Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СҮЙМӨНЧҮК МАШЫКТЫРУУЧУ ЮРГЕН КЛОПП

№863 16-22-май, 2019-жыл


Юрген Клопп – шайыр, эмоционалдуу, акылдуу, өзгөчө харизмасы менен айырмаланган машыктыруучу. Титул же акча үчүн эмес, ар бир күйөрман каалаган чабуулга өңүт алган футболду командасына үйрөткөн насаатчы быйылкы футбол сезонунун башкы каармандарынын бири болууда.


КААРМАН ТУУРАЛУУ
Аты-жөнү – Юрген Норберт Клопп
Туулган жылы – 1967-жыл, 16-июнь
Туулган жери – Германия, Штутгарт шаары
Жетишкендиктери – «Боруссия» Дортмунд менен Германиянын 2 жолку чемпиону, Германия Кубогунун ээси, 2 жолу Германия Суперкубогунун жеңүүчүсү
Учурда – «Ливерпулдун» башкы машыктыруучусу
Үй-бүлөлүү. Эки уулдун атасы


РЕКОРДДУК 97 УПАЙ ЧЕМПИОНДУКТУ АЛЫП КЕЛГЕН ЖОК
12-май күнү дүйнөдөгү эң күчтүү, эң кызыктуу делген Англия Премьер-Лигасы жыйынтыкталды. Юрген Клопп жетектеген «Ливерпуль» командасы 38 оюнда 97 упай топтоого жетишип, клубдун рекордун жаңылады. Буга чейин "Ливерпуль" бир сезондо 90дон ашык упай топтогон эмес. Тилекке каршы, рекорддук упай аларга чемпиондукту алып келген жок. Англиянын биринчилигин "Ливерпулдан" 1 упай көп топтогон "Манчестер Сити" клубу багындырды.
2015-жылы октябрь айында Юрген Клопп "Ливерпуль" менен келишим түзүп жатканда 4 жыл ичинде команданы "чемпион кылам" деп убада берген эле. Бирок ал ою ишке ашпай калды. Ага карабастан 19 жылдан бери чемпиондукту күтүп келе жаткан "Ливерпулдун" күйөрмандары Клопптун отставкасын каалашпайт. Ооба, 4 жылда Клопп команданы чемпион кыла алган жок, бирок укмуштуудай оюну менен "Ливерпулдун" гана эмес, көпчүлүк футбол күйөрмандарынын жүрөгүнөн орун тапты.

КЛОПП – «МАЙНЦ 05» КОМАНДАСЫНЫН ЛЕГЕНДАСЫ
Юргендин бул жарык дүйнөгө келгенине атасы абдан кубанган. Атасы Норберт футболчу болгону менен, профессионалдык деңгээлге чыга алган эмес. Ошондуктан футболчу болом деген максатымды балам ишке ашырат деп үмүттөнгөн.
Алгач Клопп Германияда профессионалдык эмес клубдарда ойногон. 23 жашка чыкканда гана «Майнц 05» командасы менен келишим түзөт. Ошол учурда аталган клуб өз тарыхында Бундеслигада ойноп көрбөгөн, төмөнкү лигаларда гана ойногон командалардын бири эле. 18 жыл өмүрүн Клопп дал ушул клубга арнайт. 11 жыл ичинде ал "Майнцтын" алмашкыс оюнчусуна айланып, команданын лидери болгонго жетишет. Дал ушул лидерлик сапаты үчүн команда жетекчилери Клоппту 34 жашында машыктыруучу кылып дайындайт. Ошентип, дагы 7 жыл команданын машыктыруучусу болуп эмгектенет.
Ал оюнчу кезинде эле машыктыруучулук курска жазылып, тапкан акчасынын жарымын окуусуна жумшаган. Машыктыруучу Клопп үч сезондун ичинде "Майнцтын" тарых беттерин жаңылап, команданы алгачкы ирет Германиянын жогорку лигасына чыгарат. Ал бул ийгилиги тууралуу: «Жайкы машыгуу учурунда мен оюнчуларымды тамак-ашсыз беш күнгө Швециянын токоюна алып бардым. Алар өздөрү ошол токойдун ичинде жашап кетүүгө үйрөнүшү керек эле. Муну менен алар бардыгын кыла аларын көрсөткүм келген. Бул ишимден улам жардамчым мени акмак деп ойлогон»,- дейт.
2008-жылы Клопп «Майнц 05» командасынан кетип жатканын билдирип, коштошуу кечесине шаардын жарым калкы чогулган. Көздөрү жашка толгон күйөрмандар Клоппту жылуу узатышкан.

