АВАЗ АКИМОВ МЕНЕН АЙДАНА ДЕКА АК ӨРГӨӨЛҮҮ БОЛУШТУ

Жаш жубайлар Аваз Акимов менен Айдана Дека ак өргөөлүү болушту. Жагымдуу жаңылыгы тууралуу Айдана Дека айтып берди:

– Аваз экөөбүз баш кошкондон бери батирди ижарага алып жашап жатканбыз. Анан “наристебиз төрөлгөнгө чейин өзүбүз үйлүү болуп калсак экен” деп ниеттенип жүргөнбүз. Аваз акча чогултуп, жайында Бишкектен 2 бөлмөлүү батир сатып алдык. Каражат жагынан жардам берген жокмун. Үйдү жасалгалоодо, эмеректерди тандоодо гана жардам бердим. Оңдоп-түзөө иштери ноябрь айында бүттү. Буюрса, үйгө кирип жашап жатабыз. Үйдүн ичин жасалгалоодо Аваз экөөбүздүн табитибиз туура келди. Экөөбүз тең ак түстү жактырат экенбиз.

Мындан тышкары жакында эле түгөйлөр кыздуу болорун жарыялашты. Бул кубанычтуу кабар тууралуу ырчы буларга токтолду.

– Мен УЗИге барып наристебиздин жынысын билип, аны Авазга сюрприз кылып айтайын деп ойлонуп жаткам. Бирок курбум андан да жакшы идея сунуштап калды. Бул сунуш боюнча курбу кызым гана наристенин жынысы тууралуу билип, Аваз экөөбүзгө сүйүнчүлөмөк. Дал ошондой кылдык. Биз балалуу болорубузга эле кубанып жатабыз. Кызбы, эркекпи, Кудай берген балага татыктуу ата-эне болгубуз келет.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

Aselya_9105

2019-12-09 12:16:31

Ак өргөөңөр кут болсун. Үйүңөрдүн эшиги дайыма жакшылыктарга гана ачылып, кут береке кирсин. Аман эсен көз жарып ал.

+10

akmanai

2019-12-11 06:28:43

Aselya_9105, Аппак тилегинизден, таптаза журогунуздон садага. Дайыма ойлорунуз таза, тилегиниз тунук болуп журо бериниз. Буларга каалаган бакытты кудай сизге беш эселеп берсин.

Fara2525

2019-12-15 14:39:20

Aselya_9105,жаман жакшы комментерди ото коп жазчуу элем. Адамды адам ондойт же бузат. Бугундон баштап жалан жакшы комменттерди жазбасам. Баардык мекендештериме Аллах ыйман берип аман болгула туугандар

Комментарий калтыруу үчүн өз ысымыңыз менен кириңиз же каттоодон өтүңүз.

№ 892, 5-11 декабрь, 2019-жыл