Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ТУМАН (Ала качуу, зордуктоо, сойкулукка кабылган кыргыз кызынын оор тагдыры тууралуу сериал)

№869 27-июнь - 3-июль, 2019-жыл


(Башы өткөн сандарда)

Эмки кезек Шайырды көндүрүш керек. Оо, бул кыз далай киреше алып келет. Жаш, сулуу… Света ушинтип ойлончу экен. Шайыр билген эмес. Ал өзү менен өзү болуп жүрө берди. Түшүнүксүз абалда болчу. Айланасындагы окуялардын баарын телевизордон көрүп жаткандай сырттан карачу. Адамдар ага арманын айттыбы же кубанычын бөлүштүбү айырмасы жок эле. Тек гана окуяны угуп койчу. Андан ары санаа да тартчу эмес, түйшөлчү да эмес.

– Сени эмне жигитиң боюңда кылып таштап кеткенби?- бир күнү Света ушинтти.

– Жок,- Шайыр кайдыгер жооп берди.

– Боюңдагыны ким жасаган анан?

– Эмне?

– Боюңда бар турбайбы?!

– Жок боюмда.

– Жинди го даана. Бери жактан туруп мен байкап жатам го.

– Жок боюмда!- жини келип чыкты.

– Айызың качан келди эле?

Шайыр үндөбөй туруп калды.

– Айтпайсыңбы?

– Айызым кээде 3-4 ай деле келбей калат. Гинеколог кээде ушундай болот деп айткан мага. Мурдатан эле ушундай.

– Эй, жинди! Даана көк мээсиң го!

– Оозуңузга карап сүйлөңүз!- Шайыр бурк этип кекетип койгон.

Азыр ойлонуп көрсө, ал ошондо акылынан азып эле жүргөн окшойт. Эч жакка чыккысы келбей, эч кимге, эч нерсеге ишенгиси келбей, Светанын түнкүсүн эркектер байырлаган батиринен чыкпай жашай берген.

ххх

– Бул кыз соо эмес окшойт. Психикалык оорусу барбы дейм?- бир ирет Света Калипага акырын ушинтип шыбырады.

– Эмнеге?

– Билбейм. Адегенде байкабаптырмын, бирок кызыктай экен. Акыл-эси жайында эмес чынында. Телефонунан ата-энесинин номурун алчы. Чалып алып кеткиле дейли. Мунун балээсине калбайлы! Чын эле оорулуу бул! Ачыктан-ачык көрүнүп турган нерселерди моюнуна албайт экен. “Боюңда бар экен” деп какшап жатам, мени кайра жаман көрөт.

– Бул ушу зордукталган окшойт! Эптеп ошону унутайын деп жүрүп акылы тайып кеткенби дейм… Эмнеси болсо да ата-энесине чалалы!

ххх

Капыстан эле каалганы кимдир бирөөлөр каккылады.

– Шайыр, эшикти ач. Ким экен?- Света уктоочу бөлмөдөн үн салды.

Баягы Светанын үйүн байырлагандардын бири болсо керек деп бейкапар эшикти ачкан Шайыр бет алдынан апасын көрүп чочуп кетти.

– Апа?

Үн-сөзсүз саамга карап туруп: «Кийин. Айылга кетебиз» деди апасы учурашпай эле.

– Сиз кантип таап алдыңыз?

– Ал маанилүү эмес.

– Мен азыр бара албайм, апа! Үйдөн кысылып чыдабай калганда кеткем. Кайра төрт дубалды тиктеп, атам экөөңөрдүн үңүрөйгөн кебетеңерди көргүм келбейт!

– Кызым, кетпесек болбойт! Боюңдагыны алдырабыз… Анан кетебиз!

– Эмнени айтып жатасыз? Боюмда жок менин!

– Кызым! Мен баарын билем. Кеч боло электе алдырып салалы!

– Боюмда жок дейм менин!- эшикти кайра тарс эттире жаап бекитип салды.

Калипа буларды тыңшап туруптур.

– Шайыр, кетишиң керек!

– Апамды сиз чакырыптырсыз да…

– Ооба, мен. Боюңда бар экени көрүнүп эле турат. Кет. Апаңды атайын чакырдым.

– Эшек экенсиз!- жинденип барып кийимдерин чогултуп баштады. Сумкасын көтөрүп келип каалганы ачса, апасы дубалга жөлөнүп отуруп алып ыйлап жатыптыр.

– Кеттик,- деди Шайыр кайдыгер гана.

ххх

– Ооруканага баралыбы?- апасы бир нерседен чочулагандай сураган.

– Барбайбыз!

– Ботом, кызым, анан…

– Барбайбыз дейм! Боюмда жок менин!

– Бирок…

– Болдучу, апа! Кеттик айылга!

– Жинди болбо! Сен төрөп алып…

– Төрөйм мен, ооба! Төрөйм! Ушинтип чечтим!

Апасы басып бараткан жеринде токтоп калды селейип.

– Эмне дейт?

– Төрөйм… Боюмда бар болсо, демек, төрөйм.

– Эй, ал деген…

– Апа! Деги сага эмне кылсам жагам? Токтотчу наалыганды!

– Ал деген тигил көк мээнин баласы болот да.

– Меники болот! Менин канымдан жаралганы жатпайбы?

– Болбойт, Шайыр!

– Болот сопсонун!- Шайыр атайылап апасына өчөшүп туруп алды. Аны артынан издеп келгени жаккан жок.

ххх

– Төрөйм десе төрөсүн! Бала кылып алабыз. Талаада калмак беле?- чебелектеген апасына атасы ушинтип жооп айтты. Шайыр аркы бөлмөдөн баарын дапдаана укту. Бирок кыздын төрөйүн деген ниети жок болчу. Ал жөн гана өчөшүп жатты.

Ортодо дагы эки айды ар кимди кекетип, болгон ит кыялынын баарын көрсөтүп отуруп өткөрдү. Анан качан гана курсагы чыгып калганда айласы кете түштү. Төрөйм деп ызылдап ооруканага аборт жасатууга барбай койгон өзү. Эми кантет?

Дары-дармек салынган кутудагы дарылар эсине түштү. Дары ичип бойдон түшүрүп койсо болот деп уккан. Күнүнө 5 даанадан ар кайсы дарыны ичип баштады. Курсагындагы али төрөлө элек чүрпөнү кыйнап, Султан менен Анарбектен өч алып жаткандай табасы канып жатты. Кантсе да ошолордун каны, бул да кыйнала түшсүн деди ичинен.

ххх

– А-ай!- түндө бакырып ойгонгон Шайырдын үнүн угуп ата-энесинин үрөйү учту.

– Кудай сакта, эмне болду?

– Билбейм! Ичим… Ай!

Райондогу ооруканага алып жөнөштү.

– Толгоосу башталган бейм? Бул 7 айлык кылып эле төрөйт окшойт!- рулдагы атасына апасы чебелектеп кыйкырды.

Айткандай эле болду. Шайыр 7 айлык наристени жарык дүйнөгө алып келди. Бирок баласынын абалы жакшы эмес экен. Чарчап калат го дешти дарыгерлер.

ххх

Жашоону али көрө элек жан да жашагысы келет экен. Наристе жашап кеткенге катуу жан талашты. Кандайдыр бир белгисиз күч жан алакетке түшүп жаткан ошол наристени колдой берди.

– Жүрөгү жакшы эмес. Бирок… Ушунчалык чыдамкай. Жашап кетиши да мүмкүн,- таң калганын жашырбаган дарыгер ушинтип айткан эле. Небересин колуна биринчи жолу алган Шайырдын атасы наристенин өмүрү үчүн күрөшүүгө даяр болчу. Балада эмне күнөө? Мында айып жок деп чечкен атасы.

ххх

Бала бакырып ыйлап баратты. Дээрлик төрөлгөндөн бери ал ооруканадан алыстай элек болчу. Дарыгерлер дайыма көзөмөлдөп турушту. Азыр унаада бараткан үчөө алаканга эле баткан бул наристе эмнени каалап жатканын же ооруп жатканын билбей, жардам бере алышпай шайлары ооду.

– Эмизет окшойсуң?- апасы Шайырды тиктеди. Шайыр бул кезде баланы жек көрүп карап бараткан.

– Эмизгенде деле эч нерсе чыкпайт.

– Кой антпе, эмиз. Балага кичине мээрим төксөң... Сүт да келет.

– Бул эме албайт үлбүрөп. Врачтар жашап кетиши мүмкүн деп айтпадыбы, түшүнөсүңөрбү? Мүмкүн деп жатат. Бул деген адам болбойт деген эле сөз!

– Кызым, токтот! Жетишет! Балада эмне күнөө?- атасы чыдабай кетти.

– Төрөйм деген өзүңсүң!- апасы да жинденди.

– Бул адам болбойт!- Шайыр бакырып жиберди. Ал тажаган болчу. Баарынан… Ооруканада баласы боздой берип чарчаткан. Түмөн түрлүү ойлор башын жарып чыгып кетчүдөй. Топтолгон көкүрөктөгү кек, алдыдагы туңгуюк. Булардын баарынан өлүп эле кутулбаса…

ххх

– Биз аны Бишкекке дарылатууга алып барабыз. Бул жашап кетсе, көрөсүң, сага эле медер болот!- атасы үйдөн кызына колдоо сөзүн айтты.

– Ата?

– Бул деген бала. Сенин каның, менин каным… Мына, мен эле бала кылып алам. Ансыз да фамилиямды алды. Сени түшүнүп турам… Бирок ал төрөлдү. Эми биз жоопкерчиликти алдык. Сен жалгыз эмессиң, кызым. Мен турам. Апаң турат…

– Уф…- кыз баарынан тажагандай үшкүрүп койду. Эмне кылсаңар ошол кылгылачы деди ичинен. Кайрадан кеткиси келип чыкты ушул үйдөн. Бирок кайда барат? Света менен Калипага барса кантет? Кантип жетсе экен аларга? Атасы бир нерселерди сүйлөп жатты. Шайыр болсо мелтиреп гана ойлуу карайт. Ал кетүүнүн амалын издеп жаткан...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(8)
01.07.2019. 09:50 
Тайпасы:
Жаран
Комментарийлердин саны:
20
Катталган:
28-01-2019
Соӊку аракети:
16-10-2019 14:02
Жынысы:
Белгисиз
+4
Шайырдын ХХХХ болгусу келип аткангооо. Баарын унутам деп.
Модератор admin_portal түзөттү 2019-07-01 17:12:14
01.07.2019. 13:32 
Тайпасы:
Жаран
Комментарийлердин саны:
209
Катталган:
26-03-2014
Соӊку аракети:
17-10-2019 23:30
Жынысы:
Белгисиз
+1
Шайыр деген жеткен жеңил ойлуу каарман экен
01.07.2019. 16:18 
Тайпасы:
Жаран
Комментарийлердин саны:
19
Катталган:
20-07-2016
Соӊку аракети:
19-10-2019 09:00
Жынысы:
Белгисиз
Калаасы:
Аксы
+1
Окшошпогон калптар
01.07.2019. 16:19 
Тайпасы:
Жаран
Комментарийлердин саны:
19
Катталган:
20-07-2016
Соӊку аракети:
19-10-2019 09:00
Жынысы:
Белгисиз
Калаасы:
Аксы
+1
Ото ашыра коркомдомуш болгон
01.07.2019. 17:52 
Тайпасы:
Жаран
Комментарийлердин саны:
365
Катталган:
31-05-2017
Соӊку аракети:
10-10-2019 22:14
Жынысы:
Белгисиз
+1
Акылы кем неме экен каарман.ХХХХ.
Модератор admin_portal түзөттү 2019-07-02 15:23:21
01.07.2019. 21:26 
Тайпасы:
Жаран
Комментарийлердин саны:
182
Катталган:
28-04-2017
Соӊку аракети:
20-10-2019 00:21
Жынысы:
Белгисиз
0
Наристе оорукчан болуп калды го, туш келди дарыларды иче берип. Балага зар болуп канча адам журот. Аттин, дунуён менен куруп кал. Чыгармалар турмуштан алынып, коркомдолот.
03.07.2019. 17:37 
Тайпасы:
Жаран
Комментарийлердин саны:
132
Катталган:
06-11-2016
Соӊку аракети:
20-08-2019 20:02
Жынысы:
Белгисиз
0
Битке очошуп койногун отко салып деген болуптур, кайдагы эки келесоого очошуп озунун тагдырын оз колу мн талкалап
05.07.2019. 00:03 
Тайпасы:
Жаран
Комментарийлердин саны:
32
Катталган:
06-02-2019
Соӊку аракети:
19-10-2019 22:50
Жынысы:
Белгисиз
0
Ата-энесин кантип аябасын тооба
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: