Архив
844   845   846   847   848   849   850  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ҮЙ-БҮЛӨДӨ АЯЛ ЭРКЕКТЕН КӨП АКЧА ТАПСА КАНДАЙ МАСЕЛЕЛЕР ЧЫГАТ?

№849 8-14-февраль, 2019-жыл


Үй-бүлөгө күн сайын, саат сайын, мүнөт сайын эмгек кылуу керек. «Бүгүн эмгек кылдым, эми бир ай эс алам» деп ойлосоңуз эле чебиңиз четинен урай баштайт. Үй-бүлөдө аял-эркектин ролу, заманбап аялдын «мен эле таап келип жатам» деген сөзүнүн оордугу тууралуу сөз кылмакчыбыз. "Paradise Sun" борборунун психологу Айзада Танаева бул маселе тууралуу айтып берет.

ТАБИЯТКА КАРШЫ БАРА ЖАТАБЫЗБЫ?

Көпчүлүк үй-бүлөдө аялдар күйөөсүнөн көбүрөөк таап жаткан учур. Бизде эле эмес, дүйнөлүк практикада аялдар көбүрөөк киреше табууда. Анткени аялдарда ийиле турган жерден ийилип, жетекчинин тилин таба турган жерден таап, ордуна койчу жерде ордуна коё ала турган ийкем акыл бар. Мунун терс жагы да бар. Табышкерлик аялдардын табияты эмес. Жан-жаныбарда болобу, адамдарда болобу, эркектин Жараткандан берилген милдети – үй-бүлөсүн камсыздоо. Эркек алып келген тамакты даярдоо, тукумду улантуу, үй-бүлө мүчөлөрүнө камкордук кылуу аялга тиешелүү милдет. Демек, илгертеден бөлүнгөн роль замандын агымы менен алмашып калды. Табиятыбызга каршы кетип баратабыз. Бул нерседен эркек, аял, ал эле эмес, ортодогу балдар да жапа чеге баштайт.

БЕТ КАПТАР СЫЙРЫЛГАНДА...

Эркек аялдардай эмоциясын ачык чыгара бербейт. Бирок бөркүңүздөй көрүп коюңуз, эгер аялы андан көп акча тапса өтө жабыр тартат. Алгач аялынын ийгилигине кубангандай түр көрсөтөт, кийин «баары жакшы» деген сыпайы бет кап киет. Аны чечип, кийин кайдыгерликтин бет кабын ченеп көрөт. Бет каптарынын баары сыйрылып бүтүп калганда чыныгы жүзү – агрессия башталат. Күнүмдүк кылып жүргөн жумуштарынан баш тартат. Баласынын окуусун көзөмөлдөгөндөн, азык-түлүк алып келгенден, кээ бир учурда өтө жөнөкөй иштерден баш тартканга чейин барат. Өзүн маанилүү көрсөтүү үчүн «мен баланча иш менен кеттим» деп куру шылтоо менен үйдөн чыгып сыраканага отуруу, бильярд ойноп, дагы ушул сыяктуу адаттар менен жүрүп алуусу көбөйөт. Кээде телевизор көрүмүш болуп дивандан түшпөй калат. Стоп! Бул белгилер башталганда аял да, күйөө да жашоосун карап, анализдегенге өтүшү керек.

АРАБАНЫН АЛДЫНА ЧЕГИЛБЕҢИЗ

Табиятынан ургаачынын негизги функциясы – тукум улоо. Акча көп таба баштаса ал төрөгөндү жылдыра баштайт. Эркекче ойлонгонго өтөт. Мээримдүүлүк, назиктиктин ордуна өктөм сүйлөө, чечимди тез кабыл алуу, сабырсыздык сапаттары көбөйөт. Көпчүлүк аялдар өзүнүн чечимди тез кабыл алганын, эркектин ордуна мык кагып койгонун айтып, сыймыктанышат. Жок, бул жерде сыймыктануунун ордуна кооптонуу керек. Аялдар бул адат менен кетсе, кантип арабанын алдында чегилген атка айланып, калганын аңдабай калат. Автоматтык түрдө күйөө арабанын үстүнө отуруп алган жүргүнчүгө айланат. Буга аял күнөөлүү, анткени эркектин табиятынан берилген функциясын тартып алып жатат. Ал арабанын үстүндө отуруп калганына канчалык кыжалат болсо, сиз арабанын алдында тартып баратканыңызга капасыз. Демек, бул абалда эч ким бактылуу эмес.

БИРИ-БИРИНЕ ТАРТЫЛУУ ЖОГОЛОТ

Эркек менен аялдын ортосундагы сексуалдык тартылуу жоголот. Аптада бир, айда бир болуп баратып, аягы качан болгонун деле эстей албай калышат. Мындан көп учурда эркектер жабыркайт. Жоокер заманда жоонун алдында аялдар эркектерин кумарын кандырып туруп жиберишчү деген маалыматтар бар. Анткени кумарлуу түндөн кийин эркектер бир канча эсе сергек, күчтүү, батыл болуп калышкан. Сексуалдык турмушу төмөндөсө эркектин энергиясы да төмөндөп жүрүп отурат же бош калган балансты кумар ойноо, арак, ойноштук сыяктуу нерселер менен толтура баштайт.

БАЛДАР ЖАБЫР ТАРТАТ

Үй-бүлөдө балдар болсо андан да жаман. Үйдө балдар атанын орду менен эненин ордун айырмалап чоңойгону оң. Негизинен эркек бала апасына окшогон аялды издейт. Анткени кичинесинен көргөн модель ошол. Эч бир эне уулунун така алдында калышын каалабайт. Демек, аял өз уулу така алдында болуусун каалабаса, күйөөсүнө болгон мамилени өзгөртүү керек. Кыздар мындай үй-бүлөдө өссө, көп учурда жалгыз калууну чечишет. Андыктан эгерде кызды кыздай, эркекти эркектей тарбиялайм десеңиз өзүңүздүн ролдоруңузду баштапкы калыбына келтириңиз.

ИШЕНИМ БААРЫН ЖЕҢЕТ

5 маселени талдап чыктык. Эми айлампадан чыгуунун жолдорун издеп көрөлү. Аял киреше азыраак тапканга аракет кылышы керекпи? Жок! Абалдан чыгуу үчүн үй-бүлөдөгү кирешени теңелтүү керек. Бул үчүн эркекке мотивация берүү керек. «Жаным, сенин колуң ушунчалык эптүү, балким, ушу ишти кылып көрсөң кантет?», «Ий, сенин акылың менен кылсам туптуура болбодубу, рахмат», «Бул ишти кандай кылсак болот?», «Мен сага ишенем, сенин колуңдан келет» деген сыяктуу сөздөрдү айтуу керек. Эркек өзүн керектүү сезген учурда гана аракет кылып, жаңы демилгелерге шыктана баштайт. Мотивация берүүдөгү эң негизги курал – бул ага чындап ишенүү. Жакшы сөздөр ооз учунан айтылса же алдап коюш үчүн айтылса максатына жетпейт. Ал сөздөр жүрөгүңүздүн түпкүрүнөн айтылышы керек. Аял өзү эркектин колунан келерине ишенүү керек. Чындап эркекке ишениңиз. Андан да жакшысы, өзүңүздү эркектин жанында капкалуу чептин ичинде тургандай сезиңиз. Аз убакыттын ичинде ишеним өз жыйынтыгын бере баштайт.

СИЗ КЫЙЫНСЫЗ! БАШКАЧА БОЛУШУ МҮМКҮН ЭМЕС
Эркектер, табияттан силерге берилген үч нерсе бар. Мээримдүүлүк, берешендик, анан баатырдык. Кимде көп, кимде аз, бирок бар. Муну өөрчүтүп, үй-бүлөңүздүн пайдасына аракет кылыңыз. Мейли, аялыңыз көбүрөөк акча таап жатыптыр. Ал аны төркүнүнө алып барбайт, сизге жана балдарыңызга жумшайт. Сиз андан ашканга аракет кылыңыз. Колуңуздан келет, болгону каалоо керек. Чакан чарбаңызды деле гүлдөтүп баштасаңыз, канчалык пайда, ал көздөн тыш калбайт, аялыңыз да баалайт. Балким, кичине чарбаңыз 5 жылдан кийин чоң ишкана болор, ким билет?

ЭРКЕКТИ СӨЗГӨ СЫНДЫРЫП АЛБАҢЫЗ
Жогорку тонду, үндү бийик чыгарганды жумушка таштаганыңыз оң. Үйгө келгенде өзүңүздү өзгөртүңүз. Сиз үйдө мээрман эне жана назик аялсыз. «Сенин колуңдан бул иш келбейт», «сени мен адам кылдым», «турчу ары жакка, качан эле сен иш бүтүрө алчу элең?», «мен акча таап жаткандан кийин сен отура бер да» деген сөздөрдү турмушубузда көп эле угабыз. Өлүп бара жатсаңыз да күйөөңүздүн дарегине бул сөздөрдү айтпаңыз. Бул сөздөрдү лексиконуңуздан алып салыңыз. Эркектер морт келишет, мындай сөздөргө бат эле сынып калышат. «Бул реалдуулук да, чын эле колунан иш келбесе» дешиңиз мүмкүн. Макул, чындыкка жараша ошентип сындырып салдыңыз, бирок сынып калган күйөө менен сиз өмүр бою жашашыңыз керек да. Ортодо балдар болсо сиз мындан да терең ойлонушуңуз кажет .

АЙЛА ЖОК, ЖАМБАШТЫ КӨТӨРБӨСӨ ТАШТАҢЫЗ
Көздү чоң ачсак, айланабызда эч бир мотивация да, жылуу сөз да жардамга келбеген учурлар бар. Тилекке каршы, таптакыр жамбашы көтөрүлбөй койсо, жакшы ойлонуш керек. Диванда жата берген, үйдүн чоң баласына айланган эркек сиздин жашооңузга кереги барбы? Балким, коё бериш керек...


АЯЛ ДАЙЫМ АЯЛ БОЛУШУ КЕРЕК
Ошондой эле «мен эле, мен» деп эркектин аракетин көрбөгөн аялдар да жок эмес. Мындай учурда эркек аз убакытка болсо да ал аялды жалгыз калтырып көргөнү оң. Жашоосун анализдеп, баары бир эркек боло албасын түшүнгөн соң аял, балким, кайтып келер.

Нуржамал Жийдебаева
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
13.02.2019. 00:26 
Тайпасы:
Жаран
Комментарийлердин саны:
45
Катталган:
16-01-2012
Соӊку аракети:
22-02-2019 03:55
Жынысы:
Белгисиз
Калаасы:
Кыргызстан
+5
Эн туура айтыптыр. Аял эркектин оорду алмашып баратат. Мунун айынан ажырашуу да кобойуп атат. Ушул макаланы бардык социалдык тармактарга жайылтыш керек соц.тармактарга кирбеген адам аз эле го. Окуп ар бир акылы бар адам талдап ойлонот. Айрыкча жаштарга жакшы жардамы тиет деп ойлойм. Оз оордуларын билишсин.
14.02.2019. 18:34 
Тайпасы:
Жаран
Комментарийлердин саны:
47
Катталган:
24-04-2018
Соӊку аракети:
22-02-2019 06:16
Жынысы:
Белгисиз
0
Соонун кенеш
16.02.2019. 10:03 
Тайпасы:
Жаран
Комментарийлердин саны:
11
Катталган:
11-01-2018
Соӊку аракети:
21-02-2019 10:03
Жынысы:
Белгисиз
0
Мыкты кеңеш болуптур. Кийин турмушка чыкканда пайдасы тийчү.
16.02.2019. 11:28 
Тайпасы:
Конок
Комментарийлердин саны:
7
Катталган:
06-02-2019
Соӊку аракети:
20-02-2019 23:31
Жынысы:
Белгисиз
+2
Жеңем окуду бекен
17.02.2019. 06:22 
Тайпасы:
Жаран
Комментарийлердин саны:
5
Катталган:
03-05-2017
Соӊку аракети:
20-02-2019 03:19
Жынысы:
Белгисиз
+2
Туура жазылаган бирок деген соз бар ,азыркы эркектердин 50% жалко болуп калышкан мурункудай жооп керчиликти сезбей калышкан,ачуу чындык!!!Москва да аялдары иштеп ,оздору уйдо бала карап олтурушат,мындай карап корсом аял мн эркектин милдети алмашып калгандай ,намыс деген жоголуп баратат, буга кандай карайсыздар ?Албетте беш кол тен эмес ...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21873;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: