башка шаарга кетсең эле көкүрөгүмдөгү кызганыч мени жеп коёт. Уктай албайм. Кээде түнү менен ыйлап чыгам. Сен бул ыйга татыктуу эмес экениңди билем. Экөөбүздүн жолубуз кошулган күндөн тартып туура эмес кадам жасаганымды билем. Сени кызганууга акым жок экенин да билем. Бул мамиле ушул жерден же дагы кийинки бурулуштан токтошу керек экенин түшүнөм. Бирок сени коё бере албайм, башкага ыраа көрө албайм, сенсиз жашоомду элестете албайм. Бек кучактап жалгыз мендик кылып алгым келет.

Бирөөгө баш ийе албаган өзүнчө эле күчтүү кыз сен каалагандын баарына макул болуп, “отур” десең отуруп, “тур” десең туруп калдым. Мага көңүл бурбай койгонуңа чыдай албайм. Кайсы күнү сени алыстатып алам, кимге тарттырып алам деп коркуу менен жашайм. Балким, жашоомдун чоң бөлүгүн ээлеп алганың үчүн анда кадимки адамдардыкындай мамилеге орун калбай калгандыр. Балким, чын эле курбум айткандай, сенден аркы жашоомду көрө албай, айланамдагы башка мырзаларды байкабай келаткандырмын. Ооба, мен алсызмын. Маселе сүйүүгө келгенде мен такыр алсыз экенимди моюнума алдым. Үйүңдөгү аялың, 5 балаңдын бар экенин билип туруп, сен эч качан мендик боло албасыңды билип туруп бул кадамга барганымдын өзү акмакчылык экенин билем.

Ар бир жолугушууга чыдамсыздык менен күтүп, канчалык кубаныч менен чыксам, кайра үйгө келгенде ошончолук көз жаш төгүп, ошончолук жүрөгүмдү кыйнайм. Мага ушул керек беле? Керек эмес экенин мен да билем. Мени азыр ар бириң күнөөлөйсүң. Дүйнөдө жалгыз мен жаңылгандай ар бириң акылмандык кыласыңар, бир тонна адеп сабагын өтөсүңөр. Бирок мага жашоомдо ушул жылуулук жетишпей жаткан болсочу? Мен дайыма мындай мамилени күтүп, эңсеп келсемчи? Мен сүйүүнү сезип, сүйгөнүмдүн кучагында алсыз, назик жан болуп оролуп жатканга муктаж болсомчу? Буга чейинки жигиттеримдин жийиркеничтүү мамилелеринен көңүлүм калган болсочу? А бирок менин сезимдерим менен ким эсептешмек эле? Менин жан дүйнөмдөгү чалкыган көл менен кимдин иши болмок эле?.. Бирок чалынып калган кезде сени менен ар биринин иши болот, сени өмүрү тааныбагандардын да. Жок дегенде жаныңдан өтүп баратып баштан ылдый сынай карап жүрөгүңө ийне сайгандан ырахат алышат.

Эч кимисинин көз карашын көзгө илбей туруп, бүт дүйнөгө “мен бактылуумун” деп кыйкыргым келсе да, оозумду басып, эки жакты алаңдап корко карап, ушул эле учурда “ушундан көрө мени алып тынбайт белең” деп боздоп ыйлагым келет. Бактылуулугумдун да, ыйымдын да себеби сенсиң. Мен тегерегимдеги бардык адамдардын арасынан жылуулукту жалгыз сенден таптым. Каалаганымдын айттырбай орундалышын эңсеп жүрүп сени таптым. Чыныгы эркектик мүнөзгө суусап жүрүп сени кезиктирдим. Жашоомо башкача өң коштуң. Менин муздап калган жүрөгүмө нур чачтың. А мен...

Азгырылдым. “Үй-бүлөлүүлөр менен сүйлөшүү – акмакчылык, эч качан андайга барбайм” деп жүргөн адам ошол өзүнүн эч качан деген сөзүнүн курмандыгы болду, сүйүүгө жеңилип берди. Убагында артымдан чуркаган жигиттер деле көп болгон. Жактырдым, айрымдарына жүрөгүмдү бердим. Бирок ар бири ишенип тапшырган сезимимди тепселеп, жанчып, ылайга ороп ойношту, жүрөгүмдөгү ишеничти, сүйүүнү какшыта сыгып туруп колума карматышкан. Алардын баары мага болгон жылуулугу эмес, атамдын байлыгына болгон кызыгуусунун артынан мени тандагандарын кеч түшүнүп, далай жаздыктарды суулагам. Анан минтип өзүмдүн идеалымды – сени жолуктурдум. Ушунча жолу чайпалып, кагылып-силкинсем да, сенин адамгерчилигиң, эркектигиң менен дагы бир жолу мырзаларга болгон ишеничиме мүмкүнчүлүк бере алдым. Албетте, экөөбүз тууралуу эч ким билбейт.

Ата-энем менен чогуу жашайм. Бирок кайсы ата-эне кызын мындай жолго барат деп ойлосун? Алар менин эки жакты карабай чалынбай, жыгылбай, түптүз жолдо жүрөт деп ишенишет. А менин эң чоң көйгөйүм – ошол ишенич. Сени менен жолугушуудан келгенден кийин алардын бетин кароо оор, кирерге жер таппай калам. Эки оттун ортосундамын. Эки оттун бирөөнөн күйө турган күнүм алыс эмес. Бирок артка жол жок. Антсе да кайра-кайра кайталайм. Мен сени сүйөм! Бишкектен кайра кайтканда телефонуңа жан кирет, сөзсүз чаласың. Балким, жолдо келе жатып да чалып эмне жеп жатканыңды, жол кандай экенин айтып бересиң.

Сен жеткенче мен бүгүнкү көз жашымдын баарын унутуп, жаныма келгениңде кайра эле бир көз карашыңа эрип, баарына макул болуп берем. Азыркы учурда мен башкача жашай албайм. Эч нерсени өзгөрткүм да келбейт. Жылдар өтүп, экөөбүз бири-бирибизге жат адам болуп калганда да бул күндөр үчүн өкүнбөйм. Ошондо көчөдөн көрүп калсаң, капкара, сулуу эмес жүзүңдөгү жагымдуу жылмаюуңду менден аяба!

Миргүл

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (28)
aika0906
2018-12-25 22:51:07
Блин ушундай жп лардын айынан мен да эрим менен нары бери болдук. Билип кой уйбулоолу эркек эч качан ойношту тандабайт. Акылдуу эркек болсо балдарын эч качан таштап кетпейт. Сага окшогондорго эркектер убактылуу гана азгырылат озун озу алаксытат кичине болсо да убакыт откорот. Азыркы кыздар олгону калганбы уй булоолу экенин билип туруп журушот. Эптеп кафеге барса, акча салдырса, машинасына тушуп алып видеого тушуп инстаграмга койсо болду болуп калган. Типа крутой машинада журом жигитимдин машина
+9
tram-lam
2018-12-26 11:40:11
Бул албетте ойлонуп табылган чыгарма, бирок ушуга окшогон тагдырда жашаган коп кыз бардыр. Ошол кыздарга кайрылаарым, артка жол бар! Жоктой сезилет, бирок бар. Бироонун бактысын талашпай, озунордукун издегиле. Аны унутуу оор болот чыгаар, бирок коп болсо унутууга бир жылынар кетет, мейли эки жыл кетсин, бирок мамиленерди уланта берсенер 1-2 жыл эмес бутундой омурунор талкаланат. Окунбойм дейсинер, бирок сезимдер очкондон кийин эстеп алып окуносунор. P.S. жизнь
+5
Aidarov1988
2018-12-26 16:06:40
Ар кимин ар нерсени суйлой бергиле. Бирок мен бул тагдырды тушуном бул суйуу бул сезим туура кыласын омурдо жакшы кундорду да кору керек.
-3
love_you
2018-12-27 10:47:15
Aidarov1988,чыркыратып беш баланы таштатып, беш баланын энесин кошо сыздатып жакшы кундорду коргондон коро олуп алган артык. мээн игтебеген сендейлердин айынан коом бузулуп атат, жашоо бумеранг. Аллахтын жазасынан коркпогондор гана ушуга барышат
+3
Skarlett-Skarlett
2018-12-26 18:09:13
Уй булону бузба.Кайдагы суйуу?!Конуп калгансын.Анан да эркектер антти,минтти депсин.Эркектен башка кылаарга ишин жокпу?Иште жаш болсон,бироого жар болуп балалуу бол.Озунду суйгонду уйрон,ошондо ал беш балалуу эркек сага жаман эле корунуп калат.
+8
jesikakg
2018-12-26 19:05:14
Сен озундун кыял жоругун менен ушундай тагдырга татыктуу экенсин демекчимин сенин журогунду ылайга ороп койбой эле ошол жигит соройлорун озунун тезегине чылап койбоптур . Сен ошого татыктуу шуркуясын...
+6
Ziregul
2018-12-26 19:36:14
Ошол башка жигиттерин сыяктуу бул да бир куну сени ошол суйуу толгон журогунду ылайга ороп , сезиминди тепселеп кеткенде кантер экенсин ,сен кимсин ал учун ? Сен ал учун каалаган учурда келип чанкагын кандырып кетчу адамсын , сени эч качан тандабашын билген акылдуу акмаксынгоо , артка жол жок туура , бирок алдыда жолдор бар
+4
BoDiNur
2018-12-26 22:39:38
Чыныгы эркек, чыныгы эркек, идеал, пшш ошол идеал и чыныгы эркек болсо уйдогу аялы баласы бар туруп минтпейт эле, буга чейинки жигиттериндей болуп эле бул жигитин да суйуунду ылайга ороп чапчып ойноп журот урматтуу автор
+4
dobrajelatel
2018-12-27 04:03:07
Мээримге тойбой оскон бала чонойгондо ар кимден жылуулук издеп, мээрим издеп жакшы соз суйлогон адамга арбалат алданат. Баланарды коп-коп эркелеткиле, кучактап, ооп-жыттап, сени жакшы кором деп айткыла. Туулгандан баштап мээримге, суйууго бологуло.
+5
wirintai27
2018-12-27 21:53:54
dobrajelatel,сизге 100% кошулам. Журокту мээримге толтуралы
0
asyl81
2018-12-27 17:06:28
Уй булону бузган ХХХ жек кором
+1
Uchilka91
2018-12-27 23:03:58
Мамиле. Жылуу мамилеге, жөнөкөй, акысына эч нерсе талап кылынбаган мээримге чынында көпчүлүгү зар. Бул нерсени акчага сатып ала албайсың. Заказ менен да жасай албайсың. Мен түшүнөм...
0
AykaMer
2018-12-27 23:31:50
Урматтуу Миргүл! Сага айтаарым өзүңдү колго ал,ат айланып казыгын табат. Сен өзүңдү кыйнап эзилгениң менен сүйгөн адамыңды кайтарып алалбайсың анткени анын жанында кошо каарый турган жубайы бар,5 баласыны,жакшы жаман күндөрдө чогуу болгон аялыны таштап,сага жетип келбейт.Эмне үчүн өзүңдү алсыз сезесин,эмнеге? Анын аялынан сенин эмнең кем? Өзүңдүн теңиңди таап бактылуу болууга сенин акың жокпу?! Ушуну ойлон,анан чечим чыгар.Бирөөнүн аманаты эч качан сага тиешелүү болбойт.Кудай баарын жуп-жубу м
+4
Meken28
2018-12-28 09:04:23
Senin kelechekte kuioono da ushundai kylsyn saga okshogon ХХХХХ))
0
zinagull1996
2018-12-28 14:59:43
2буздунтагдыр окшош экен. Мен де да ушул койгой. Жаны жылга. Жаны жашоо баштап. Уй буломду 1чи орунга коеюн деп тилеп жатам бирок. Билбейм. Эрк куч керек. Албетте оной эмес
-1
Fanatic
2018-12-30 13:25:14
Эээх жашоо жашоо. Миргул эч кимге кулак салба озундун жашоон озун чеч бирок окунбой турган болуп терээн ойлон. Анан бир жагынан эркекти куноолобогуло эркектер ойнош ойногонуна аялдары куноолуу болот. Аялы ээринин оюндагыдай болсооле ошол ээри эч бир башка аялга барбайт. Эркектин бузулганы бул аялынан.
+2
mirkaa5182
2019-01-01 14:19:57
Муну сүйүү дейт, сүйүүнү сүйүүп көргөн гана адам түшүнөт, сүйүп калсаң эч нерсесине карабай сүйөсүңго, чиркин.
+2
ayko24
2019-01-07 02:20:59
mirkaa5182, кучтуусуз го брат
+1
№ 842, 21-27-декабрь, 2018-жыл
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан