Архив
844   845   846   847   848   849   850  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Тауекел Мусилим, казак актёру: «КЕЛЕЧЕКТЕ ТҮРК ТАСМАЛАРЫНА ТАРТЫЛЫП КАЛЫШЫМ МҮМКҮН»

№849 8-14-февраль, 2019-жыл


Учурда көп кыздардын түшүнө кирип, шилекейин агызган казак актёру Тауекел Мусилим кезинде абдан тартынчаак, уялчаак болгонун айтат. Анын кемчиликтерин жоюуга моделдик кесип себепчи болсо, режиссёр Руслан Акундун «Апамды издеп» тасмасы аны кино айдыңына ишенимдүү киргизген "бактылуу билет" болду. Аталган тасма Кыргыз жеринде эле эмес, Казакстандан да көп көрүүчү таап, минтип экинчи бөлүгү көрөрмандарга тартууланып отурат.

– Тауекел, саламатсызбы? Акыркы жылдары байма-бай кыргыз киносуна аралашып келесиз. Сизге кыргыз-казак киносунун айырмасы байкалабы?

– Саламатчылык. Чынында айырмачылык көп деп айта албайм. Совет учурунда бизде да, сиздерде да классикалык тасмалар көп болгон. Эми кайра Кыргыз мамлекетинин кинематографиясы да, казактардыкы да өнүгүп жатат. Учурда жакшы кино тартсаң жакшы касса чогултууга, кеткен каражатты толук жапканга болот. Кыргыз жеринде да таланттуу актёрлор бар. Таланттуу адамдар иштесе, кино өнүгө берет деп ойлойм. «Апамды издеп» тасмасы Казакстанда жакшы көрүүчү чогулткан. Андыктан уландысын мекендештерим аябай күтүп жатышат.

– Сизди «Махабатым жүрөгүмдө» деген сериалдан тарта жакшы тааный баштадык. Бул кесипке качан келдиңиз эле?

– Бала кезде мен түнт, уялчаак бала болчумун. Баары моделдик кесиптен башталды. 2008-жылы моделдик бизнеске келип, эл менен аралашып, өзүмдү баалай билгенге үйрөндүм. Актёрлук кесипке ошол кезден кызыгуум артып, ар кандай кастингдерге катыштым. Билесизби, кастингдерге катышуу мага 6 жыл ийгилик алып келбеди. Буга, албетте, актёрлук тажрыйбамдын аздыгы себеп болду. Бирок кол шилтеп койбой, кайра-кайра өжөрлөнүп кастингдерге бара бердим. Акыры сиз айтып жаткан «Махабатым жүрөгүмдө» деген сериалга өтүп кетип, башкы каармандын ролун жараттым. Ал эми актёрлук кесипте билимим жок, чынында. Бирок теориясын окубасак да, практика жүзүндө жакшы эле өздөштүрүп жатабыз.

– Мурунку маектериңизде АКШдан карьера жасоону баштайм деген экенсиз...

– АКШда кино тартабыз деген планыбызда бар. Бирок ал казак киносу. Азырынча качан ишке ашары тактала элек. Негизи, мага АКШ деле чек болбошу керек, балким, кийин түрк тасмаларына да тартылып калармын. Анткени «Апамды издеп-2» тасмасын Анталия шаарында тартып жатып ал жактын киноиндустриясына да баам салдым. Тасма тартууда бизге бир түркиялык кинопродакшн көмөктөшкөн. Ал жактагылар мени «Тил үйрөнүп сериалдарга түшсөңүз болот. Сиз түрк мырзаларына түспөлдөшүп кетет экенсиз» дешти. Балким, кийин тилди жакшы өздөштүрүп алсам түрк тасмаларында башкы каарман болбосо да, массовкага аралашып баштаармын.

– Эл актёрлорду киного тартылып койсо болду, жыргап эс алып жүрө беришет деп ойлойт. Сиздин социалдык тармактагы баракчаңыз да бул пикирди бекемдейт. Бир карасак тоодо, бирде чет өлкөдө жүргөн болосуз. Тауекелдин күнүмдүк жашоосу кинодон тышкары кандай өтөт?

– Эгер чоң долбоор болбосо машыгууга барам. Андан сырткары актёрлук сабактарга катышам. Кыштын күнү тоого барып эс алууну да унутпайбыз.

– Тартылган тасмаларыңыздын арасынан эсте калган ролуңуз кайсы болду? Кандай ролду жаратуу сизге оор?

– «Апамды издеп» тасмасындагы ролум өзүмө жагат. Тасма да сапаттуу чыкты деп ойлойм. Анткени ошол тасма аркылуу мени Кыргыз жеринде көпчүлүк тааныды. Азыр Инстаграм баракчамдагы окурмандардын арасында кыргыз жеринен катталгандар экинчи орунда.

Роль боюнча айтсам, элди күлдүрүү да, ыйлатуу да кыйын. Анткен менен мен актёрлук кесибимдин башатында жүрөм деп ойлойм. Андыктан ал кыйын же бул кыйын деп роль тандаганым болбой калат го үлүп). Бирок мен чектелгим келбейт, тарыхый тасма болобу, комедия жанрындабы, баарын ойноп көрсөм дейм. Дайыма тасмага тартыларда өзүм менен өзүм күрөшөм десем болот. Анткени «Эмне тартылып жатасың? Сен актёр эмессиң. Сен кимди алдап жатасың?» деген ойлор жаралып, өзүмдү-өзүм жемелей берем. Ал оюмду жеңиш үчүн болгон аракетимди жумшап келем. Тасма экранга чыгып жыйынтыкты көргөндө гана аракетим текке кетпептир деп ойлойм. Кээде өзүмдүн кемчиликтеримди көрөм. Айтор, ар бир ролум мен үчүн чоң сабак.

– Жеке жашооңузду аттап өтсөк болбос. Былтыр сүйлөшкөн кызыңыз тууралуу жар салдыңыз эле. Сүйүктүүңүз тууралуу айтып бересизби?

– Жеке жашоо тууралуу айтсам, азыр белгисиз абалдамын. Былтыр маалымат каражаттарына сүйлөшкөн кызымды тааныштыргам. Тилекке каршы, ал кыз менен азыр кабарлашпай калдык. Ошондуктан учурда убактымды өзүмө гана арнап жатам. Азыр 30 жашка келдим. 2-3 жылдан кийин милдеттүү түрдө үйлөнүшүм керек.

– Ошондо азыр жүрөгүңүз бошпу? Көп кыздардын кыялындагы мырзасыз. Сиздин кыялыңыз кандай, талаптарыңыз кандай кыздарга?

– Ооба, учурда жүрөгүм бош. Кыздарга талаптарым деле чоң эмес. Башкысы, мени, ата-энемди, досторумду сыйласа. Анан, албетте, мени сүйсө ошол маанилүү деп билем. Ал эми үй жыйнап, тамак бышыра алабы, албайбы, аны үйрөнүп алса болот деп ойлойм.

– Мындай учур болуп калды дейли. Бир кыз сизди жактырып калды. Кайсы жерде болбосун сүйүүсүн арнаса кандай карайсыз?

– Мындай окуя болгон эмес. Баштан өтпөгөндөн кийин айта да албайт экенсиң үлүп). Сүйүүсүн билдирген кыздарга каршы эмесмин.

– Сизди энеңиз жалгыз бой өстүргөнүн билебиз. Бала кездеги кандай учурлар көз алдыңызда калды?

– Ооба, апам эжем экөөбүздү жалгыз өстүрдү. Ата-энем ажырашканда кыйын жашоо кечиргенбиз. Анда апам жаш эле болчу. Өзүнө башка жар таап, өз турмушун куруп кетсе болмок. Бирок андай кылган жок. Жаштыгын, өмүрүн бизге арнады. Апамдын бизге берген тарбиясы, эмгеги чоң. Эсимде, бала кезимден эле мен эмнени кааласам баарын алып берчү. Азыр деле кандай иш баштабайын, дайым колдоп келет. Андыктан апамдын калган өмүрүн бактылуу кылып өткөргөнгө колумдан келген аракетимди жумшайм. Апамды дайым чет өлкөгө эс алууга жөнөтөбүз, көңүлүн алып белек-бечкектерибизди берип турабыз.

– Сизди жан сакчы менен жүрөт деп уктук. Ошол чынбы?

– Жок үлүп), мага жан сакчынын кереги жок. Жан сакчы жалдагандай менин жашоомо коркунуч жараткан эч нерсе деле жок. Жан сакчыны мен артык чыгым деп эсептейм.

– Учурда кандай пландарыңыз бар?

– Жакында дагы эл аралык долбоорго катышканы турам. 2016-жылы өзбек киносу «Барон» деген боевикти тартышкан. Буюрса, ошонун уландысы тартылып, мен анда терс каармандын ролун жаратам. Эртең Каирге аттанганы турам, андан кийин Ташкентке келебиз. «Барон» тасмасы менин экинчи эл аралык долбоорум болмокчу.

– Убакыт бөлүп маек бергениңизге ыраазычылык. Дагы көп-көп ийгиликтерди жарата бериңиз!

Гүлжамал Абылкасымова
star@super.kg



Тауекел Мусилим: "Сүйүктүүм менен кол үзүштүк, учурда жүрөгүм бош"

Автор: Алтынай Тынышова
Оператор: Руслан Алыбаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(5)
12.02.2019. 10:09 
Тайпасы:
Жаран
Комментарийлердин саны:
172
Катталган:
10-04-2015
Соӊку аракети:
21-02-2019 22:50
Жынысы:
Белгисиз
+5
Келбети бар бирок ойногон рольдорун жеткизе аткара албайт
13.02.2019. 00:57 
Тайпасы:
Жаран
Комментарийлердин саны:
45
Катталган:
23-04-2013
Соӊку аракети:
21-02-2019 04:04
Жынысы:
Белгисиз
+1
Махабатым журогумдо сериялында аткарган ролун жакшы аткарган,дагы дагы чыгармачылык ийгилик каалайм...
14.02.2019. 02:24 
Тайпасы:
Жаран
Комментарийлердин саны:
1579
Катталган:
11-01-2017
Соӊку аракети:
21-02-2019 22:11
Жынысы:
Белгисиз
-1
Бул бала эмне кыргыз жарандыгын алганы жатабы? Гезитинердин ар санында калтырбай чыгарып жатасынар.
16.02.2019. 01:44 
Тайпасы:
Жаран
Комментарийлердин саны:
8
Катталган:
19-07-2013
Соӊку аракети:
18-02-2019 01:38
Жынысы:
Белгисиз
Калаасы:
БишКЕК
0
Жакшы.ийгилик!!
17.02.2019. 06:33 
Тайпасы:
Жаран
Комментарийлердин саны:
41
Катталган:
03-05-2017
Соӊку аракети:
20-02-2019 03:19
Жынысы:
Белгисиз
0
Уже тартылып жатат Эмир мн чогу (черная любовдогу ) Каан Чойоглу
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21873;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: