Өзүн «мотиватор», кыргыздын деми» атаган Гүлзат Мамытбек мурунку жолдошу менен соттошууда. Алар ажырашкан мезгилде балдары жана үйү жолдошунда калган. Жакын арада Хуан аттуу жигит менен кол кармашкан Гүлзат айым учурда балдарын жана үйүн өзүнө алуу максатында сотко кайрылгандыгын айтат:
– Балдарымды, үйдү өзүмө алуу үчүн сотко кайрылгам. Үч балам бар, улуусу 8де, ортончусу 6, кичүүсү 3 жашта. Атасы менен мынча күн мени менен, мынча күн сени менен деген келишим бар болчу. Учурда ал келишимди бузуп «апаңарга барсаңар мага келбей эле койгула» деп жатат. Хуан болсо «жакшы жактоочуларды жалдап, балдар үчүн күрөш» деп мага дем берип жатат. Балдарымдын атасы биринчи сотко келбей койду. Эмнеге келбегенин сурап, байланышкан жокмун. Балдарымды өзүмө алмайынча акырына чейин күрөшөм. Ал үчүн менин кудуретим, акчам, билимим жетиштүү. Негизи балдар энеси менен болушу керек. Буюрса, 2-сот бир жумадан кийин болот.