Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

МЫКТЫБЕК МУКАЕВ, телеалпаруучу, актёр: "ЭЛДИН ТАЛКУУСУНДА КАЛГАН КЫЙЫН БОЛДУ"

№868 20-июнь - 26-июнь, 2019-жыл


Жыл башында Мыктыбек Мукаевге байланыштуу чуулгандуу видео тараган. Анда Мыкы менен чогуу болгон денесине чаяндын сүрөтү тартылган айым Инстаграм баракчасы аркылуу түз эфирге чыгып, телеалпаруучу менен болгон "түнүн" элдин алдына салып берген. Ошондон кийин Кыргыз өлкөсүндө бул жигитти талкуулабаган киши калган жок. Ал маекте кантип чалынганын, кайра турганын, жеңиштери тууралуу айтып берди. Алдыңызда Мыкы жана анын ойлору.

– Салам, Мыкы! Жакында Нур-Султан шаарына КВН фестивалына барып, экинчи орунду багындырып кайттыңар, сыйлык кут болсун!

– Рахмат, “Жайдарман” – бул түрк тилдүү элдердин арасында өтө турган эл аралык кубок. Алгачкы ирет барганда биринчиликти багындырганбыз, мында экинчи орунду алдык. Тилибиз окшош болгондуктан, казакча сүйлөп сахнага чыгуу кыйын болгон жок. Тилдерибиз, темаларыбыз окшош дегендей.

– Элди күлдүрө ала турган деңгээлде канча тил билесиң?

– Үч тил билем. Англис тилинде сөздүктөн карап деле күлдүрө берем.

– Жакшы, “Эң Мыкы шоу” долбоору аркылуу өз аудиторияңды таптың. Башында эле ийгиликтүү болот деп ойлодуң беле?

– Ийгиликтүү болот деп ойлогонбуз. Өзүм интервью бергенди жаман көрөм. Мени чакырышканда деле расмий тилде сүйлөшө беришет. Жашоодо кандай болсо ошондой сүйлөшкүм келгендиктен, жеңил форматты тандаганбыз. Ошон үчүн маек бергени келген коноктор өзүн эркин сезиши үчүн үйдөгү кийимдерди кийгизчүбүз. Байкашымча, адамды сүйлөтүп, өзүңө ишендириш үчүн ал-жайды, ит-мышыгын сурамыш болуп сылап-сыйпап толкунга киргизип алуу керек. Эгер бул интервьюну "интим" катары элестетсек, башында даярдыкты “предварительные ласки” десек болот. Дароо эле суроо берип баштасаң дароо “интимге” кирген болуп калат (күлүп).

– Шоу-бизнестин оң-сол жагын кантип өздөштүрдүң?

– Көп нерсеге эрте аралашып калдым. 11-класстан баштап КВНде ойнодум. Чет элдик долбоорлорго катыштым. "Тамашоу", КВН – турмуштук чоң мектеп. Анда өзүң сценарий жазасың, өзүң аткарасың, реквизитти өзүң издейсиң. Бул өзгөчө ойлонгонго, өзгөчө кадам жасаганга жардам берет.

– Ата-энең сени кайсы кесиптин ээси болот деп кыялданышчу эле?

– Мен эл алдында болом деп ойлочумун. Ата-энем ал кезде эмне деп кыялданганын билбейм, алар болгону менин жакшы окуганымды билишчү. Башынан эле элдин алдына чыгуу, интермедия аткаруу же алып баруучу болуу – мен үчүн ырахат болчу.

– Өзүң айтып калдың, жылдыздардын көбү интервью учурунда бет каптарын тагып алышат деп, алдымда сен ушул учурда бет капсыз отурасыңбы?

– Көп жылдыздар өзүн ачык-айкын алып жүрө албайт. Анткени сындан коркот, ачык болгондон айбыгат, өзүнө-өзү рамка коюп алат. Мен адатта рамкадан чыгарганга аракет кылам. Өзүм болсо тааныбаган адамдардын алдында ачылып, жалжактап сүйлөй албайм. Досторумдун алдында башкачамын, анткени алар мени жакшы билишет. Азыр дал учурда бет капсыз, өзүм менен өзүм отурам. Мен өзүмдөн да, башкалардан да идеалдуулукту издебейм.

– Сен үчүн таптакыр “болбойт” деген эмне бар?

– Азыр бул болбойт деп айтсам, кийин кылып калсам “ай, шүмшүк” дешет го. Болбойт деген нерсе болуп кетсе эртең кыйын болуп калат. Таптым, мен үчүн ата-энеңди таштап кетүүгө болбойт! Анан чочконун этин жегенге болбойт.

– Белгилүү адамдардын жашоосу өзүнө таандык эмес экенин жон териң менен сезсең керек...

– Башында элге белгилүү болгуң келип аябай аракет кыласың. Кийин белгилүү болуп баштаганда сенин жеке аймагың тарый баштайт, мурун шадыраңдап жүрө берсең, бир аз тартынып каласың. Ошондо белгилүү болгуң деле келбей калат. Азыр каалабасам да белгилүү болуп калдым го.

– Элдин талкуусунда калдың, оор болдубу?

– Чынында кыйын болду. Бирок жеңип кеттим. Жумуш менен алаксып жеңдим. Бул учурда досторум, жакын санаалаштар туура кеңеш беришти.

– Депрессиядан канча убакытта чыктың?

– Эртеси.

– Алдаба, мүмкүн эмес.

– Эми, балким, азыр деле чыга электирмин. Өзүм оор басырыктуу адаммын. Болор иш болду. Артка барып ошол нерсени сүртүп өчүрө албайсың. Ким эмне десе өз акылына, тарбиясына жараша айта берсин. Бул менин жашоом, менин жашоомдо ушундай нерсе болду. Чалынсам күбүнүп алып туруп басып кете берем. Ар кимдин өзүнүн күчүнө жараша сыноо берет дегенге ишенип калдым. Аны башты жерге салып кабыл аласыңбы же тике карап эле көтөрөсүңбү, ар кимдин өзүнүн иши. Кыскасы, бул окуя мага сабак болду.

– Мыкыдан талкууга кантип туруштук берүү тууралуу эффективдүү 5 кеңеш...

– Биринчи кеңешим – депрессияга баш-отуң менен кирип кетпе. Экинчиси – баракчаңа бирөө жаман жазса башыңды оорутпай блоктоп сал. Мен 10 миңдей адамды блокко киргиздим. Үчүнчүсү – катталуучуларыңды иреттеп ал. Төртүнчүсү – бардык адамдарга өз чындыгыңды айтып энергияңды кетирбе. Азырынча ушул эле окшойт...

– Макул, бул темадан аттап өтөлү, чыныгы сүйүү башымдан өткөн эмес десең ишенбейм...

– Ойлонуп көрсөм, чыныгы сүйүү башыма келе элек экен. Мектепте болгон, бирок ал "тоок сүйүү" дешет го. Кыздар жагып калат, бирок азырынча сүйүүгө өсүп жете элек. Бир кыз менен эки жарым айдай сүйлөштүм. Ошондон бери жеке жашоом тынч. Мага өзгөчө дүйнө таанымы бар, кийингени, сүйлөгөнү өзгөчө кыздар жагат.

– Мирбек Атабековго өкүл бала болуу чын эле кыялыңбы?

– Ал жөнүндө азыр ойлоно элекмин. Өкүл ата кылып өзүм билген жакшы байкелерден шайлайм. Ким билет, балким, мамилебиз жакшы болуп калса Мирбек Атабековду да шайлап калармын.

– Катуу аракет кылып сахнада тамаша айтып жатканыңда эч ким күлбөй койсо кыжалат болосуңбу?

– Тамашаны сахнага чыгарууда толтура эмгек, аркасында көп адамдар болот. Көп учурда деп айтпайын, бирок кээде ошондой учур болуп калат. Эч нерсе кылбай эле, кийинки тамашага өтүп кете бересиң. Эч нерсе деле болбойт. Такыр күлбөй койсо тезирээк бүтүрүп сахнадан кеткенге аракет кыласың.

– Ырчылар бир ырын көп жолу ырдай беришет да, адатта бир тамаша менен канча жолу чыга аласың?

– Азыр интернет өнүккөн учурда тез тарап кетет. Андыктан көп тамашалар бир эле жолу чыгып, калып калат.

– Чаяндын сүрөтү менен татуировка тарттырып калышың мүмкүнбү?

– Көлдө татуировка тартып көп иштегем. Эмнегедир көп адамдар чаянды тарттырышчу. Өзүм эч бир татуировка тарттырбайм, жактырбайм. Ошол үчүн мүмкүн эмес.

– Сени өспүрүм балдардын көбү кумир тутат, ошолорго кантип юморист Мыкы болуш керек экендиги боюнча кеңеш берип кетсең.

– Чыгармачылыкка аралашкың келген өспүрүм болсоң, сен эч убакта Мыкы болгонго аракет кылба. Эгерде сен Адилет болсоң Адилет бол, Азат болсоң Азат боюнча кал. Бирөөнү туурап эч качан ийгиликке жетпейсиң. Эмгектен, өзүңө ишен, аракет кыл. Анан кененирээк кеңеш керек болсо, мени кайдан табасың билесиң да, туурабы?

– Маегиңе рахмат, ийгилик!

Нуржамал Жийдебаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(11)
24.06.2019. 09:07 
Тайпасы:
Жаран
Комментарийлердин саны:
123
Катталган:
18-09-2018
Соӊку аракети:
20-07-2019 14:22
Жынысы:
Белгисиз
+24
Ушу артистер "ар ким оз денгээлине,тарбиясына жараша жазышат"деп элди айтышат. Андан коро оздорун ондошсо биринчи,тарбиясын ,денгээлин туздошуп ,анан элди айтышса.
24.06.2019. 09:59 
Тайпасы:
Жаран
Комментарийлердин саны:
24
Катталган:
18-05-2016
Соӊку аракети:
20-07-2019 15:27
Жынысы:
Белгисиз
+10
Интим синтим дебей тузугуроок соз тапкан жоксунбу?
24.06.2019. 10:58 
Тайпасы:
Жаран
Комментарийлердин саны:
468
Катталган:
28-09-2011
Соӊку аракети:
17-07-2019 04:17
Жынысы:
Белгисиз
+11
Чын эле ырчылар оз дэнгелине жараша деп суйлошот тобоо. Силердин денгелинерге жараша жазышат.
24.06.2019. 12:20 
Тайпасы:
Жаран
Комментарийлердин саны:
348
Катталган:
03-11-2016
Соӊку аракети:
20-07-2019 14:44
Жынысы:
Белгисиз
+7
Пиар атайы кылышы деле мумкун атын чыгарыш учун.Маскарапоз да бул корунуп эле турат
24.06.2019. 13:22 
Тайпасы:
Жаран
Комментарийлердин саны:
255
Катталган:
19-12-2018
Соӊку аракети:
20-07-2019 15:03
Жынысы:
Белгисиз
0
Укмуш акылдуу экенсин маладес
24.06.2019. 14:27 
Тайпасы:
Жаран
Комментарийлердин саны:
12
Катталган:
05-12-2018
Соӊку аракети:
18-07-2019 02:41
Жынысы:
Белгисиз
+2
Ошондо бир мен калдымбы Мыкынын чулгандуу окуясын укпаган? Чын эле жатканын коргозгонбу? Ким билет жазып коюнуздарчы?
24.06.2019. 19:06 
Тайпасы:
Жаран
Комментарийлердин саны:
23
Катталган:
08-04-2014
Соӊку аракети:
18-07-2019 22:27
Жынысы:
Белгисиз
Калаасы:
New York
0
Кийин бала чакан дагы корот Мыкы ал видеолорду, канча адам сохранить этип алган.
24.06.2019. 20:22 
Тайпасы:
Жаран
Комментарийлердин саны:
122
Катталган:
31-08-2016
Соӊку аракети:
20-07-2019 14:47
Жынысы:
Белгисиз
-1
Jadyrashka,жон эле жаза бербегилечи Мыкыны эле Ким сохранитетип балдары чонойсун деп кутуп отурсун,окуя уже унутулуп калганда кайра козгоптур ХХХХХ,ал жерден жаман деле эчтеке коргон жокмун жаш баланын эле эсалганы жыланач чуркап жургон жок болгону бираз кызуу экен
Модератор admin_portal түзөттү 2019-06-25 09:55:51
24.06.2019. 22:22 
Тайпасы:
Жаран
Комментарийлердин саны:
2
Катталган:
23-07-2018
Соӊку аракети:
18-07-2019 13:32
Жынысы:
Белгисиз
+3
Мыкы "звезда" эмей эле тиги "кополок" звезда болуп кетти го ошол видеодо))))Ошол "чаян" пиар кылды озун...Негизи элге чуу жарата турган деле видео эмес болчу,бир аз кызуу экен,анан кийимчен жатат,жыланач болсо бир жон,андай нерсе бойдок жигиттерде болуп турат да маал-маалы менен...
26.06.2019. 11:25 
Тайпасы:
Жаран
Комментарийлердин саны:
3
Катталган:
27-03-2019
Соӊку аракети:
16-07-2019 18:05
Жынысы:
Белгисиз
-2
Мыкы сен Эркексин.
29.06.2019. 19:20 
Тайпасы:
Конок
Комментарийлердин саны:
48
Катталган:
01-05-2019
Соӊку аракети:
04-07-2019 12:18
Жынысы:
Белгисиз
-1
Биринчиден эл алдында жургондон кийин озундун тарбиянды.денгээлинди ондоп ал Мыкы. Эл коруп жатат ошон учун жазып жатышат.
Экинчиден чочконун этин жегенге болбойт дейсин кундо жесен керек колбасаны. Реклама кылып бутпойсунорго тим эле.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
22580;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: