Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Назира Кадыева: «КЫЗМАТЫНА ЧИРЕНГЕН АЯЛ МЕНИ МУУНТУП, ООЗГО АЛГЫС СӨЗДӨР МЕНЕН СӨКТҮ»

№863 16-22-май, 2019-жыл


Телеалпаруучу, ди-джей, ырчы, тамада Назира Кадыева жакында эле жол кырсыгына кабылганын жана ал сүзүп алган унаанын ээлери тарабынан сабалып, укугу тебеленгенин айтып чыкты. Эмесе, окуя тууралуу Назира айымдын өз оозунан уксак.

– Саламатсызбы, Назира айым? Cизди телеалпаруучулукту, тамадалыкты жана ырчылыкты чогуу алып жүргөн айым катары билебиз. Иштериңизде, чыгармачылыгыңызда кандай жаңылыктар болуп жатат?
– Саламатсыздарбы? Ырчылык жактан айтсам, элдин кулагына жете турган жакшы ырларды издеп жүрөм. Бир нерсени профессионалдуу түрдө жасаш керек деп ойлойм. Ошондуктан азыркы учурда вокалдан сабак алып жатам. Ырчылыктан тышкары алпаруучулук менен алекмин.

– Жакында эле жагымсыз окуяга кабылдыңыз. Окуя тууралуу өз оозуңуздан уксак...
– 1-май күнү кечки саат 22:00 чамасында Ак-Өргөөнү көздөй тойго ырдаганы бара жаткам. Гагарин көчөсүнөн Тойота Хайландер үлгүсүндөгү бир унааны артынан сүзүп алдым. Ал унаа өзүнүн короосуна бурулуп токтогон экен. Унаанын арты бир метрдей жолго чыгып калыптыр. Мен сүзгөн унаадан бир киши башын кармап түшүп арткы эшикти ачты. Артынан бир эже түштү. Айдоочусу жаш жигит экен. Алгач адамдар жабыркап калдыбы деп эсим чыгып чочуп кеттим. «Жакшысыздарбыдеп эле сүйлөшүп калдык. Үйдөнбү же машинеден чыктыбы, бир жаш кыз чуркап чыгып «Тез жардам» чакырды. 5 мүнөттөй убакыт өткөндө артыбыздан кара Рендж Ровер келип токтоду. Андан 30 чамасындагы бир жигит чыгып мени сабап жиберчүдөй болуп «Сен айдаганды билбесең эмнеге рулга отурасың? Көзүңдү ачып айдабайсыңбы» деп опузалап кирди. «Кырсык болду, көрбөй калдым» деп айтсам болбой эле мени сөгүп баштады. Анан мен «үнүңдү басаңдатып сүйлөйсүңбү, атайын кылган жокмун» дедим. Ал сөзүм тиги унаадан түшкөн жүргүнчү аялга жакпай калды. Көрсө, тиги бала ал аялдын уулу экен.
Ал аял «менин балама жооп кайтаргыдай сен кимсиң?! Мен сага көргүлүктү көрсөтөм, колуңдан эмне келмек эле, балама жооп кайтарганыңа өкүнөсүң» деп эле орусчалап оозго алгыс сөздөр менен сөгүп, мени унаага такап алып муунтуп баштады. Мен болсо нес абалында турам. Ал аял темирге деле ичи ачышкан жок, баласына жооп кайтарганымды жактырбады. «Бул артист турбайбы» деп абийириме шек келтирген көп сөздөрдү айтып, кийимимди жулмалап, тытып жатты. Ал сөздөрдү айтпай эле коёюн, уялып жатам. Алар көп, мен жалгыз элем. Күйөөсү менен баласы арага түшсө да болгон жок. Тескерисинче, аларга «Эркексиңерби, муну чаап салбайсыңарбыдеп жатты.
Ал аял күйөөсү экөө тойдон келатышыптыр, экөө тең кызуу экен. Эмне кыларымды билбей, бир маалда эсиме келип жолдошума, кесиптештериме чала баштадым. Кесиптештериме калп эле «келатасыңарбы, камераны ала келгилечи» деп койсом, ошондо гана тиги аял өзүнө келгенсип калды. Болбосо эмне кылмак, билбейм. Анан мен тигилердин мага кол көтөрүп, сөккөндөрүн уюлдук телефонума тарта баштадым. Ошол маалда баласы колумдагы телефонумду жулуп алып, ичиндеги мен тарткан видеолордун баарын өчүрүп салды. Анын менин жеке мүлкүмдү жулуп алууга кандай укугу бар?! Андан жалдырап сурап отуруп телефонумду алдым. Бир маалда «Тез жардам» кызматынын унаасы келди. Врач мени кароодон өткөрөйүн десе «Тез жардам» унаасына киргизбей, сумкасы менен койгулап жатты. Аз өтпөй жолдошум келди.

– Ал адамдар Экономикалык кылмыштарга каршы күрөшүү кызматында иштейт деп аттарын да атап жаттыңыз эле...
– Ооба. Кийин сураштырсам, тиги аял биздин айылдын келини болуп чыкты. Аты-жөнү – Венера Макеева. Көп жылдан бери Чүй облустук Экономикалык кылмыштарга каршы күрөшүү кызматында эсепчи болуп иштейт экен. Ал эми анын баласы Урмат Кубатбеков деген Бишкек шаардык Экономикалык кылмыштарга каршы күрөшүү кызматында опер кызматкер экен.

– Азыркы тапта окуя кандай уланып жатат?
– Жолдошум «Сен күнөөлүү экенсиң, унаасын төлөп берели» деди. Эртеси күнү тиги байке «Назира, бир айылдан экенбиз, кечирип кой. Сага сөзүбүз да, колубуз да тийди. Кечээ кызуу элек, кызуу кезде эмнелер гана болбойт?» деп бир ооз чалып кечирим сурайт го деп күттүм. Бирок алар чалбаган соң «унааңызды алып кетип оңдотуп берели» деп чалдык. Алар айдоочусун жиберген экен. Айдоочусуна Урмат деген баласы бир унаа оңдоочу жайды айтып, «ошого алып баргыла» дептир. Жолдошум кеткен. Барышса ал унаа оңдоочу жайдын тейлөө кызматтары башкалардыкына салыштырмалуу кымбат экен. Урматка чалып «сенин кызыкчылыгың бар унаа оңдотуучу жайга эмес, экөөбүз тең тааныбаган жерге оңдотолу» десек болбой койду. Шаардык МАИ кызматында иштеген тааныштарымдан сураштырсам алар «атайын унааны текшерип, канча каражатка оңдоло турганын баалап берген жай бар. Ошого текшертсеңер болжолдуу канчага оңдолорун айтып беришет» дешти. Урматка айтсам «оңдотсоңор ушул жактан оңдоткула, болбосо арыз жазам» деп менин үстүмдөн арыз жазып салыптыр. Мен дагы 2-майда сабалганым боюнча алардын үстүнөн арыз жаздым. Өткөндө унаанын ээсине жолуктум. Билген кишилер 400-500 долларга эле оңдолот дешкен. «Байке, 30 миң сом бар, ошону берейин, тосмо арыз жазып бериңиз» десем макул болбой койду. Анан кайра «сен дагы сабалганың боюнча арызыңды ал, анан мен жазып берем» деп баштады. «Байке, сиздерден темир үчүн мен кечирим сурадым. А сиздер менин укугумду тебелеп, сабаганыңар үчүн келинчегиңиз бир ооз кечирим сураса жазып бермекмин» десем, «Сенден жата калып кечирим сураш керекпи?» дейт кайра кекетип. «Адамча сураңыздар» десем «билгениңди кыл» деп кетип калды. Азыр иш каралып жатат. Мен негизи ортодогу 500 доллардан качкан жокмун, болгону укугумду коргоюн дедим.

– Экинчи тарап «кол көтөргөн эмеспиз» деп жергиликтүү маалымат булактарынын бирине сиздин айткандарыңыздын баарын төгүндөптүр.
– Менин тарткан видеолорумду өчүрүп салган да. Бирок ошол арыз жазган күнү эле соттук медициналык кароодон өткөм. Денемде жаракаттар бар экендигин экспертизанын жыйынтыгы далилдейт. Мени өкүндүргөнү, акчасы бар, мансап күткөн адамдар карапайым адамдардын укугун тебелеп, аларды көз жаздымда, көңүл сыртында калтыргысы келе берет. Мага андай мамиле жакпайт! Эгерде бул окуяда мен эмес, тагыраагы, журналист эмес, башка айым же студент кыз болсо унчукпай эле, укугу тебеленип калмак го деп ойлойм. Эгер ал аял мансабына таянса, мен өз укугумду билем жана коргой алам. Акырына чейин күрөшөм. Азыр акыйкат үчүн күрөшүү аябай оор. Өзгөчө мансабы бар, жогорку кызматтагылар менен күрөшүп, акыйкат табуу кыйын.

– Коомдогу аял кишинин орду, укугу кандай?
– Ошол аялдан кийин бир нерсени байкадым. Көп акча тапкан аял өктөм сүйлөп калат экен. Аялдын көпкөнү жаман тура. Муну менен аны көпкөн эле аял экен деп айткым келип жатат. Жашырган менен болобу, азыр аялдар мырзаларга караганда күчтүрөөк болуп баратабыз. Аялдардын моюнуна көп түйшүк үйүлгөн. Аял жумушта ийгиликтүү, үйдө камкор апа, жароокер жар болушу керек. Ошол нерсенин баарын бирдей алып кетиш керек. Бир чети аялдар буга өзүбүз күнөөлүүбүз. Жоопкерчиликти эркектерден өзүбүз талашып алуудабыз. Бизди эч ким иштеп акча тап дебесе деле өзүбүз чуркап кетип жатабыз. Бирок миң кыйын болсоң да адамгерчиликтүү бол, адам бол!

– Жолдошуңуз каякта иштейт? Чыгармачылыгыңызга, ишиңизге, сизге кантип колдоо көрсөтөт? Же «үйдө эле отурсаңчы, үй-бүлөнү мен эле багам» деп айткан күндөрү болобу?
– Жолдошум Ички иштер министрлигинде иштейт. Мени ар дайым колдоп келет.

– Балдарыңыз чоңоюп калдыбы?
– Балдарым чоңоюп жатышат. Уулум Акназар 1-классты, кызым Акмарал 5-классты бүтүп жатат. Ошол күнү да балдарым кечке чалышып «Апа, жакшы элесиңби?» деп сарсанаа болуп жатышты.

Биз Назира айымдын маеги боюнча экинчи тараптын да пикирин билүү үчүн кайрылганыбызда комментарий берүүдөн баш тартышты.


Асхат Субанбеков
star@super.kg



Назира Кадыева: "Ал аял мени муунтуп, кол көтөргөнгө чейин барды"

Автор: Мундуз Нурланбек уулу
Оператор: Алтынай Тынышова

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(16)
20.05.2019. 12:02 
Тайпасы:
Жаран
Комментарийлердин саны:
109
Катталган:
19-04-2011
Соӊку аракети:
25-06-2019 12:42
Жынысы:
Белгисиз
+9
Туура кылат!Ордуна коюп кой!
20.05.2019. 12:39 
Тайпасы:
Жаран
Комментарийлердин саны:
60
Катталган:
31-12-2016
Соӊку аракети:
23-06-2019 11:01
Жынысы:
Белгисиз
+16
Аял көппөсүн, туура! Машина айдаган эжелер, чоң кызматта иштесеңер деле эл м.н жөнөкөкөй болуп аралашып жүрсөңөр. Тим эле аңкылдап, өзүңөрдү ким сезип аласыңар, билбейм. Хоть министр болсоңор да эл үчүн жөн эле бир аялсыңар! Кичи пейил болуп, анча мынча жол берип, женская солидарность деген кайда?
20.05.2019. 14:38 
Тайпасы:
Жаран
Комментарийлердин саны:
21
Катталган:
13-06-2016
Соӊку аракети:
25-06-2019 23:41
Жынысы:
Белгисиз
+6
Кандай аялдар эркегине эркексинби чап деп элдин козунчо айта алат менин куйом оозунду жап десе керек ананда куйоондун козунчо аял же эркек мн уруша албайсынго уятда аял назик болушу керек ситуацияга жараша мамиле кылыш керекда
20.05.2019. 14:39 
Тайпасы:
Жаран
Комментарийлердин саны:
21
Катталган:
13-06-2016
Соӊку аракети:
25-06-2019 23:41
Жынысы:
Белгисиз
+9
Аягына чыгыш керек мындайды копкон аял эркетер оордун билсе
20.05.2019. 17:26 
Тайпасы:
Жаран
Комментарийлердин саны:
225
Катталган:
19-12-2018
Соӊку аракети:
25-06-2019 23:30
Жынысы:
Белгисиз
-8
Экинчи тараптанда интервью алгыла бир беткей кылбай
20.05.2019. 18:38 
Тайпасы:
Жаран
Комментарийлердин саны:
488
Катталган:
05-04-2017
Соӊку аракети:
23-06-2019 08:34
Жынысы:
Белгисиз
+5
Аял аял бойдон калуу керек!Ажыдаар болбостон.Чын кээбир жерде аялдар мынданда откон шумдуктууларды жасайт.Аялдар озубузго келип алалы,анткени биз мусулманбыз.Мусулманчылыкда аялдар антип ажылдамак тургай суйлоонун озун адамга угузар угузбас кылып суйлош керек.Аялынада эркегинеда Аллах Таалам ыйман бербесе кыйын экен.
20.05.2019. 18:49 
Тайпасы:
Жаран
Комментарийлердин саны:
99
Катталган:
21-09-2012
Соӊку аракети:
25-06-2019 23:11
Жынысы:
Белгисиз
+8
.Бир жолу светафор жашыл куйгондо туз отуп баратсам капталдан сол жака бурулуп бараткан аял келип сузуп алды.Четке чыгып токтоп тушсом эле тигил эже мага атырылып ажылдап баштады,чала бучук кофтамдын топчуларын узуп дагы ийди,ал мени куноолоп журот кайра,жол боюндагы таксистер арачалап калбаганда ,айда сонун жулмалашмакпыз)) кийин ГАИ чакырып ал эже куноолу деп жыйынтык чыгарышты,ошондо артистигигин коруп алып тан калдым,ото сыйчыл жароокер болуп эми кечиришели темир табылат деп баштаса болобу))
20.05.2019. 18:50 
Тайпасы:
Жаран
Комментарийлердин саны:
99
Катталган:
21-09-2012
Соӊку аракети:
25-06-2019 23:11
Жынысы:
Белгисиз
+1
Коп эле мамлекетте болдум сузушуп алышса сый эле мамиле кылышат бири бирине.Бизде эле тушо калып мушташып согушуп жатып калмай.
Super TV
20.05.2019. 19:05 
Тайпасы:
Жаран
Комментарийлердин саны:
339
Катталган:
07-02-2014
Соӊку аракети:
26-06-2019 01:58
Жынысы:
Белгисиз
Калаасы:
Каракөл
0
Бул айым күнөөлү болсо урушат да анан, ыраазычылык билдирсинби
Super TV
20.05.2019. 21:17 
Тайпасы:
Жаран
Комментарийлердин саны:
84
Катталган:
19-04-2016
Соӊку аракети:
25-06-2019 21:07
Жынысы:
Белгисиз
0
должности чон болсо эле жонокой адамдарды коркуткандар туура эмес, аягына чыгыш керек
21.05.2019. 00:06 
Тайпасы:
Жаран
Комментарийлердин саны:
225
Катталган:
19-12-2018
Соӊку аракети:
25-06-2019 23:30
Жынысы:
Белгисиз
-13
Кыз боозуп энесин коркутат болуп сузуп салып догурунганы эмнеси озу грубыйланбай акырын суйлошпойбу анан, ырчы болсо эле эмне обезательно гезитке актанып интервью бериш керек бекен, лучще толоп берип кой суздунбу догурунбай аппакмын копкокмун деп
21.05.2019. 13:29 
Тайпасы:
Жаран
Комментарийлердин саны:
Катталган:
19-09-2010
Соӊку аракети:
24-06-2019 11:35
Жынысы:
Белгисиз
Калаасы:
Россия, Томск
+5
Avrora2017, сиз ошол эженин таанышы окшойсуз :))
22.05.2019. 23:08 
Тайпасы:
Жаран
Комментарийлердин саны:
Катталган:
04-02-2013
Соӊку аракети:
23-06-2019 19:29
Жынысы:
Белгисиз
+1
Avrora2017, Төлөп берейин деп 30 миң сом берсе албай коюптур жакшылап окусаң.Сабаса ошолорго төлөп жатканы бул нонсенс. Кол көтөргөнү үчүн да жооп бериши керекпи? Догурунбай эле өзүнүн укугун коргоп жатат. Кутурган аялды эсине келтирип, эсин оодарыш керек!!! Азаматсыз Назира эже! Сизге ийгилик!!! Жаман адамдардан алыс болуңуз!
21.05.2019. 13:53 
Тайпасы:
Жаран
Комментарийлердин саны:
411
Катталган:
03-12-2018
Соӊку аракети:
25-06-2019 20:52
Жынысы:
Белгисиз
+2
Кыргыздар онуго элекпиз,моюнга алалы.Кечээ мисалы Озгондо Бауржан айы,куну откон товарларды текшерип камалып чыкты.А жогорудан потребнадзор дегендер иштебейби бизде?Биринен бири отуп кыйын болушуп,талаада да кичине кобуроок тыйын тапкан кишинин уну октом.Эхх,тоодон тушкон кыргызым,семиздикти мал которот.Мансабын бар эсепчи,кайсы,кайдан уурдаган байлыгына чиренесин!?
22.05.2019. 14:38 
Тайпасы:
Жаран
Комментарийлердин саны:
109
Катталган:
28-01-2014
Соӊку аракети:
20-06-2019 10:27
Жынысы:
Белгисиз
Калаасы:
Бишкек
0
Кырсыкты эч ким атайылап кылбайт. Бардык нерсени сабырдуулук менен кабыл алган жакшы. Бугун Назиранын башына тушкон эртен любой адамдын башына тушушу мумкун кудай сактасын.От этого никто не застрахован. Андай акчасына, мансабына чиренген адамдарды кудай жазасын берет.
24.05.2019. 14:05 
Тайпасы:
Жаран
Комментарийлердин саны:
1
Катталган:
05-01-2019
Соӊку аракети:
26-06-2019 01:22
Жынысы:
Белгисиз
0
al79mi,туура айтасыз. Ошол аял да бир күнү бирөөнү сүзүп алышы мүмкүн. Кырсык болбочудай ажылдабай кепке келсе болмок экен. Бирок тиоекке каршы ушуга окшогон көпкөн текебер адамдар көбөйдү.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22453;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: