Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ДОСТУККА КЫЯНАТ (Кыйышпас достор, достуктун бузулушу, сүйүү үч бурчтугу тууралуу сериал)

№883 3-9-октябрь, 2019-ж.


(Башы өткөн сандарда)

Эржан коркуп кетти. Кайрат менен абдан ынак болбосо да, экөө анда-санда сырдашып калышчу. Бирок Кайратта кандай дарт бар экенин билбейт эле. «Тез жардам» унаасында Кайратты ооруканага алып барышты. Дарыгер Кайраттын ата-энесине кабар берип, чакыруу керектигин айтып, обочо чыга бергенде «оорусу олуттуу» деди. Көрсө, Кайрат көптөн бери дары ичип, өз алдынча дарыланып жүрүптүр.

Кайраттын ата-энесине кабар берилди. Алыскы райондордун биринде турушат экен. Эржан үйүнө келип, тынч отура албай кайра ооруканага жөнөдү. Кайраттын азыркы абалы оюнан кетпей койду. Ооруканага келсе ал эсине келиптир.

– Кандайсың? Коркутуп жибердиң го.

– Жакшы элемин. Эмне болуп кеткенин өзүм деле билбей калдым. Башым тегеренип, көзүм караңгылай түшүп эле... - энтиге оозун кыбыратты Кайрат.

– Дарыгерлер көпкө ачка жүргөндүкү дешти,- көптөн бери ооруп жүргөнүн айткысы келбеди. Эржан да унчукпады.

Экөө сүйлөшкөн кыздары, боло элек үйлөнүү тойлору тууралуу кобурашып бир топко отурушту. Эртең эмне болуп кетерин, ширин кыялдар заматта кыйрап каларын экөө тең сезишкен жок. Эржан Бишкекке бармак, бирок Кайраттын жакындары келгиче анын жанында болуп турушу керек болду. Андан бөлөк шаарда Кайраттын туугандары деле жок болчу, сүйлөшкөн кызы да башка шаарда турат экен.

ххх

– Турчу, бирдеме жеп алсаң боло,- курбусу Аселди тургуза албай убара. Коңшу бөлмөдөгү Максат кызга тынчтык бербей койду. Күндө келет, жолугушууга чакырат. Ар кандай шылтоо айтып, эптеп Аселдин көңүлүн тапкысы келет. Бирок кыз «Эржандын башка сүйгөнү бар» деген кабарды уккандан кийин Эржанга таарынып, ал жаман кабарды угузганы үчүн Максатты да жек көрүп калган. Эржан келсе баарын ачык айтып, мамилени ары же бери кылыш керек болчу.

Бир маалда эшикти бирөө каккылап калды. Бурулай каалганын тешигинен караса Максат экен.

– Тур, дагы келди тигиниң.

– Ким?

– Максат.

– Уфф, тажатты…- ордунан туруп эшикти ачты. Колуна гүл кармап алган Максаттын эмне айтарын кыз жаттап бүткөн.

– Максат, түшүн, маанайым жок.

– Төрт дубалды тиктеп, камалып отура берсең кайдагы маанай?

– Анан эмне кыл дейсиң?

– Жүрү, дискотекага барып келебиз.

Өмүрү дискотекага барып көрбөсө да, Максаттын сунушунан кийин Асел негедир ойлоно түштү. Күндөгүдөй «сейилдеп келебиз же киного барабыз» десе, балким, баш тартмак. «Барса барып, бийлеп, бугумду чыгарып келсемби» деди оюнда. Кыраакы Максат кыздын оюн дароо окуп, аны шаштырып калды.

Дискотекада Асел биринчи жолу сыра ичти. Башында бир аз жагымсыз сезилип жаткан, бара-бара көнүп кетти. Жаңы келгенде тартынып жаткан Асел сыранын күчү менен аябай бийледи. Тегерегиндегилерди көзгө илген да жок. Бир убакта Максат топтон жетелеп чыкты.

– Асел, кетели, кеч болду.

– Мен бийлеп бүтө элекмин. Шашып жатсаң бара бер, мен анан...

ххх

Уйкудан ойгонсо, башы жарылып кетчүдөй лукулдап жатыптыр.

– Эмне кылдым?- дискотека үзүл-кесил эсине келип жатты. Максатка арманын айтып ыйлап жатканын бир билет. Жатаканага таксиде келип, вахтадагы эжеден уруш угуп жатканын да чала-була эстеди. Өзүнөн-өзү уялып кетти. Эптеп туруп өзүн күзгүдөн көрүп, кебетесинен жийиркенип кетти.

– Ушул сага керек беле? Сага сүйүүнү ким коюптур, алыңа жараша иш кылчы!- деди акылы.

– Эржанчы? Сен аны чындап сүйөсүң, бирөөнүн сөзүнө ишенип, баары бүттү дебе,- деди жүрөгү. Акыл менен жүрөктүн согушу башталды.

– Эржаның кана? Кат-кабарсыз кетти. Балким, үйлөнүп алып жүрбөсүн? Тигил Максат деле жаман жигит көрүнбөйт, көзүңдүн кареги менен тең айланып жүрөт,- акылы ушинтип жатты.

– Балким, жалгандыр. Мен билген Эржан мени күттүрүп таштап кетип, жашырынып үйлөнбөйт болчу,- деп Эржанды актайт жүрөк.

ххх

Бир жалганды жашыруу үчүн Максатка он жалган айтууга туура келди. Колуна Эржандын Аселге жазган он чакты катын кармап отурган Максаттын мээсин «Эржандын бетин эми кантип карайм?» деген суроо жеп жатты. Бирок артка кайтууга кеч. Аселди ал Эржандан кем эмес жакшы көрөт, үйлөнсө бир өмүр сыйлап өтүүгө даяр эле. Эң башкысы, Асел чындыкты билип калбашы керек. Эржан тууралуу калп айтканын, анын каттарын бербей катып жүргөнүн билип калса Асел эч качан кечирбейт. Бир айласын таап Эржанды Аселге жолуктурбаш керек.

Ушинтип көп жылдык достукту сүйүү тепселеп баратты. Убагы келгенде кечирер, таптакыр кечире албаса анда көп достун биринен ажырайм деди ичинен. Ал эми Аселден кол үзүп кетүү, аны унутуп кадимки жашоого кайтуу эми мүмкүн эместей. Азыр эң башкысы – Аселдин жүрөгүн жибитүү, акырын өзүнө имерип, көңүлүнө жол табуу. Бир күнү Эржан келсе, калпы ачылып каларын билсе да Максат артка кайтпас жолду тандады.

ххх

Бул күндөрү Эржан тайпалашы Кайраттын жанында болуп, ага каралашып жатты. Кийин зарыл жумуштары чыгып, айылында жүрүп калды. Ошентип Бишкекке бара албай калды. Бир күнү Орусияга иштегени кеткен досу Нурландын карындашы Айгерим арттан чакырып токтотуп калды.

– Эржан, токтосоң.

– Ээ, Айгерим, сен кайдан адашып?

– Жумуштар менен келгем. Сени көрүп калып, учурашып өтөйүн деп...

– Аа, жакшы.

Экөө бир топко сүйлөшүп турушту. Өткөн-кеткенди, бала кездеги күлкүлүү окуяларды эскеришти. Көптөн бери көрө элек болчу, баягы тентек Айгерим бой тартып, сулуу кыз болуптур. Экөө кошуна болгондуктан бала кезден бирге өсүштү. Оюн ойносо да чогуу болушчу. Экөөнүн абышка-кемпир болуп ойногонун айылда азыркыга чейин сөз кылып, күлкүлүү окуя катары көп эстешет. Эржандын классташтары да Айгерим жөнүндө сөз болуп калса «баягы Эржандын кемпириби?» деп сөзгө кыпчый кетишет.

– Бишкекке качан кайтасың?- деди коштошордо Эржан.

– Эртең, буюрса.

– Сенден кат берип жиберейин, ээсине тапшырып койчу, ээ?

– Макул.

Эржан бул жолу Айгеримден кат жазып берип жиберди. Ал Максатты тааныгандыктан катты ошого бер деп дайындады. Карышкырга кой кайтартып жатканын Эржан билген жок.

ххх

Жашоодо күтүүсүз, бирок атайын жасагандай окуялар болот эмеспи. Бул жолу да так ошондой болду. Асел сабактан чыгып, бөлмөсүнө келе жаткан. Узун коридордо бараткан бейтааныш кыз Максаттын бөлмөсүн көздөй бурулуп, эшикти такылдатты. Асел ал туштан өтүп барып токтоп, сөз тыңшай калды. Бул кыз Максаттын кимиси деген ойдо. Эшикти ачкан Максат тиги кыз менен жакшы учурашып, аркы-беркини сүйлөшө кетишти.

– Эржан сага берип жиберди,- Айгерим төрт бүктөлгөн кагазды сунду.

– Кайсы Эржан? Аа, абышкаңбы?- деди Максат тамашалай.

– Ооба, абышкам,- кыз да күлүп койду.

Аселдин денеси дүр эте түштү. Барып тигил кызды суракка алгысы келди, бирок намысы жол бербеди. Көптөн бери күмөн санап жүргөнү үчүнбү, айтор, башына дароо эле «Максаттын айтканы чын тура» деген ой келди. Бөлмөсүнө шашып кирип, керебетке кулады.

ххх

Күндөр куушуп өтүп жатты. Өткөнкү коридордогу окуядан кийин Асел Максаттан «баягы келген кыз ким?» деп сурагысы келип, бирок батынбады. «Эржаныңдын сүйүктүүсү ошол» дегенди угам деп коркту, андайды угууга даяр эмес болчу. Жүрөгүнүн түпкүрүндө Эржанга деген бүлбүл үмүт биротоло өчпөй, жашай беришин каалады. Бул арада Эржан өзү сыркоолоп, узакка жол жүрүүгө мүмкүнчүлүгү болбоду. Ошентип Асел экөөнүн ортосу алыстай берди. Бир күнү Бишкекке жолго чыкты.

ххх

«Эржан Бишкекке келе жатыптыр» деген кабар Максатка бир күн мурун жетти. Абийирдин иши жеңил эмес. Шаштысы кете баштады. Эмне кылуу керек? Аселди алаксытып бир жакка алып кетүүнү, ал жактан түнгө чейин келбей турууну ойлоду. Эржан Аселди баягыдай күтүп-күтүп кетет, жатаканада түнөп калбаса керек деп ойлоду. Аселдин курбулары да Максаттын өжөрлүгүнө таң берип, аны Аселге ылайык көрүп калышкан. Эптеп бул күндү өткөрө турсам, эртең дагы бир айласын табармын деди Максат ичинен. Ошентти да Аселди жатаканадан алып чыгып кетти.

Эржан бул жолу да Аселди бөлмөсүнөн таппай калды. Эшикти ачкан Бурулай курбусунун башка жигит тапканын, аны менен бактылуу экенин айтып «сураныч, анын тынчын албай эле койчу» деди. Бул сөз Эржанга катуу тийди, ишенгиси келген жок. Ошентсе да Аселге жолукмайынча кетпейм деп чечти. Күңүрт коридордун эң башына барып, отура кетти. Максаттын бөлмөсүндөгү балдар батирге чыгып кетишип, бөлмөдө ал жалгыз эле жашачу. Түнкү саат 1ге чамалап калган маалда Асел менен Максат жатаканага кирип келишти. Экинчи кабат, экөө коридордо жетелеше келе жатты. Аселдин үнүн Эржан дароо таанып, ордунан тура калды. Тигил жетелешкен экөөнү көздөй басты...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Башка сандарда:
Комментарийлер(4)
07.10.2019. 12:29 
Тайпасы:
Жаран
Комментарийлердин саны:
622
Катталган:
04-09-2014
Соӊку аракети:
19-10-2019 13:43
Жынысы:
Белгисиз
+1
Биротоло жолуктуруп койбойт беленер.
09.10.2019. 13:44 
Тайпасы:
Жаран
Комментарийлердин саны:
5
Катталган:
05-02-2017
Соӊку аракети:
20-10-2019 17:22
Жынысы:
Белгисиз
0
Башталышын кайдан окусак болот
09.10.2019. 15:35 
Тайпасы:
Супермодератор
Комментарийлердин саны:
82
Катталган:
19-11-2013
Соӊку аракети:
15-10-2019 22:24
Жынысы:
Белгисиз
09.10.2019. 16:03 
Тайпасы:
Жаран
Комментарийлердин саны:
5
Катталган:
05-02-2017
Соӊку аракети:
20-10-2019 17:22
Жынысы:
Белгисиз
0
Рахмат!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: