Архив
844   845   846   847   848   849   850  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Бактыбек Мамытов, Кыргыз Республикасынын Эл артисти: «НААМДАН МУРУН ЭЛДИН КОЛДООСУНА, ЖАКШЫ СӨЗҮНӨ СЕМИРИП ТУРГАН КЕЗИМ»

№846 18-24-январь, 2019-жыл


Кичине кезибизде ишемби, жекшемби күндөрү ата-энем кечкисин кино көрүп жаткан бизди чуу түшүрүп «Арноо концерт» көрөбүз» деп каналды которуп салышчу. Кийин алардан канал талашпай, биз да концерт көрүп мотурайып отурганды адатка айланттык. Канча муунду экран алдына байлап, кыргыз телесинин жүзүнө айланган Бактыбек Мамытовго жаңы жылда Кыргыз Республикасынын Эл артисти наамы ыйгарылды. Агай менен кубаныч-кайгысы аралашкан жашоосу тууралуу маектештик.

– Арыбаңыз, Бактыбек агай! Буюрса, быйыл 69 жашыңызды белгилейт экенсиз. Бул жылдар аралыгында жашооңуз кандай жетишкендиктер, кубанычтар менен коштолду?

– Өмүрдө балалык кез эң аруу, эң бактылуу учур болот экен. Эч нерседен капарсыз, оюн деп гана жүрөсүң. Бирок тилекке каршы, ал кезде бактылуу экенибизди биле бербейт турбайбызбы. Менин балалыгым Чүйдүн Алмалуу айылында колхозчулардын үй-бүлөсүндө өттү. Мени төрөөрдө апам 3 күн толготкон экен. Өзү арык, кичинекей жаны кандай кыйналганын элестетпейсизби. 7 бир туугандын улуусу болдум. Айыл-ападагылардын балдары чогулуп алып жеткен жердин чаңын ызгытып жүрүп эле чоңоюп кеттик. Биздин учурда жогорку окуу жайына тапшырууда талап күч эле, улам тапшырып өтпөй кала бердим. 4-жыл дегенде акыры ийгилик жылмайды. Филология факультетинде окусам эле дароо акын же жазуучу болуп чыга тургандай сезиле берчү. Окууга өткөн алгачкы эле жылы радиого барып үн жаздырып калып, ошол күндөн дикторлугум башталды. Башында күнүмдүк кошумча акча каражатын тапчу булак болсо, бара-бара бул кесипке байланып, баар таап, ушул кезге чейин микрофон алдында отурам. Бул кесиптин арты менен үйлүү болдум, үй-бүлө курдум, алтындай уул-кыздардын атасы аталдым.

– Кубаныч менен өкүнүч эриш-аркак жүрөт дейт...

– Жоготууларга келсек, адам баласынын жашоосундагы эң чоң жоготуу бул жакындарынан айрылуу экен. Чоң апамдан, туптуура азыркы менин жашымда атамдан, 50 жашында апамдан айрылдым. Эки карындашым да о дүйнөгө кете беришти. Бири төрөттөн каза болсо, экинчиси ооруп каза болду. Баарынан 19 жаштагы кызымдын каза болгону бүт дүйнөмдү эңшерип кетти. Менин жашоомдо өкүнүчтүн да орду чоң.

– 2018-жылдын акыркы сизге берген белеги «Кыргыз Республикасынын Эл артисти» наамы болду окшойт. «Бул наамды эрте эле алышым керек болчу» деген ойго жетеленген жоксузбу?

– Жок, андай ой болгон жок. 25 жыл мурун Эмгек сиңирген артист наамын алгам. Андан кийин да бир топ наамдарга, ордендерге, мактоо баракчаларына ээ болдум. Акырындап алып отуруп Эл артистине да кезек жетти окшойт. Кыргызда той-топур көп болот эмеспи, тойдо отурсам алып баруучу болобу же той ээсиби мени эл артисти деп чакырар эле. Башында уялып «мен ал наамды ала элекмин» деп талашып жүрдүм. Кийин «оозуңарда бардыр» деп тим койгом. Бул сыйлыктын эрте-кечи жок. Канчалаган залкар инсандарыбызга наам берилбей калды, канчасы көзү тирүүсүндө наам ала албай өтүп кетишти. Ага караганда, Кудайга шүгүр, наамды колго алып кубанып отурам. 31-декабрда кесиптештерим чалып куттукташты. Андан кийин республиканын бардык бурчунан чалып, номеримди издеп тапканын айтып куттуктап жатышты. Бул наамды мага караганда эл көбүрөөк күткөн экен. Телефонумдун жаагы тынган жок. Бир адам чалып, «кошуналарым менен чогулуп кой союп сиздин наамыңызды майладык. 4 жилик алып койдум, мен кел деген күнү келесиз!» дейт. Наамдан мурун элдин колдоосуна, жакшы сөзүнө семирип турган кезим.

– Ар бир кесиптин көшөгө артындагы эл билбеген түйшүгү, жүгү болот эмеспи. «Кайдан да диктор болдум эле?» деп тандаган кесибиңизге нааразы болгон учур болгонбу?

– Чынын айтсам, жаш кезде 1-2 жолу басып кетем деген учур болгон. Анткени үйүм жок эле, негизи эле үй алыш оор болчу. Шаарда каттоодо турбасаң, айыл жергесинен келсең, үй алчулардын тизмесине кошула алчу эмессиң. Үй-бүлөлүү болуп, бала-бакыра баскандан кийин батирлеп жүрүш оор эле. Анын үстүнө башка жактан жумуш сунуштап калышып, жумуштан кетем деп арыз жазгам. Кудай жалгап ошондо үй берип калышты. Мен да орун-очок алган жеримден кетким келбей калып калдым. Кетпегениме өкүнбөйм, анткени эл адамы болдум. Ушул кезге чейин менин жерлигим боюнча талашып-тартышышат. Оштуктар «сиз Оштон болосуз» десе, нарындыктар «жок, ал Нарындан» дешет. Көлдүктөр такыр эле «ой, сиз Көлдөнсүз да» деп мени менен талашып алышат. Туугандарым да «ал чүйлүк» деп кызыл чеке болуп кетишкенде айтам, «Мен кыргызстандыкмын. Баары менен жума сайын ар бир үйдө ар бир сыналгыдан жолугушуп турабыз» деп.

– Азыр көпчүлүк алпаруучулар тойлордо тамадалык кылышат. Сиз да тойлордо алып баруучулук кылгансызбы?

– Жаш кезде 1-2 жолу тааныштардын көңүлүн кыя албай той алып барган учур болгон. Ал кезде тамадалык мынча өнүгө элек болчу. Өзүм дагы алып баруучулукка кызыккан жокмун. Негизи эле карьералык тепкич деп жулунбаган адаммын. Диктор болуп жаңыдан иштеп баштаганда таң эрте эл менен саламдашып, түнү келерки күндүн программасы менен тааныштырып, анан коштошуп алып эфирди жыйынтыктайт элек. Ошентип түнү-күнү дебей студияда жүрө берчүбүз. Бул да болсо кесибибизди сүйгөндүктөн эле.

– Бизге 12 жыл мурун берген маегиңизде «бир гана аткарылбай калган тилегим – акын болбой калганым» деген экенсиз. Андан кийин 5 жыл өтүп, новеллалар, ырлар камтылган «Очоктогу от» китебиңиз жарык көрдү. Демек, тилегиңиз аткарылды?

– Жок, өзүмдү дагы деле акындардын катарына кошпойм. Акын болуш үчүн бүт дилиңди ыр жазууга арнап, ошонун аркасынан түшүшүң керек болот. Ооба, жаш кезимден бирин-экин ырларды чиймелей коймой жайым бар болчу. Азыр деле эргүү келгенде жазам, эргүү келсе жаныңды койбойт, күн-түн дебей сөзсүз кагазга чиймелегиң келет. «Очоктогу от» китебим 60 жылдыгыма арналып чыгарылган. 2 ырыма обон чыгарылып аткарылып жүрөт. Акындыкты чогуу алып кете албай калганым жалкоолугум болуп калды окшойт. Бул мен үчүн дагы бир өкүнүч.

– Жубайыңыз Жамиля эже менен 45 жылдан бери чогуу түтүн булатып келе жатасыздар. Студиядагы Бактыбек агай үйгө барганда кандай күйөө, кандай ата?

– Өмүрлүк жар деген жашоодогу болгон түйшүгүңдү, кыйынчылыгыңды, кубанычыңды чогуу көтөрүп жүрөр жан экен. Жамиля мончоктой болгон 5 баламдын энеси, мени үй тиричилигинин түйшүгүнө салган жок, баарын өзүнүн моюнуна артып алган. Зарыл учурда эле айтпаса, көп тынчымды албайт. Ал турсун бир учур мен ооруп, ошол адамдын бапестеп кароосу менен аман калдым десем болот. Анан кантип жубайымды мактабайын? Экөөбүздүн неберелерибиз чоңоюп, 2 чөбүрөлүү кылышты. Балдарга абдан жумшакмын, такыр катуу айта албайм. Неберелеримди моюнума мингизип алгам. Карылыктагы чоң кубанычтардын бири, карылыкка ыраазы болгон учур неберелерге байланыштуу болот экен.

– Балдарыңыздын арасынан атасындай сөз кадырын билген, чыгармачылыкка жакыны барбы?

– Каза болуп калган Нур кызым менин жолумду жолдойт эле деп калам. Эки тилде шар сүйлөп, эки тилде тең оюн так, маңыздуу жазчу. Тың кыз эле. Кыйын кыз эле... Ушул кызымдан бир нерсе чыкмак... Аттиң, өмүрү кыска экен.

– Коомчулуктун талкуусунда турган темага кайрылсак. Жол эрежелерин бузган айдоочуларга, коомдук жайларда тартип бузгандарга айып пулдун өлчөмү өстү. Өзүңүз канча жыл айдоочу болгонсуз? Жаңы эрежелерге көз карашыңыз?

– Өмүр бою машинанын рулуна отурган жокмун, азыркы кезге чейин техника дегенге кызыкпайм. Ал эми айып пулдардын көтөрүлгөнү чоң маселе болуп жатпайбы. Тартип бузгандарды жазалоо кажет, алар да жоопкерчилик алышы керек, туура. Анткени азыр баланча адам өлдү, минтип өлдү деген жаңылыктар шурудай тизилип, эл адам өлүмүн тамак ичкен сыяктуу көнүмүш адатта кабыл алган заманга жеттик. Союз учурунда автокырсыктан каза болду деген чанда эле, анда машина да аз болчу. Андай суук кабарды төбө чачыбыз тик туруп укчубуз. Экинчи тарабы, айып пул алган айлыкка жараша салынышы зарыл. Эгер айлыгы 100 миң сом болуп, тартип бузса «туптуура, 5500 сом төлөсүн» дейт элем. Азыр 10-15 миң сом айлык же 5 миң сом пенсия менен жашагандар үй-бүлөсүн багабы же бир түкүрүк үчүн айып пул төлөйбү? Кылмыштын баарын айып пул эле токтотуп коёт дегенге ишенбейм. Бул маселени дагы карап, жакшылап жыйынтык чыгарыш керек. Негизгиси ар бир адам өзү менен өзү иштеп, тартип бузбаса, мындай маселе да жаралбайт, коом да таза болот эле.

– Маегиңизге рахмат! Ден соолукта болуңуз.

«Өмүрлүк жар жашоодогу болгон түйшүгүңдү, кыйынчылыгыңды, кубанычыңды чогуу көтөрүп жүрөр жан экен».

Асыл Орозбекова
star@super.kg



Бактыбек Мамытов: “19 жаштагы кызымдан айрылганым бүт дүйнөмдү эңшерип кетти“

Автор: Алтынай Тынышова
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  11 
Комментарийлер(17)
22.01.2019. 09:18 
Тайпасы:
Конок
Комментарийлердин саны:
3
Катталган:
21-12-2018
Соӊку аракети:
22-02-2019 01:22
Жынысы:
Белгисиз
+26
Мен баалаган адамдык сапаты жогору мыкты инсан.
22.01.2019. 10:27 
Тайпасы:
Конок
Комментарийлердин саны:
198
Катталган:
03-12-2018
Соӊку аракети:
21-02-2019 21:45
Жынысы:
Белгисиз
+26
Бар болунуз!Кыргыз журналистикасынын жузу сиз жана Гулшан Молдоева деп билемин.Рахмат сизге,кызматынызга чексиз ыраазычылык!
22.01.2019. 10:38 
Тайпасы:
Жаран
Комментарийлердин саны:
168
Катталган:
13-07-2013
Соӊку аракети:
21-02-2019 00:45
Жынысы:
Белгисиз
Калаасы:
Бакыт калаасы!
+32
Мен эс тарттым, чоңойдум, балалуу болдум,а, сиз Гүлшан эже экөөңүздөр дагы деле мен эс тартып тааныган бойдонсуздар, жапжашсыздар))))))
Бар болуңуз, сыйлык кут болсун!
jemile түзөттү 2019-01-22 10:39:06
22.01.2019. 11:36 
Тайпасы:
Жаран
Комментарийлердин саны:
36
Катталган:
21-09-2012
Соӊку аракети:
21-02-2019 16:29
Жынысы:
Белгисиз
+14
Наам кут болсун агай татыктуусуз аман болунуз.
22.01.2019. 15:12 
Тайпасы:
Жаран
Комментарийлердин саны:
152
Катталган:
05-01-2015
Соӊку аракети:
20-02-2019 17:55
Жынысы:
Белгисиз
+12
Эл артисти наамы менен куттуктайбыз. Канча эмгектин арты менен келген чыныгы "эл артисти" наамы кут болсун. Уй-було, жакындары менен кооп узак омурдо жашашын тилейбиз.
22.01.2019. 17:49 
Тайпасы:
Жаран
Комментарийлердин саны:
29
Катталган:
17-01-2011
Соӊку аракети:
19-02-2019 13:41
Жынысы:
Белгисиз
Калаасы:
Садагам Оштой жеримди..
+8
Сиз мамлекеттеги эн чон даражадагы сыйлыкка татыктуусуз! Омурунуз узун болсун.
22.01.2019. 17:51 
Тайпасы:
Жаран
Комментарийлердин саны:
124
Катталган:
15-12-2014
Соӊку аракети:
22-02-2019 07:01
Жынысы:
Белгисиз
+7
Мен аябай сыйлаган инсан. Көп жашаңыз агай
22.01.2019. 21:12 
Тайпасы:
Жаран
Комментарийлердин саны:
182
Катталган:
07-02-2014
Соӊку аракети:
18-02-2019 17:06
Жынысы:
Белгисиз
Калаасы:
Каракөл
+7
НАам кут болсун, 70 жашка чыкты десе эч ким ишене бербейт...... Кызы неге көз жумду эле?
22.01.2019. 21:36 
Тайпасы:
Жаран
Комментарийлердин саны:
764
Катталган:
26-01-2017
Соӊку аракети:
07-02-2019 09:16
Жынысы:
Белгисиз
+7
Ушул кишини өтө өтө жакшы көрөм атамдай эле жакшы көрөм.Ар бир кыргыз кызына Бактыбек Мамытовтой күйөө туш келсин.
23.01.2019. 00:51 
Тайпасы:
Жаран
Комментарийлердин саны:
20
Катталган:
29-04-2017
Соӊку аракети:
19-02-2019 23:35
Жынысы:
Белгисиз
+4
Аябай жонокой адам экен. Окуп аябай эргуу алдым. Китебинизди созсуз алып окуйм. Бар болунуз
23.01.2019. 03:50 
Тайпасы:
Жаран
Комментарийлердин саны:
34
Катталган:
18-07-2018
Соӊку аракети:
12-02-2019 12:56
Жынысы:
Белгисиз
+4
Агай коп жашаныз
23.01.2019. 14:40 
Тайпасы:
Конок
Комментарийлердин саны:
5
Катталган:
22-01-2019
Соӊку аракети:
21-02-2019 20:51
Жынысы:
Белгисиз
+2
Жакшы инсан...бар болунунуз!
23.01.2019. 16:48 
Тайпасы:
Конок
Комментарийлердин саны:
6
Катталган:
14-12-2018
Соӊку аракети:
21-02-2019 23:08
Жынысы:
Белгисиз
+1
Жетимиш жашка барып калса да жаш корунот экен биз.Бактыбек агай м н сыймыктанабыз
24.01.2019. 01:23 
Тайпасы:
Жаран
Комментарийлердин саны:
35
Катталган:
19-07-2018
Соӊку аракети:
04-02-2019 23:53
Жынысы:
Белгисиз
+2
Гулшан Молодоева жубайы го деп эле журо берген экем кичинемде. КТРКнын эле кызыктуу передачасы арноо концерт болчу. Улуу -кичуу, жаш кары дебей отуруп кызыгуу мн коргон. Узак жашап эл алкышына арзып журо бериниз.
24.01.2019. 17:07 
Тайпасы:
Жаран
Комментарийлердин саны:
31
Катталган:
15-01-2015
Соӊку аракети:
27-01-2019 20:56
Жынысы:
Белгисиз
0
Кызы эмне болуп каза болду эле. Билгендер жазып койгулачы
24.01.2019. 17:08 
Тайпасы:
Жаран
Комментарийлердин саны:
31
Катталган:
15-01-2015
Соӊку аракети:
27-01-2019 20:56
Жынысы:
Белгисиз
0
?
28.01.2019. 12:54 
Тайпасы:
Жаран
Комментарийлердин саны:
235
Катталган:
15-08-2017
Соӊку аракети:
16-02-2019 19:55
Жынысы:
Белгисиз
0
Бар болунуз !Арноо концерт силер бар учун шандуу эле!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21873;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: