Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«ЭКИ УУЛУМДУ ӨЗ АТАСЫ САБАПТЫР»

№869 27-июнь - 3-июль, 2019-жыл


Чүй облусунун Сокулук районунда 3 жана 5 жаштагы балдар өз атасы тарабынан сабалып, ооруканага түштү. Наристелердин бири жандандыруу бөлүмүнө жаткырылып, өмүр үчүн күрөшүп жатты. Бул арада балдардын апасы Айпери Исраил кызы окуя тууралуу айтып чыкты. Биз ага жолугуп, окуянын чоо-жайын сурадык.

– Мен 1992-жылы Баткен облусунун Сүлүктү шаарында төрөлгөм. Бүгүнкү күндө Сокулуктагы Фрунзе айыл аймагындагы асыл тукум мал багылуучу фермада саанчы болуп иштейм. Үч уулум бар. Беш жаштагы эгиз уулдарым жана 3 жаштагы балам бар.

21-июнь күнү болжол менен саат 6-7лер чамасында жумушта уй саап жүргөм. Кошунам чуркап келип “күйөөң балдарыңды сабап жатат” деди. Дароо үйгө чуркап келсем, 3 жаштагы уулум эс-учун жоготуп тепкичте жатыптыр. 5 жаштагы эгиздин түгөйү ордунан тура албай ошол тепкичтин жанында отурган экен. Мен чуркап келип баламды көтөрүп алдым да, бетине суу чачтым, эсине келбей койду. Ошол жерде кароолчу болуп иштеген Паша деген киши бар. Ага чуркап барып жардам сурадым. Ал “Тез жардам” кызматына чалып, бирок күтпөй эле бизди унаасы менен алып жөнөдү. Ошентип ооруканага келдик.

Жолдошум ошол күнү эс-учун билбей мас экен. Эмне кылганын өзү да билбептир. Буга чейин күйөөм балдарды сабачу эмес, мас болгондо мага эле колу тийчү. Күйөөм балдарды сабап жатканда кичүү уулумду экинчи кабаттан ыргытып жиберген окшойт. Мен кирип келгенде эле кичүү уулумдун тепкичте жатканын көрдүм. Кошуналардан сурасам “балаңды күйөөң башка, ичке тепкилеп жатканын көрдүк” дешти. Ошол учурда кошуналар ортого түшүп ажыратып калышыптыр. Күйөөм эки уулумду сабаптыр, бир уулум болсо көрүнбөй качып кетиптир.

“ЖОЛДОШУМ ЭКИ-ҮЧ КҮНДӨН БЕРИ ИЧИП ЖҮРГӨН”

– Жолдошум бир жолу эгиздин түгөйүн уруп койгон. Анда да мен жанында эмес болуп калгам. Кайненеме баланы урганын айтсам, “бир жолу тээптир, эмне болот эле?” деп койгон. Жолдошум акыркы эки-үч күндөн бери үйгө келбей ичип жүргөн. Балдарды багуу милдети экенин түшүнбөйт, аларды багып жардам көрсөтпөйт. Кошуналардан уялам, алар “булар деги күйөөңдүн өз балдарыбы?” деп да сураган күндөрү болду. Өз канынан жаралган балдар. Ансыз деле өзүм жалгыз эптеп чоңойтуп жатканда, бакпаса койсун, токмоктобой жайына койсо болмок.

“КҮЙӨӨМ МЕНИ БАЙЛАП АЛЫП УРГАН КҮНДӨРҮ БОЛДУ”

– Жолдошум экөөбүздүн баш кошконубузга 6 жыл болду. Менин биринчи турмушум. Кайын журтум да окуя тууралуу билишти. Эгиз уулдарымдын тили чыгып, таттуу сүйлөп турчу мезгили болчу. Экөөнүн тең эмдигиче тили чыга элек, “ичем, жейм” деген сыяктуу эле керектүү сөздөрдү сүйлөп, оюн толук жеткире алышпайт. Корккондон улам ушундай болуп жатабы деп ойлойм. Себеби үйдө уруш-талаш көп болот. Жолдошум экөөбүздүн жаңжалыбыз аз келгенсип, күйөөм менен кайнатам да көп урушушат. Күйөөм кээде мени байлап алып сабаган учурлары болот. Балдарымды жетим кылбайын деп эле жашап жүрөм. Анткени өзүм да өгөй эненин колунда өскөм.

Буга чейин кызыл камчы күйөөмдүн үстүнөн милицияга, сотко чейин арызданган күндөрүм болгон. Кайра эле балдарымды атасыз өстүрбөйүн деп жарашып жашап калам.

Азыр эми эмне кыларымды билбей башым катып турган учур. Ажырашып кетсем бара турган жерим жок.

Тапкан-ташыганым балдарымдан ашпайт. Мен деле адам катары, аялзаты катары кийимдин коозун кийип, тамактын таттуусун ичип, балдарымды жетиштүү турмушта баккым келет. Күйөөм ичкиликти таштаса, жашообуз жакшырса деген үмүттүн шамы өчпөйт. Балдарым эркин ойноп-күлүп, тили чыгып сүйлөшсө деп тилейм.

Айпери Исраил кызы учурда күйөөсү Сокулук РИИБинин убактылуу кармоочу жайында экенин айтты. Ал жолдошуна жазган арызга карата тосмо арыз жазып берген деген маалыматты четке какты.

– Мен анын үстүнөн арыз жаздым. Окуя болгон учурда ооруканада балдарымды карап жатып, арыз жазууга мүмкүнчүлүк болгон эмес. Азыр тилегеним эле чүрпөлөрүмдүн ден соолугу. Алар жакшы болуп, боорун жерден көтөрүп алса, жумушумду улантып, турмуш арабасын жалгыз тарта берем. Ажырашкандан башка арга жок. Балдарыма чоң апасы каралашат деп үмүттөнөм. Учурда дары-дармекке жумшоого акча каражатым жок, муктаждык жаралып жатат. Жардам берген эч ким жок.

Сабалган балдардын абалы оор келген. Мындай маалыматты берген Сокулук аймактык ооруканасынын директору Совет Сооронбаев буларга токтолду:

– Наристелердин бири балдар ооруканасынын жандандыруу бөлүмүнө, экинчиси жөнөкөй палатага 21-июнь күнү жаткырылган. 3 жаштагы бала баш мээсинен жаракат алыптыр. Ал ооруканага түшкөндө эс-учун билбей келген. Ооруканага келгендин эртеси таңкы саат 6:00дө эсине келип, 2 сааттан кийин кайра эсин жоготту. Дене табы 39дан түшпөй жатты. Бир нерседен катуу коркуп калганы байкалып турат. Эсине келгенде чочуп, эмне ичип-жеп жатканын деле билбей жаткан.

Азыр дарыгерлердин көзөмөлүндө. 5 жаштагы уулу сакайып, чоң апасынын колуна берилди. Ал эми кичүүсү апасынын кароосунда. Жандандыруу бөлүмүнөн чыгып, дарыланууну улантып жатат. Баш мээси катуу жаракат алгандыктан тыкыр дарылоо керек. Келерки аптада республикалык ооруканадан адистер менен кеңешип, ошого жараша дарылоону улантабыз. Азыркы абалы туруктуу.

«КЕЛИНИМ БАЛДАРДЫ ЖАКШЫ КАРАБАЙТ»

Кандай гана кырдаал болбосун, аны экинчи тараптан да кароо маанилүү. Окуяны кордолгон балдарлдын чоң энеси кандай түшүндүрөт, билүү үчүн ага да жолуктук. Каарманыбыз аты-жөнүн жашырып коюуну өтүндү.

– Келиним менен балам 2013-жылы баш кошушкан. Кийинки жалдын 8-апрелинде эгиз балалуу болушкан. Балдар төрөлгөнүнө 2 айдай болгондон кийин кайним каза болуп, ошол жакка кетсем, келиним “күйөөм тепти” деп төркүнүнө кетип калыптыр. Келин балдарга жакшы карабай, алар ыйласа, балам жинденсе керек. Ошентип келиндин төркүндөрү келип, себине алып келген оокаттары менен кошо жүктөп алып кетишкен. Эгиз балдарды мага таштап кетишти. Менин балдарга саап берер уюм жок же сүтүм жок кыйналдым. Келин 11 күн дегенде кайра келди. Ал арада неберелерим кургак сүткө көнүп калгандыктан, эмчек эмбей калышты. Балдарды келин менен бирге багыштым. Эгиз балдар төрөлгөнүнө бир жыл болгондон кийин дагы бир уул төрөлдү.

Ушул жылдын февраль айында да үч баланы мага калтырып кетип калды. Анда да балам экөө уруша кетишкен экен. Келиним уулумдун кызуу болуп уктап калганын сүрөткө тартып, тааныштарына, тууган-уругуна “бул ушинтип алкаш болуп калды” деп таратып жиберген экен. Экөө ынтымакта жашай албай коюшту. Ушул сыяктуу маселелерден уруш жарала берип, акыры тажаганда ажыраштыралы десем, тууган-урук “өзүңө эле күч келет, 3 баланы жалгыз кантип багасың?” дешти. Бир күнү келиним бөлүнүп өзүнчө жашайбыз деп бизди сотко бериптир. Ага да макул болуп, өзүнчө да жашап көрүштү. Анда балдар каралбай калат экен.

Бир күнү кошуналар келиптир, “эже, неберелериңиз каралбайт. Курт өлтүргөн дарыны бири-бирине чачып ойноп жүрүшөт” дешти. Мындай нерселер көп эле кайталанды.Балдарга каралашайын деп эле чогуу жашайбыз. Болбосо экөөнө жүк болуп тоюнбай калганыбыздан жабышып жашап жаткан жерибиз жок. Окуя болгондон бери өзүм деле дары ичип, араң жүрөм.

«НЕБЕРЕЛЕРИМДИН АЗЫРКЫ АБАЛЫНА КИМ КҮНӨӨЛҮҮ БОЛСО ДА ЖАЗАСЫН АЛСЫН!»

– Ошол күнү келиним мага телефон чалып, "уулуңуз 1 аптадан бери жок, бүгүн айлык алмакмын" деген. Ошондон 10-15 мүнөт өтүп-өтпөй кайра телефон чалып, “Апа, күйөөм балдарды уруп салыптыр, келиңиз" деди. Кабарды угуп, нес болуп калдым. Ооруканага барсам неберелеримдин абалы начар экен. Дары-дармекке каражатты өзүбүз эле таап дарылатып жатабыз.

Неберелерим сабалды дегенге ишенбейм. Кантип эле уулум өз канынан жаралган балдарын ошончо сабасын? Келиним өзү балдарды жакшы карабайт. Кароосуз калган үчүн, балким, тепкичтен кулап кетишти.

Балам эки айга камакка алынды. Ага жолугуп сүйлөшүп келдим. Балама "эгер колуң менен кылганың чын болсо, моюнуң менен тартасың" дедим. Маңдайына жазганды көрөт да.

Уулум арак ичпейт дебейм, ичет, бирок келиним айткандай күнүгө эмес. Кандай болгон күндө да бул жерде жабыр тарткан жазыксыз эки неберем болду. Ага ким күнөөлүү болсо да, өз жазасын мыйзамдын чегинде алсын.

Чүй ОИИББинин билдиргенине караганда, бул факт Кылмыштардын жана жоруктардын бирдиктүү реестрине катталып, 144-берене (уруп-согуп кыйноо) менен сотко чейинки өндүрүшкө алынган. Ал эми балдардын 26 жаштагы атасы күнөөнү моюнуна алган эмес. Учурда бардык тийиштүү экспертизалар дайындалып, тергөө иши жүрүп жатканын кошумчалады облустук милициянын басма сөз кызматы.

Мундуз Нурланбек уулу
koom@super.kg



“Күйөө балам жазасын алсын” дейт өз атасы тарабынан сабалды делген балдардын таятасы

Автор: Амирбек Исмаилов
Оператор: Руслан Алыбаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(15)
01.07.2019. 13:51 
Тайпасы:
Жаран
Комментарийлердин саны:
420
Катталган:
19-05-2014
Соӊку аракети:
20-07-2019 07:32
Жынысы:
Белгисиз
+6
Эхх бобоктор акыркы кундору коп жабыр тартып атышат жаш балдар. Антеин десен мен деле жиним келгенде уруп коем бирок катуу эмес ,бир аз коркутуп кылбасын деп. Бирок чонэнеси туура айтып аткандайго. Келин чонэнеси каралашат дегенине караганда ал кобунчо ошентип таштап коет окшойтда. Дагы билбейм бироонун уй-булосун чогуу жашабаганган кийин бир демке деш кыйын. кошуналарынан да интервью албапсынарда.
04.07.2019. 04:26 
Тайпасы:
Жаран
Комментарийлердин саны:
263
Катталган:
15-08-2017
Соӊку аракети:
18-07-2019 21:46
Жынысы:
Белгисиз
+3
Shaa-82,эркек сорой ичип журсо балдарын таштап ищтоого туура келет да.Болбосо ким багат уч бпласы менен.Бир аз ой жугуртуп комментарий берсенер.Дооруй бербей.Алкаш баласын актаган чон эне аман эле болсун . Пособие , материнский капитал деген жок биздин олкодо.Окмот куноолуу ушундай жинди эрге чыдатканына . Бала торобой население азайсынчы кимге окмот болуп кимге чиновник болушар экен
01.07.2019. 14:45 
Тайпасы:
Жаран
Комментарийлердин саны:
198
Катталган:
26-03-2014
Соӊку аракети:
19-07-2019 06:06
Жынысы:
Белгисиз
+10
Ким эле оз баласын жаман десин? Апасы уулун болушунча актаптыр, келинин жамандаптыр. Оз канынан жаралган балдарга ушундай кунду корсоткон адамдан дагы эмнени кутсо болот?
01.07.2019. 15:30 
Тайпасы:
Жаран
Комментарийлердин саны:
21
Катталган:
30-08-2017
Соӊку аракети:
16-07-2019 13:19
Жынысы:
Белгисиз
+11
ХХХХ кайын эне го...Баласы балдарын сабаса да келин куноолуу.Келин ойноп журбоптур, кайын эне сорой интервью бербей эле койбоптур.Балдарга боор ооруйт, оздон кордук коруп жатса???Эне менен бала бир уйдо жашап калсын ылайым,ичкендеги кордуктарын энесине корсотсун.Тоба кылдым мин мертебе...
Модератор admin_portal түзөттү 2019-07-01 16:05:25
02.07.2019. 12:24 
Тайпасы:
Жаран
Комментарийлердин саны:
422
Катталган:
13-05-2013
Соӊку аракети:
19-07-2019 23:36
Жынысы:
Белгисиз
Калаасы:
Ош шаары
+8
дагы эле баягы байкуш келин жаман! баласынын тепкисин жеп,токмогун жеп, балдарын озу багып жатса да келин жаман! кайнене, козунузду ачыныз, кызынызды Аллахым ушундай кунго туш кылып койгондо корот элем, кызым жаман дегенинизди!
02.07.2019. 23:15 
Тайпасы:
Конок
Комментарийлердин саны:
48
Катталган:
01-05-2019
Соӊку аракети:
04-07-2019 12:18
Жынысы:
Белгисиз
+4
Кайын эне деген неме болушунча баласын жан тартыптыр ичет экен озу дагы мойунга алды. Келини огой эненин колунда оскон экен балдарына ээч качан кордук корсотпойт. Куйоосу ичсе айла жок озу жумушка барып тирилик кылып жатыптыырда
03.07.2019. 12:01 
Тайпасы:
Жаран
Комментарийлердин саны:
282
Катталган:
17-09-2010
Соӊку аракети:
19-07-2019 16:11
Жынысы:
Белгисиз
Калаасы:
Бишкек-Ankara
+6
Келиним карабайт балдарын дептир кайнене, баласы (куйосу келиндин) жетишерлик бакса келин жыргап эле карап отурмак. Эгиз балдарын мен каралашкам дейт, эгиз эмес бир баланы багыш учун нерв болосун каралашпаганда эмине кылмак эленер, келинге бак балдарынан айтсын.
03.07.2019. 17:52 
Тайпасы:
Жаран
Комментарийлердин саны:
2
Катталган:
19-09-2017
Соӊку аракети:
20-07-2019 00:19
Жынысы:
Белгисиз
+4
Бир кем дуйно деген ушул да.Кээ бироолор балага Зар болуп журсо,кээ бирлери уруп-сабап,бакпай таштап,кордук корсотушот.26 жашта 3 баланын атасы болсо жаш эле уйлонгон окшойт.Жоопкерчилик деген нерсе болуш керек да....26 жашта ичкиликке берилген "алкаш" болсо анда 40-50 го чыкканда кантет
03.07.2019. 18:45 
Тайпасы:
Жаран
Комментарийлердин саны:
37
Катталган:
26-11-2016
Соӊку аракети:
19-07-2019 23:39
Жынысы:
Белгисиз
+6
Ушу келинге асылган келинге текешкен кайнэнелер оз ордун качан билет? Бироонун баласына асылып бир жетимди жамандаганча уулуна норм.тарбия бербейби?! Акылы жок тушунугу жок кайнэнекен желмогуз десе! Арак ичсе бобокторду тээп сабаса да сенин балан жакшы келин жаманбы?! Сен эркексин сен мени багасын аялынды балдарынды багасын. Ишенгенибиз сен болосун деп чонойтсо болмок бироого ылай шыбаганды уйронгончо.
04.07.2019. 04:41 
Тайпасы:
Жаран
Комментарийлердин саны:
263
Катталган:
15-08-2017
Соӊку аракети:
18-07-2019 21:46
Жынысы:
Белгисиз
0
Байкуш балдарга кудайым ден соолук ,акыл берсин. Чонойгондо апасын сыйлаган жигиттерден болушсун.
05.07.2019. 10:12 
Тайпасы:
Жаран
Комментарийлердин саны:
39
Катталган:
19-04-2014
Соӊку аракети:
20-07-2019 03:51
Жынысы:
Белгисиз
Калаасы:
Ala-Buka
+3
Келини тырмаланып иштеп балдарын караганга убактысы жок болуп аткан учурда балдары албетте дары чачып ойнойт да. Баласын болушунча актап куноонун баарын келинине илиптир го.
05.07.2019. 14:21 
Тайпасы:
Жаран
Комментарийлердин саны:
393
Катталган:
07-08-2014
Соӊку аракети:
11-07-2019 19:10
Жынысы:
Белгисиз
Калаасы:
Ай
0
ушундай акмак ата деген созго да ттыктуу эмес ХХХХХ эхххх , кыргыздар
Модератор admin_portal түзөттү 2019-07-08 16:51:34
06.07.2019. 16:36 
Тайпасы:
Жаран
Комментарийлердин саны:
110
Катталган:
06-05-2014
Соӊку аракети:
20-07-2019 12:04
Жынысы:
Белгисиз
0
Аябай журогум ооруду
06.07.2019. 21:52 
Тайпасы:
Жаран
Комментарийлердин саны:
165
Катталган:
03-05-2016
Соӊку аракети:
19-07-2019 20:14
Жынысы:
Белгисиз
0
Өкүнүчтүү...Эмне эле болуп баратабыз...
07.07.2019. 15:14 
Тайпасы:
Жаран
Комментарийлердин саны:
191
Катталган:
08-07-2016
Соӊку аракети:
14-07-2019 00:33
Жынысы:
Белгисиз
0
Ушундай акмак кызыл камчы куйоон менен кайда барам деп жашай бербей ажырашып элден жардам сура, балдар же озун инвалид болгуча журо бербей. Кайненеси баласын жамандыгын корбойт да. Ичет бирок кээде эле дегенин. ХХХХХ
Модератор admin_portal түзөттү 2019-07-08 16:49:45
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22580;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: