Индиянын Коимбатур шаарында куруучулар уктап жаткан адамды байкабай аны топурак менен көмүп салышкан. Мындай маалыматты Индиянын басылмалары жазып чыгышты.
Маалыматта жазылгандай, куруучулар эстакаданын аймагын жашылдандыруу үчүн гүл отургузууга жай даярдап жатышкан. Топурак төшөлчү жерде уктап жаткан адамды байкабастан аны көмүп салышкан. 2 күндөн кийин аталган жайдын бетин тегиздөө учурунда топурактын арасынан белгисиз адамдын жансыз денесин табышкан. Учурда анын аты-жөнү тактала элек. Ал эми полиция кызматынын божомолуна караганда, ал мас абалда болгон. Маркум уктап жаткан аймактан спирт ичимдигинин бөтөлкөлөрү табылган.
Гүлжан Асанкожоева
koom@super.kg