«КӨЗҮРДҮ» КАРМАП АЛГАН «БОРУССИЯ»
2008-жылы Клопп "Гамбург" клубунун машыктыруучусу болмок. Бирок акыркы учурда клубдун жетекчилери Клопптун жагымсыз сырткы келбетинен коркуп баш тартышкан. Азыр ошол жетекчилер баштарын мыкчып отурушса керек...
"Гамбург" жактырбай койгон машыктыруучу «Боруссия» Дортмунд менен келишим түзөт. Ал келгенге чейин клуб ортозаар командалардын катарында, каржылык жактан күчтүү болбогондуктан лиганын күчтүү командалары менен тең тайлаша алчу эмес. 3 сезондун ичинде Клопп команданы чемпион кылууга жетишет. Кийинки жылы бул ийгилигин кайталап 2-ирет Германиянын биринчилигин жеңип алат. Ушул эле жылы 23 жылдан бери ишке ашпай келген миссияны ишке ашырып, Германиянын кубогун утуп алат.
Ал эми "Гамбург" бул убакытта аутсайдерлердин катарын толуктап калган.
Азыркы күндө "Боруссия" Германиядагы мыкты 2 клубдун бири болуп саналат.

ҮЧҮНЧҮ АРАКЕТ
Футбол ааламындагы эң беделдүү мелдештин бири – Чемпиондор Лигасы. Клопп бул кубокту жеңип алууга 2 жолу жакын барган, бирок эки ирет тең ийгиликсиз болуп калган.
Алгачкы ирет бул кубокту Клопп 2013-жылы колдон учурган. Анда ал жетектеген «Боруссия» финалдык беттеште «Бавария» клубу менен айтылуу «Уэмбли» стадионунда кез келишкен. Оюн бүтөрүнө 1 мүнөт калганда Арьен Роббен эсепти 2-1ге айлантып, "Боруссияны" жеңилүүгө душар кылган. Бул оюн тууралуу Клопп «бул оюнду эч качан кайталап көргөн эмесмин. Мен үчүн бул өтө оор» дейт.
Экинчи ирет Клопп «Ливерпуль» менен бул кубокко абдан жакын келет. 2018-жылдын 26-май күнү Киевде анын командасы падышалык "Реал" клубу менен финалдык беттеш өткөрөт. Беттеште бардыгы болгон: Салахтын жаракаты, Карриустун каталары, кооз голдор жана «Ливерпулдун» жеңилиши.
Бир жылдан соң Лионель Месси баштаган "Барселонаны" тизе бүктүргөн Клопптун командасы кайрадан Чемпиондор Лигасынын финалында. Бул жолу Клоппто ийгиликти өз тарабына оодарганга бардык мүмкүнчүлүгү бар. Себеби Салахтын ден соолугу жакшы. Ал эми дарбазада Кариус эмес, өткөн жылкы Чемпиондор Лигасынын мыкты дарбазачысы – Алиссон Беккер...

КЛОППТУ ИЙГИЛИККЕ ЖЕТЕЛЕГЕН 4 СЕБЕП
1.
«Эгер күйөмандар биздин оюнубуздан ырахат алышпаса, анда биз эмнеге ойнойбуз?» Бул суроо менен Клопп канчалык деңгээлде күйөрмандарды сыйлаарын жана дайыма чабуул менен оюн өткөрөрүн далилдегендей. Клопптун негизги ийгилигинин сыры – анын тактикасы. Анын футболчулары каршылашы топ алганда дароо прессинг кылуу менен топту тартып алууну көздөйт. Топту тартып алганда дароо чабуул жасаганга аракет кылышат. Чабуул артынан чабуул жасаган оюнунан күйөрмандарды эч зериктирбейт.
2. Ал жаш оюнчулардын талантын көрө билип, аларды жаңы деңгээлге чыгарат. "Боруссияда" Роберт Левандовски, Матс Хуммельс, Илкай Гюндоган, Марко Ройс сыяктуу оюнчуларды дүйнөлүк жылдызга айланткан. "Ливерпулга" келери менен Мухаммед Салах, Роберто Фирмино, Эндрю Робертсон, Вирджил Ван Дейк сыяктуу оюнчулардын жылдызын жандырды.
3. Клопп команданы мыкты башкарат. Ал жөн гана машыктыруучу болбостон, ар бир оюнчуга өзүнүн баласындай мамиле кылат. Натыйжада Клопп башкарган командада ар дайым мыкты атмосфера түзүлөт. Анын командасынын ичинде түшүнбөстүктөр болуп жатат деген жаңылыктар эч качан чыккан эмес.
4. Клопп мыкты мотиватор. "Ливерпуль" эч качан колун шилтеп оюнга чыкпайт. "Барселонадан" биринчи оюнда 0:3 эсебинде жеңилип, кийинки оюнда 4:0 эсебинде жеңип алышканы буга далил.
4 жыл ичинде эч бир кубокту жеңе албаса дагы, Клоппту жаман көрүү же сыйлабай коюу мүмкүн эмес. Анын командасы ушул жылдын 1-июнунда Чемпиондор Лигасынын финалдык беттешин жеңсе, анда Клопптун 4 жылдык эмгегинин акыбети кайтат.


Кубан Жумамидинов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(6)
20.05.2019. 12:00 
Тайпасы:
Жаран
Комментарийлердин саны:
8
Катталган:
12-04-2018
Соӊку аракети:
26-06-2019 03:06
Жынысы:
Белгисиз
Калаасы:
Жер шаары
+2
Легенда
20.05.2019. 17:31 
Тайпасы:
Жаран
Комментарийлердин саны:
30
Катталган:
30-01-2012
Соӊку аракети:
26-06-2019 00:54
Жынысы:
Белгисиз
+1
Учурдун эң мыкты машыктыруучусу Юра, эң мыкты клуб-Ливерпуль. Ар бир оюнун калтырбай көрөм.
20.05.2019. 20:30 
Тайпасы:
Жаран
Комментарийлердин саны:
102
Катталган:
06-09-2018
Соӊку аракети:
25-06-2019 20:08
Жынысы:
Белгисиз
Калаасы:
ОШ
+2
Клопп алсын дейм, бирок Тотенхем өмүрүндө биринчи жолу финалга чыгыптыр ошолор деле алсын демекмин, кайсы бирине жан тартышты билбей атам,кайсынысы алса дагы оңой болбойт, өтө кызыктуу оюн болот буюрса .
Күчтүүсү алсын. Клоппго ийгилик.
20.05.2019. 23:02 
Тайпасы:
Жаран
Комментарийлердин саны:
16
Катталган:
28-01-2018
Соӊку аракети:
29-05-2019 07:57
Жынысы:
Белгисиз
+1
Мыкты инсан мыкты тренер. Эмоционалдуу красавчик мыкты сөздүн баарын айтсаң болот
20.05.2019. 23:04 
Тайпасы:
Жаран
Комментарийлердин саны:
16
Катталган:
28-01-2018
Соӊку аракети:
29-05-2019 07:57
Жынысы:
Белгисиз
+1
Ливерпуль же Тоттенхем жениши каалайм.. бирок экөө тең женилишин каалабайм.. эмне кылам..
21.05.2019. 01:08 
Тайпасы:
Жаран
Комментарийлердин саны:
Катталган:
03-04-2017
Соӊку аракети:
23-06-2019 10:47
Жынысы:
Белгисиз
+1
Сен эч качан жалгыз болбойсун....Ливерпуль алга
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: