Архив
844   845  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

МЕДЕРБЕК КЫДЫРШАЕВ ЧАНДА КЕЗДЕШКЕН ЖЫЛДЫЗ ЭЛЕ...

№844 4-10-январь, 2019-жыл


1990-жылдардагы кыргыз эстрадасынын жылдызы Медербек Кыдыршаев кыргыз элинин жүрөгүндө гитарада чеберчилик менен кол ойноткон мукам үндүү ырчы катары калды. Ал аткарган “Аманат”, “Ойлойсуңбу?”, “Коштошуу”, “Туулган күн”, “Кыялдануу”, “Сен өчпөдүң сезимден”, “Курбулар”, “Тамаша кечеси” ырларын эл унутпай ырдап келет. Эскерте кетсек, ырчы 1962-жылы 18-августта Ош облусунун Өзгөн районуна караштуу Мырзаке айылында туулуп, 2004-жылы 7-январда каза тапкан. Медербектин 1-жубайынан 2 уул калган. Медербекти бир тууган эжеси жана уулу эскерет.

Клара Кыдыршаева, эжеси: «АР УБАК ЖҮРСӨҢ ЭСКЕРИП, АЙРЫЛУУ ЭМЕС АЖАЛ ДА»

– Медер 6 бир туугандын (2 кыз, 4 эркек) бешинчиси эле. Арык, элпек, жан дүйнөсү жумшак, кыялкеч бала болчу. Куйкум сөздөрдү айтып күлдүрүп, үйдү шаңга бөлөчү. Кичинесинен ыр жандуу болуп чоңойду. Гитараны өзү үйрөнүп алып, мектепте ар кандай маданий иш-чараларда ырдап чыкчу. Мектепти аяктаган соң Оштогу музыкалык мектепте окуду. Ал жактан Рыспай Абдыкадыров үнүн баалап, чыгармачылыктын сырларын үйрөттү. Рыспай агай менен ага-инидей мамиледе эле. Кийин Москвадагы маданият институтунун хор дирижёру факультетин бүтүрдү. Үнү жакшы болгондуктан 1-курстан тартып эле Орусиянын мен-мен деген ырчылары менен кошулуп СССРдин курамындагы өлкөлөргө гастролдоп жүрүштү. Өзү 18 өлкөнү кыдырганын айтып калчу. Ошол кезде эле аты таанылып баштаган ырчы, композиторлор Игорь Николаев, Леонид Агутин болуп чогуу окуп, ырдоо жагынан атаандашып жүргөн. Медерди устаттары “Романстарды кооз тембри менен мыкты аткарат" деп баалачу. Кремлдеги Григоревский залында хордо ырдап жүргөндө достору “жети атаңдын буту баспаган залда ырдап жатасың” деп айтышчу экен. Бир концертте Медердин ырдаганын уккан Алла Пугачёва “Укчу, сага Кудай талантты бериптир, иштөө гана керек” дептир.

Москвада бирге окуп, бирге гастролдогон достору Медер менен кабарлашып жүрүштү. Көзү өткөндөн кийин "дайыны чыкпай калды" деп издөө салышты. АКШда жашаган Лариса Постнова деген кыз кат жазып, Медер менен гастролдо түшкөн сүрөттөрүн салды.

Медер Москвадан окуусун бүтүп, Бишкекке келип, меникинде туруп калды. Кыргыз радиосунда музыкалык редактор болуп ишке орношту. “Түнкү шамдар”, “Ойлойсуңбу?” деген ырларды ырдап чыгары менен эл Медердин үнүн баалады. Абдан бийиктикке жетип, хитке айланган ырларына “Аманат”, “Кыялдануу”,“Сен өчпөдүң сезимден”, “Курбулар”, “Тамаша кечеси” деген ырлары кирет. Ошол 1990-1995-жылдар иним үчүн жемиштүү жылдар болду. Медер эстрадалык, симфониялык оркестрдин коштоосунда да ырдачу. Бирок эстрадага караганда классикага жакын эле. Асанкан Жумакматов Чубак Сатаевдин “Жаз жамгыры” аттуу ырын Медердин аткаруусунда радионун алтын фондуна жаздырган.

Үйгө жаш композиторлор, акындар, обончулар келгенде үй толуп калчу. Исирадин Аманбаев, Арзыбек Бедияров, Абидин Темиров, Алмаш Чойбековалар көп келер эле. Медер менен чогуу иштеп калган Элмирбек Иманалиевдин: “Бир концертте Медер 2 ырды аябай мыкты аткарды. Эл дуулдата кол чаап, сахнадан кетирбей жатты. Сахнадан чыгып келгенден кийин карасам, көздөрүнөн мончоктоп жаш куюлуп жатыптыр. Көрсө, ал ар бир ырын ыйлап аткарат экен”,- деп эскергени бар.

Тагдыр экен, Медер биринчи жубайы менен 2 балалуу болгондо ажырашып кетти. Бир боорумдун артында калган туяктары катары жалаң жакшылыктарды каалайм. Кийин башкага үйлөнүп, аны менен 7 ай гана бирге жашоо буюрду. Өмүрүнүн акыркы кездеринде ооруп, өпкөсүнөн суу сордуруп калдык. Көз жумарда дене табы көтөрүлүп, "Тез жардам" келгичекти бизди таштап кете берди. Кагазга “мени кечиргиле!” деп жазып калтырыптыр. Сыягы үмүтүңөрдү актай алган жокмун деген кыязда кечирим сурап жазган окшойт. 41 жыл гана жашады.

"Ата-энемдин сүймөнчүгү элең, эми түбөлүк экөөнүн ортосунда укта" деп экөөнүн мүрзөсүнүн ортосуна койдурдук. Эстелигине “Айланып келем ыр болуп...” деп жаздырдык. “...Ар убак жүрсөң эскерип, айрылуу эмес ажал да” деп өзү ырдагандай, эми ал биздин жүрөгүбүздө эскерүүлөр менен жашайт.

1 жылдай болуп калды, Ютуб каналына Медердин ырларын киргиздик. Изилдей келсек, анын ырларын 17ден ашык өлкөдө угушат экен.

Москвада чогуу окуган достору Медер тууралуу документалдуу фильм тартып бүтөйүн деп калды.

Медербек уулу Абдысамат, уулу: «АТАМДЫН ТАЛАНТЫ МАГА КАРАГАНДА ИНИМЕ КӨБҮРӨӨК ӨТКӨН»

– Атамдын артында 2 уулу калдык. Мен Абдысамат 1991-жылы, иним Аким-Али 1994-жылы туулганбыз. Экөөбүз тең үйлөнүп-жайланганбыз. Менин 2 кызым бар, Элина, Асема. Келинчегим балдар менен үйдө. Бишкектеги компаниялардын биринде супервайзер (менеджер) болуп иштейм. Адистигим боюнча банк кызматкеримин. Инимдин да 2 баласы бар. Улуусу Элиза, кичүүсү Алим. Апам мамлекеттик кызматта иштейт. Иним экөөбүздү өзү чоңойтуп эр жеткизди. Өзү чоң там салды. Ошол үйдө азыр апам иним менен чогуу турат. Мен өзүмчө үй салып, бөлүнүп кеткем. Аптасына бир жолу апамдыкына барып кабар алып турабыз. Жашообуз эл катары.

Талант кан кууйт деген чын экен, иним экөөбүз тең ырдайбыз. Мен алымча, иним болсо абдан жакшы ырдайт. Ырдап, тойлордун, кечелердин көркүн ачат. Бирок иним кичинесинен ырчы болом деген максат койбогондуктанбы, айтор, ырдоону хобби катары эле карайт. Мен өң-түсүм жагынан атама окшош болсом, иним элге жугумдуулугу, шайырдыгы, ырчылыгы жагынан атамды тартты. Апам атам тууралуу бизге жаман кеп айткан эмес. Болгону тагдыр деп гана койчу. Атамдын ырын укканда сыймыктанам, толкунданам. Унаамда атамдын ырлары жазылган флеш-карта дайыма жүрөт.

Атамдын ырларынын обону да сөзү да бири-бирине төп келген маңыздуу, мааниси терең ырлар. Ошондуктан эл арасында алигиче унутулбай жашап келе жатат. Атамды, чоң атамды да, айылдагы, Өзгөндөгү үйдү да элес-булас билем. Кичине болчубуз да. Атам бизди жакшы көрүп, эркелетип, мээрим төгүп турар эле. Досмат чоң атам токтоо, олуттуу сүйлөгөн, пейили жакшы адам эле. Апам да “кайнатам жакшы адам болчу” дейт. Аны да дайыма эскерип куран окуп турабыз.

Атам өзүнө талапты катуу койгондуктан популярдуу болуп турган кезде “концерт бербейсиңби?” дешсе, “азыр эрте” дечү экен. Ошентип жеке концерт бербей калган дешет. “Медер ырдап жатканда эл анын үнүнө арбалып калчу. Үнү кайталангыс эле” дегендерди да угуп калабыз. Атам өзү “Айланып келем ыр болуп...” деп ырдагандай, көзү өтсө да, элине, уулдарына ыр болуп айланып келди.

Атамдын чыныгы күйөрманы таенем менен таежем Рахат. Туугандар чогулуп калганда атамдын ырын сөзсүз койдуруп, угузат. Мурун бизде ырларынын оригиналы да жок болчу. Аны табууга Сыймык Бейшекеев агай жардам берген. Атамдын ырларынын клиптери да бар дешет. Бирок сураштырып таба элекпиз.

Атамдын сахналаш досторунан Абидин Темиров аяш атабыз менен катташып турабыз. Башка бизди Медердин уулу деп тааныган айрым сахналаштары деле саламдашып калышат. Абидин аяш атабыз бизди "атаңардын жайына алып барып келем" деп жүрөт. Буюрса, барып келебиз.

Бир кездеги сахна жылдызы Медербектин балалык, студент, анан популярдуу болуп турган чагы.

Канымжан Усупбекова
star@super.kg
(Сүрөттөр Клара Кыдыршаеванын жеке архивинен алынды)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(6)
08.01.2019. 11:07 
Тайпасы:
Жаран
Комментарийлердин саны:
23
Катталган:
04-07-2017
Соӊку аракети:
20-01-2019 19:51
Жынысы:
Белгисиз
0
Аттин ай.Арабыздан эрте алып кетти ажал.Жездем жакшы киши болчу.2-аялы Фарида абжем менен аз жашасада саз жашады.Жездем мыкты инсан болчуу.Жезде жаткан жерин жайлуу болсун.ырларынды укканда журогум оооруйт.Фарида абжем сизди аябай суйуп сыйлачу.Жаратканыма сизди Фарида эжем сизди оз колу менен узатып сыздап кала бердиго.кала берсе эжем сизди эстеп ыйлай берип журок оруда болду.Кудайым эжем экоонорго наристе буйрубаптыр.Калган омурунузду Аллахым эки уулунузга неберелергеЭжениз Клара айымга берсин
08.01.2019. 17:11 
Тайпасы:
Жаран
Комментарийлердин саны:
6
Катталган:
16-11-2015
Соӊку аракети:
19-01-2019 21:51
Жынысы:
Белгисиз
Калаасы:
бишкек
+1
Таланттуу ушундай легендага айланган ырчылар жөнүндө көп жазсаңар болот эле.
08.01.2019. 18:46 
Тайпасы:
Супермодератор
Комментарийлердин саны:
706
Катталган:
19-11-2013
Соӊку аракети:
20-01-2019 13:12
Жынысы:
Белгисиз
+1
aydinnur, саламатсызбы! Сунушуңузга рахмат, эске алабыз.
08.01.2019. 19:44 
Тайпасы:
Жаран
Комментарийлердин саны:
128
Катталган:
10-05-2017
Соӊку аракети:
20-01-2019 20:14
Жынысы:
Белгисиз
Калаасы:
Жер жузу
+5
aydinnur, ошону айтсан. Кайра кайра эле Нурлан Насип,Самара,Асель,Анжеликаларды чыгара бербей. И баса Чыпалак баатырда бар.
09.01.2019. 15:29 
Тайпасы:
Жаран
Комментарийлердин саны:
647
Катталган:
24-12-2015
Соӊку аракети:
20-01-2019 17:28
Жынысы:
Белгисиз
0
Чыныгы талант эле жакшы Адам эле
11.01.2019. 01:58 
Тайпасы:
Жаран
Комментарийлердин саны:
134
Катталган:
10-05-2016
Соӊку аракети:
18-01-2019 02:45
Жынысы:
Белгисиз
Калаасы:
узген
0
2 - аялы менен 7 эле ай жашаптыр да. Менимче 2 уул төрөп берген 1-аялы менен көбүрөөк бактылуу күндөрдү жашаса керек
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
21724;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: