Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«РЕАЛДЫН» ЖАҢЫ ЖЫЛДЫЗЫ ЭДЕН АЗАР МЕССИГЕ АТААНДАШ БОЛО АЛАБЫ?

№870 4-июль - 10-июль, 2019-жыл


Мадрид шаары. “Сантьяго Бернабеу” стадиону. 50 000 күйөрман. Дал ушунча адам “Реал Мадриддин” жаңы жылдызы, жаңы үмүтү Эден Азар менен жолугушууга келди. Ийгиликсиз сезон өткөргөн падышалык клуб былтыр жайында командадан кеткен Криштиану Роналдунун ордун толукташ үчүн 100 миллион еврону Азарды сатып алуу үчүн сарптады. Азардын көчөдөгү футбол талаасынан "Сантьяго Бернабеуге" чейин басып өткөн жолу тууралуу алдыда сөз улайбыз.

ЭДЕН МИШЕЛЬ АЗАР

Туулган жылы – 1991-жыл, 7- январь

Туулган жери – Бельгия, Ла-Лувьер шаары

Бою – 173 сантиметр

Салмагы – 76 килограмм

Жетишкендиктери – "Лилль" клубу менен Франция чемпиондугун жана Франция кубогунун жеңүүчүсү, "Челси" командасы менен 2 жолку Англия чемпиону, Европа лигасынын 2 жолку жеңүүчүсү, Англия Кубогунун жана Англия Футбол лигасынын Кубогунун ээси. 2018-жылы Дүйнө чемпиондугунда  Бельгия курамасы менен коло байгени багындырган.

Учурда – “Реал Мадрид” командасынын оюнчусу. Үй-бүлөлүү, 3 уулдун атасы.

БАЛА КЕЗДЕН ЖҮРӨГҮ «МАДРИДДЕ»

“Реал Мадрид” – дүйнөнүн эң мыкты клубу. Мен жалган айтпайм, “Реалда” ойноо – менин бала чактагы кыялым. Эгер мадриддик клуб өзүнүн курамынан мени көргүсү келсе, эмне кылышты жакшы билет”.

Эден Азар, 2018-жыл.

Азар “Реал Мадридге” күйөрмандык кыларын жана бул командада ойноо анын кыялы экенин бир нече жылдан бери ачык айтып келген. Анын кыялы 2019-жылдын 7-июнь күнү ишке ашты. Мадриддик клуб аны менен 5 жылдык келишим түздү. Эми Азардын жүрөгү жана ойлору гана эмес, өзү дагы Мадридде.

Футбол талаасында күйөрмандар Азарды 10-катар саны менен ойноорун көрүп-билип калган, эми ал башка номерди алууга мажбур. Себеби Азардын жактырган 10-катар саны учурдагы алтын топтун ээси Лука Модричке таандык. Модричтен бул катар санды сураганда, ал баш тартып койгону маалым болду. Жаңы клубда ал кайсы катар санда талаага чыгат азырынча сыр бойдон калууда.

ЗИДАН – АЗАР ТАНДЕМИ

“Мен Зиданды абдан сыйлайм. Кичинекей кезимде мен аны кумир тутуп, Бельгияда жашасам да, Зидан үчүн Францияга күйөрмандык кылчумун. Эми аны менен чогуу иштешүү алдында турам. Бул мен үчүн өзгөчө сезимдер”.

Бул Азардын “Реалга” өткөндөн кийинки алгачкы сөзү. 20 жыл мурунку кумири эми анын насаатчысына айланды. "Реалдын" башкы машыктыруучусу Зинедин Зидандын бельгиялык оюнчуга болгон сүйүүсү да күч. 2009-жылы Зидан 18 жаштагы Азардын талантына баа берип, “Азар – келечектеги футбол жылдызы. Ал мыкты жана мындан да мыкты боло алат” деп айткан. 2010-жылы оюнчуну “Реалга” сатып алгыла деп сунуш да кылган жайы бар. Бирок ал кезде бул сунуш жөн гана сөз бойдон калган. Зидан менен Азардын чогуу иштешүү ниети эми ишке ашып, алдыдагы сезондо падышалык клубдун арабасын бирге тартышат. Күйөрмандар бул тандем “Реалдын” жаңы ийгиликтеринин ачкычы болот деп үмүт артышууда.

ЧЕМПИОНДОР ЛИГАСЫН БАГЫНДЫРУУ

Азардын профессионалдык футбол карьерасы Франциянын “Лилль” командасынан башталат. 17 жашында ал старттык курамга кирип, 19 жашында Франция чемпиондугунун эң мыкты жаш футболчусу наамын эки ирет катары менен жеңип алат. Ал эми 2011-жылы өз командасы менен Франциянын биринчилигин жеңип, өзү чемпиондуктун мыкты оюнчусу аталат. 2012-жылы Чемпиондор Лигасын багындырам деген максатта ошол жылы аталган мелдешти жеңген лондондук “Челси” командасынын курамасына кошулат. 7 жыл ичинде лондондук клуб үчүн расмий 245 беттеш өткөрүп, 75 гол киргизген. Анын бул аракети клуб үчүн 6 титул алып келди. Бирок, тилекке каршы, алардын катарында Чемпиондор Лигасынын кубогу жок. Мүмкүн, Чемпиондор Лигасын катары менен 3 жолу жеңген “Реал Мадрид” клубу Азардын дагы бир кыялын ишке ашырууга жол ачат...

ФУТБОЛ МЕНЕН ДЕМ АЛГАН ҮЙ-БҮЛӨ

Азардын ата-энесин футбол табыштырган. Алар стадиондо, футболдук оюнда таанышып, кийин бул жолугушуу сүйүүгө, андан соң үй-бүлөгө айланган. Атасы Тьери Бельгиянын экинчи дивизионунда топ тепсе, апасы Карин Жогорку Лигада ойночу. Апасы Карин Эден Азар үчүн футболдук карьерасын жыйынтыктаган десек болот. Тагыраагы, кош бойлуу кезинде футболдон баш тартып, ошол бойдон оюн талаасына кайткан эмес.

Азардын 3 иниси бар жана алардын баары профессионал футболчулар. 26 жаштагы Торган быйыл дортмунддук “Боррусиянын” катарына кошулса, 24 жаштагы Килиан Бельгиянын “Серкль Брюгге” командасынын оюнчусу. Эң кичүү иниси Итан 15 жашта. Ал жергиликтүү “Тюбиз” командасынын чабуулчусу. Өспүрүм 15 жашта болгонуна карабастан ага кызыгышкан клубдар арбын. Алардын сап башында “Челси” турат. Эң кызыгы, бул 4 футболчунун тең футболдук агенти алардын атасы Тьери.

Эден бир туугандарынын ортосунда атаандаштык жок экенин билдирет, бирок ар бир сезондо Эден Торганга караганда көбүрөөк гол киргизүүнү каалайт. Себеби бир туугандардын ортосунда чакан мелдеш бар. Чемпиондукта ким азыраак гол киргизсе, ошол чогуу тамактануунун эсебин төлөйт. Бул сезондо дагы Азардын улуусу 16:10 эсебинде жеңүүчү болду.

Футболчулардын трансфердик баасын эсептеген Transfermarkt порталына таянсак, Азарлар эң кымбат бир тууган футболчулар. Аталган портал Эден Азарды 150 миллион, иниси Торганды 38 миллион еврого баалады.

КОРГООЧУЛАРДЫН КОРКУНУЧУ

“Лилль” клубунда ойноп жүргөн кезде Азар “коргоочулардын коркунучу” деген лакап атка ээ болот. Себеби анын дриблинги жана ылдамдыгы коргоочулардын жүрөгүнүн үшүн алат. Франция биринчилигинде жылдызы жанган футболчуну келечектеги “Алтын топтун” ээси деп айткандар да бар. Азардын “Реалга” өтүшү аны “Алтын топко” жакындатары анык. Албетте, эгер ал мыкты оюн көргөзө алса...

28 жаштагы оюнчу креативдүүлүгү жана акылдуу чыгарып берүүлөрү менен башкалардан айырмаланып турат. Азар Роналду же Месси сымал көп голдорду киргизбейт. Ал гол киргизүүнүн ордуна пас чыгарып берүүнү эп көрөт. Дриблинг жагынан Мессиге атаандаш болсо, ылдамдык жагынан Роналдуга тең келе алган оюнчу.

Азар Роналдунун ордун басып, Испания чемпиондугунда Мессиге атаандаш боло алабы? Аны алдыдагы сезондо баамдап билебиз.

Оңдон солго: Торган, Эден, Килиан Азарлар.
Жубайы Наташа менен үч уулду тарбиялап келишет.


Кубан Жумамидинов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
08.07.2019. 14:35 
Тайпасы:
Жаран
Комментарийлердин саны:
137
Катталган:
08-03-2017
Соӊку аракети:
18-07-2019 18:40
Жынысы:
Белгисиз
0
Давай Азар бир үмүтүбүз сенде. Бирок Мбаппе менен Эриксен да Реалга келгенде ой ой оой эч ким тең келе алмак эмес Реалга.
12.07.2019. 14:29 
Тайпасы:
Жаран
Комментарийлердин саны:
6
Катталган:
25-03-2016
Соӊку аракети:
18-07-2019 13:58
Жынысы:
Белгисиз
-1
Азарды сыйлачумун Роналдого айткан сөздөрүнөн кийин саткын экен деп ойлоп калдым РЕАЛды мундан аары колдобойм.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22580;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: