Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Гүлжигит Исаков, жарандык активист: «АК ҮЙДӨ БҮГҮН КЛАССТАН КЛАССКА КӨЧПӨЙ ЖҮРГӨН БАЛДАР ИШТЕП ЖАТЫШАТ»

№871 11-июль - 17-июль, 2019-жыл


Коомчулук бүгүн эч бир тарапка байланбаган чыныгы калыс пикирге суусап турат. Тилекке каршы, андай пикир айта тургандар көп эмес. Андыктан актуалдуу иштер, көйгөйлөр боюнча үн кошуп, өз оюн ачык айтып көпчүлүктүн көзүнө илинген жарандык активист Гүлжигит Исаковду маекке тарттык.

КААРМАН ТУУРАЛУУ

Туулган жылы – 1979-жыл, 13-декабрь

Туулган жери – Кара-Кулжа району, Кара-Кулжа айылы

Үй-бүлөлүү – 2 уул, 1 кыздын атасы

Билими – жогорку

Жактырган спорт түрү – кикбоксинг

– Гүлжигит мырза, акыркы жылдары ар түрдүү митингдерге, саясий акцияларга активдүү катышып жатасыз. Өлкөдө ушул тапта сизди эмне көбүрөөк тынчсыздандырат?

– Биринчи кезекте коопсуздук турат. Биз кандай саясий көз карашка ээ болбойлу, баарыбыздын үйүбүз бир, ал үйдүн аты – мамлекет. Ал оңчул менен солчулга да, батышчыл менен чыгышчылга да, баарыбызга керек. Саясий көз караштардын тиреши негизги орунду ээлебеши керек эле. Тилекке каршы, азыркы учурда башкы талкуубуз ушул болууда. Өнүккөн өлкөлөрдө деле саясий кризис, тирештер болуп турат. Бирок алардын өлкө экономикасына тийгизген таасири жокко эсе. Бизде көмүскө экономика менен саясат абдан жуурулушуп кеткени үчүн кичинекей эле саясий кризис экономиканы олку-солку абалга алып келет. Коомдогу түзүмдөрдү жаңылап түзүү керек. Саясатчылар бири-бири менен күрөшө берсин, бирок анын биздин жашоого, экономикага зыяны болбошу керек.

– Байкашымча, 2010-жылдагы Убактылуу өкмөттүн ишин, анын мүчөлөрүн көп сындайсыз. Себеби эмнеде?

– 2010-жылкы окуяларда эл үмүт артты эле. Убактылуу өкмөттүн мүчөлөрү эйфорияга алдырып, элди унутуп, так талашып, эки элдин жаңжалына себепкер болгону үчүн аларды кечире албай жүрдүм. Эптеп бийликке жетиш керек деген авантюристтердин максаты ишке ашты. Бирок революциянын максаттары ишке ашкан жок. Кыргызстандын 2030-жылдагы, 2050-жылдагы орду кандай болушу керек деп маселе көтөргөн мамлекетчил адамдарды көрбөй элемин. 5 жыл 10 жыл кийинкини көрө билген саясатчылар жокко эсе болууда.

– Эски саясатчылардан арылуу керек деп жүрөсүз. Кыргыз шартында эскилерден 100 пайыз арылуу, ордуна жаш муунду алып келүү мүмкүнбү? Мүмкүн болсо кантип?

– Саясатта муун алмаштырууга революциялар эң жакшы мүмкүнчүлүк болот. Бизде андай болгон жок. Эски саясатчылар деп баарын четке түртүп коюу да болбойт. Менимче, айкалышып иштөө керек. Жулунбаган, таза, мээси укмуш иштеген саясатчылар бар. Алардын акылын, кеңешин пайдалануу керек. Анткени бир адамдын баарын биле бербеши табигый көрүнүш. Радикалдуу түрдө эскинин баарын кетирүү Кыргызстандын шартында мүмкүн деле эмес. Тууганчыл элбиз, коррупционерди камасаң деле анын тууган-туушкандары бар. Дүрбөлөңдөн башыбыз чыкпай калат. Ошондуктан уурдаган акчаны казынага төккүлө да, мындан ары жаңы жашоо баштайлы деп иштеш керек болууда.

– Элдин саясий аң-сезими акырындан өсүп жатат. Бирок эл мурунку шайлоодон кийин “иштебей жатат” деп 5 жыл сындап жүргөн саясатчыларды, партияларды кезектеги шайлоодо кайра эле парламентке 5 жылга шайлап алып жатат. Бул бузулган айлампаны кантип токтотууга болот деп ойлойсуз?

– Конституцияда 18 жашка толгон Кыргыз мамлекетинин жараны шайлоого жана шайланууга укуктуу деп жазылып турат. Бирок биометрика деген шылтоо миңдеген адамдарды шайлоо укугунан ажыратып койду. Чет жердеги мигранттарды айтпай эле коёлу. Бюджеттен айлык алган 330 миңдей кызматкер, 640 миңдей пенсионер бар, алар административдик ресурска курмандык болуп жатышат. Албетте, элдин өзүнүн да күнөөсү бар. Эл канчалык сабатсыз болсо, аны башкаруу ошончолук оңой. Кийинки шайлоодо деле акча роль ойнойт, бирок элдин аң-сезими акыркы 2 жылда өскөнү байкалып турат. Ошентсе деле аны жетелеген мамлекеттик бийлик да. Элди туура эмес жакка жетелеп, 1000 сомго зар кылган ким?

– Мурдагы президент Алмазбек Атамбаевди ИИМ суракка чакырды. ал болсо барбай турганын билдирди. Сиз өлкөнү 6 жыл башкарган адамдын “суракка барбайм” дегенин кандай кабыл алдыңыз?

– Убагында Атамбаевдин кадрдык туура эмес иштерин ачык айтчумун. Темирди ысыгында сок дейт, азыр кажети деле жок. Бул албетте, Атамбаевдин былык иштерине көз жумуп койгула дегендик эмес. 6 жылда жасаган иштерине жооп берсин. Жаманбы, жакшыбы 6 жыл Конституциянын кепили болуп турду. Азыркы Жогорку Кеңештин курамы анын кийлигишүүсү менен түптөлдү. Андыктан азыркы депутаттарга Алмазбек Шаршеновичтен артык эч ким баа бере албайт. Кандай адамдарды алып келгенин билет. Жогорку Кеңештин депутаттары Атамбаевдин сынына таарынбаса деле болот. Ал эми Атамбаевдин укук коргоо органдарынын суракка чакыруусун тоготпой, баш ийбей жатканы – мыйзамдуулукту тепселөө. Бизди саясий интригалардан мыйзамдын үстөмдүгү гана куткарат. Бул элди сыйлабастык, укук коргоо органдары кандай баа берсе да барыш керек.

– Жактоочусу Атамбаевде мыйзамдуу кол тийбестик укугу бар. Жогорку Кеңеш аны экс-президент деген аттан гана ажыратты деди. Бул Жогорку Кеңештин катачылыгы, сабатсыздыгыбы же атайылап уюштурулган иш деп ойлойсузбу?

– Атамбаев Жогорку Кеңешке баасын берди. Депутаттар таарынып, статусун алабыз деп Атамбаевде өчү барларды комиссияга киргизип коюшту. Өчү бар адам рационалдуу чечим кабыл ала албайт, эмоцияга алдырат. Ал эми мамлекеттик иштерде эмоцияны жыйыштырып коюу зарыл. Экс-президент деген макамды алуу үчүн мындай кылмыштарды кылган, далилдери мына деген юридикалык негиз керек. Туура ишти күмөн жаратпай, туура жол менен жасаш керек.

– Жарандык активист катары сизге азыркы бийликтин кайсы катачылыктары биринчи көрүнүүдө?

– Өлкөдөн 2 баштуу бийликти көрүп турам. Азыркы Конституцияга ылайык, өкмөт башчынын ыйгарым укугу көп, күчтүү. Бирок аны пайдалана албай жатат. Биздин менталитет президентти хан сезип, анын көзүн эле кароо экен. Президент де-юре “бул менин ишим эмес” дегени менен, де-факто өкмөттүн ишине таасир этүүдө. Бир жагын тандайлы, же өкмөт башчы жооп берсин, же супер президенттик башкарууга өтөлү. Жакында депутаттар микрофондо, социалдык тармактарда өкмөттү аябай сындап упай топтошту. Анан президент келип “колдоп койгула” деген бир эле сөз айтты эле баары колдоп беришти. Абдан уят иш. Жогорку Кеңеш Жогорку Кеңеш болгондон бери мындай кордук көрө элек болчу. “Президент жалгыз болуп жатат, кантип алдыга тартсын?” дегендер бар. Бирок биз жанына кимдерди алып жатканын көрүп жатабыз да. Мен жакшы тааныйм, президенттик аппаратта бүгүн мектепте класстан класска көчпөй калган балдар иштеп жатат.

– Балким, “мен” дегенди токтотуу керектир. Жеке амбиция, тар кызыкчылыктардан улам таза, элге таанылып калган принципиалдуу жаштар бир команда болуп бийликке аттана алышпай жаткандыр. Саясий элитаны алмаштырууга бийлик гана эмес, жаштар өздөрү да тоскоол болуп жаткан жокпу?

– Жаштар гана деп кыйкыра берүүгө толук кошулбайм. 50 жашка чыгып, өзүн таза сактап калгандар бар. Аларга караганда 30 жашка араң чыгып, бирок биринчи эле сыноодо рухун-духун сатып жибергендер эки эсе коркунучтуу. Коррупционерлер ким экенин эл жакшы билет. Бирок биз тазабыз деп элге үмүт берип, кийин сөзүнөн кайтып, пара алып, араң турган үмүттү биротоло өчүрүп жатышат.

– Келерки парламенттик шайлоого катышуу планыңыз барбы?

– Парламентке сөзсүз барышым керек деген амбициям жок. Үйлөнүп алуу оңой, үй-бүлөнү багуу кыйын. Андыктан эптеп парламентке барууну эмес, ал жерге барганда эмне жасай алам деп ойлонуу керек. Башка түшсө байтал жорго дейт, кырдаал ошого түртсө, анда парламенттик шайлоого катышышым мүмкүн.

– Чет өлкөдөн билим алгансыз. Кыргыз өлкөсү Европага теңелсе дегендер көп. Ал жакта башка жашоо, башка кулк мүнөз дегендей... Өнүккөн чет мамлекетти туурай бербей, балким, өзүбүзгө ылайык жолду тандап, алдыга жылабыз?

– Кыргызстан эч качан Батыш өлкөлөрү боло албайт. Бирок жалпы адамзаттык баалуулуктар деген түшүнүк бар. Батыштан ала турган жакшы нерселер көп, технология, эффективдүү башкаруу, базар экономикасы... Кыргыздын өзүнүн демократиясы бар, бирөөгө тар кийимди кыстап кийгизгендей болуп Батышты эле туурай бербешибиз керек. Мисалы, шаарда кофе ичип өсүп, Кызыл-Аскерден ары өтпөгөн жаштардын дүйнө таанымы такыр башка. Алар айылдын жашоосун, өзгөчөлүгүн жакшы билишпейт. Бизге Батышты да түшүнгөн, ошол эле учурда айылга барып бутуна өтүк кийип, иштеп кетүүгө жөндөмдүү жаштар керек болууда.

– Садыр Жапаровду колдоп митингге чыкканыңызды билебиз. Жакында аны шарттуу түрдө мөөнөтүнөн мурда бошотуу каралган жатат. Демек, сот аркылуу ишти кайра каратып, адилеттүүлүккө жетишүү үмүтү өчтүбү?

– Азыркы бийлик эч нерсе кылбаса деле жаңы Кодекстерге ылайык, кийинки жылы февралда эркиндикке чыгат. Азыр жеңилдик берип, мөөнөтүнөн эрте бошотууга мүмкүнчүлүк болууда. Жапаровду эмне үчүн колдоп бардым? Улуттук байлыгыбыз “Кумтөр” маселесин татыктуу көтөрүп чыккан жалгыз адам ушул Садыр Жапаров болду. Ошонусу үчүн аны сыйлайм.

Автандил Добулбеков
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22754;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: