Архив
897   898   899   900   901   902   903   904   905   906   907   908  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Жалгыз бой эне: «ЖОЛДОШУМ МАЙЫП КЫЗЫМ ЭКӨӨБҮЗДӨН БАШ ТАРТТЫ»

№905 5-11-март, 2020-ж.


Кичинекей Салиха Орозбекова төрөлгөндөн бери оору менен күрөшүүдө. Апасы айыктырып алсам деп учурда тызылдап чуркап жүрөт. «Үй-жай тургузалы деп жан үрөп иштедим. Кызым оорукчан төрөлгөнү үчүн күйөөм жана кайын журтум бизден баш тартты. Эки бала менен иштебей, туугандардын колун карап отуруп калдым» деген 28 жаштагы Перизат Созокбаева кызын дарылатуу үчүн элден жардам суроого аргасыз экенин айтат.

«КУРСАКТАГЫ БАЛА ӨСПӨЙ КАЛЫПТЫР»

-Мен Жалал-Абад облусунун Базар-Коргон районунан болом. 2013-жылы коңшу айылдагы жигитке турмушка чыккам. Алгач уулдуу болгонбуз. Балам бир жаштан өткөндөн кийин аны кайненеме таштап, күйөөм экөөбүз үй-жай тургузалы деп Орусияга иштегени кеттик. Уулум 4кө чыкканда экинчи наристебиз боюма бүттү. Ичимден бала өспөй калыптыр. Дарыланып жатып, курсактагы балам экөөбүз тең жакшы болгондой болдук. Анан эле өзүмдүн да, кызымдын да каныбызда маселе жаралып, ай-күнүмө жеткирбей төрөтүп алышты. Бала нормадан кичинекей эле, төрөлгөндө ыйлаган жок. Дарыгерлер «канда вирус бар, бала кыйналып калган, кан алмаштырабыз» дешти. 20 күндөн ашык жандандыруу бөлүмүндө жатты.

Баланы дарылатып жатканыбызды укканда кайнатамдар жолдошума чалып «кызың жакшынакай эле экен, сүрөттөн көрдүк. Аялың жөн эле акча кетирип отурат. Биякка жөнөтүп жибер, келип баласын карасын» дешиптир. Чынында мен Москвада расмий иштегендиктен милдеттүү медициналык камсыздандыруу аркылуу өзүмдүн да, кызымдын да дарылануусу бекер болгон. Кыз 6 айга чейин дарыгердин көзөмөлүндө болсун дегенге карабай, жолдошум билет алып Кыргызстанга салып жиберди. Кыргызстанга келгендин эртеси күнү ыйлап аябай тынчы кетти. Сооротуп эмизип жатканда көзү аңтарылып калды. Коркуп дароо Базар-Коргондогу ооруканага алып бардым, саат сайын калтырап-титиреп жатты. Улам тынчтандыруучу дары сая беришти. Таң атканда калчылдаганы такыр токтобой калды. Эч кандай диагноз коё алышкан жок, анализ алган жеринен эле кан кете берди. Ошентип комага түшүп калды. «Кичине калтыроо менен келдик эле, абалын оорлоштуруп койдуңар» десем, дарыгерлер «сенин көңүлүң деп эле алып отурабыз. Кааласаң алып кете бер, өлсө колуңда өлсүн» дешти.

«БАЛАМ МЕНИ БАГАБЫ ЖЕ ООРУКЧАН КЫЗЫҢ МЕНЕН СЕНИ БАГАБЫ?»

-Ошентип кызымды Ошко алып жөнөдүм. Жандандыруу бөлүмүнө кабыл алып, дароо башын томографияга тартышты. «Консилиум кылып операция жасайбыз, атасын, чоң ата-чоң энесин чакыр» дешти. Кайната-кайненем, ошол күнү күйөөм да Москвадан учуп келди. Уруш ошол жерден башталды. Атасы күйөөмдү көрүп эле «сен эмнеге келдиң? Иштей бербейт белең» деди. «Кызым ооруп жатса кантип ал жакта жүрөт элем?» деп уруша башташты. Консилиум кылышканы менен, операция жасалган жок. Врачтар «мээге кан көп кетип калган, бизде заманбап аппараттар жок, мээге операция жасай албайбыз» деп коюшту.

Ыйлагандан башка аргам жок, эмне кыларымды билбей отурсам кайнатам кирип «баланы ары-бери сүйрөп кыйнап жаткан сенсиң, аппараттарды суурутуп, кызыңа ыраазы болуп ооруканадан чык! Бул баары бир адам болбойт. Жарым жан бала менен өмүр бою балама эле жүк болосуңар. Балам мени багабы же оорукчан кызың менен сени багабы?» деп урушту. «Кудайым канча өмүр берсе ошону жашайт, мен баламдан баш тарта албайм» десем, «анда өзүңдөн көр, өзүң сүйрөйсүң. Баламды эмес, кызыңды тандадың, эми адам кылып ал» деп кетип калышты. Жолдошум да кошо кетти.

Кызым 12 күн дегенде көзүн ачты. Бирок денесинде эч кандай кыймыл жок. Бир ай жандандыруу бөлүмүндө жаттык. Жолдошум келип үйдөгүлөр менен урушуп кеткенин, Москвага барып иштээрин, ал жактан дарылатарыбызды айтып кетти. Ооруканадан чыккандан кийин жол жүргөнгө болбойт дешкенинен жакын жерден батир алып жашап калдым. Ата-энем каржылап жатты. Бир айдан кийин жолдошум байланышып, акча сала баштады. Ошто жашап жүргөндө өздөрү сурабаса деле небереңер жакшы деп жыйынтыктарды айтып кайненемдерге чалып турдум. Эки бала турганда жөн эле ажырашып кетпейин дедим.

«ЖОЛДОШУМ МОСКВАГА ЧАКЫРЫП, АРА ЖОЛГО ТАШТАДЫ»

-Жолдошум Москвага чакырып калды. Кайнатамдарга уруксат алганы бардым. «Балаңар чакырып жатат, мага капа болбогула, кызды айыктырып алалы, анан келип кызматыңарды кылам» дедим. Небересин колуна да алышкан жок. «Болуптур, бара бер» дешти. Анан күйөөм өзгөрө баштады. Билет алалы деп чалсам, албай жатканынан «жөн жерден уруша бербегиле» деп билетти атамдар алып беришти. Чукул арага арзан билет чыгып калганынан кайненемдерге үйгө бара албасымды айтып байланыштым. Макул деп эле калышкан. Чыкканымды айтып күйөөмө СМС жазып койгом. Учакка отургандан кийин «эмнеге ата-энемди нааразы кылып келе жатасың, келбей эле кой» деп телефон чалды. Москвага жеттик, тосуп алган жок. Батирге барсам, кожоюнга мени киргизбөөнү табыштап, ошол күнү чыгып кетиптир. «Сенден эч жамандык көргөн эмесмин, кыштын күнү бала менен кантип эшикке калтырайын?» деп, ал киргизди. 3 күндөн кийин жолдошум келип «ата-энемди ыйлатып туруп келиптирсиң. Атам «эгер ошол аялыңды тандай турган болсоң, мен сага өмүр бою нааразымын» деди. Биз ажырашабыз, кызыңды каалагандай кылып бага бер» деп кетип калды.

Ыйлап-ыйлап, акыры бел байлап кызымды дарыгерге көрсөтөйүн деп, атама телефон чалып болгонун айттым. Малын сатып, акча кылып мага жөнөттү. Камчаткада иним, апам иштечү, ошол жакка кеттим. Кызымды жеке клиникага алып барып жаттым. 3 айда кызымды чет жакта алып жүрүүгө атасы берген макулдуктун убактысы бүтүп калды. Орусиядан чыгууга туура келди. Кайнатамдарга барсам «экөөң ажыраштыңар, эми башка келин алабыз» дешти. Мен эч нерсе деген жокмун, улуу баламды алып чыгып кеттим.

Декабрда ажырашууга сотко арыз жазгам. Күйөөм экөөбүз Сахалинде жакшы иштегенбиз. Менин айлыгым 70 миң, аныкы 50 миң болчу. Чыгаша кылбай кайнатама айына 100 миңден салып турчубуз. Кайнагам менен биригип машина алып бердик. Биз салган акчага үй-жайынын баарын оңдошту. 3 жерден жер тилкесин алганбыз. Андан тышкары үй курганга керек деп 400 кой алганбыз. Ошолордон үлүш тийсе, кызымды дарылатууга жумшайын десем, күйөөм мүлктүн баарын атасынын наамына өткөрүп коюптур. Кайнатам сотто «башында эле кыздан баш тартса, минтип азабын тартпайт эле. Эч кандай жардам бере албайбыз» деди. Жолдошумду жаракат алган деп, эч жакта иштебейт деген документтерди өткөрүптүр. Кызым 3 жашка чыкканча ооруганы үчүн деп 2000 сом, эки балага деп 3000 сом алимент чектеди. Бирок аны деле беришкен жок.

«ҮМҮТҮМДҮ КАНТИП ҮЗҮП ТАШТАЙМ?»

-Кызыма 1 жаш 8 ай болду. Гормоналдык дары алгандан улам салмагы 15 килограмм. Отура албайт, баспайт. Бир нерсени деле алаксып карай албайт, көрүүсү начар. Тамакты ыйлаганына карабай кыйнап ичирем.

Балаң ооруп турса жанында жөн гана жүрө албайт экенсиң. Бишкекте Жалдагы Эне жана баланы коргоо улуттук борборуна алып бардым. Ал жактан «5-6 ай мурун келгениңде дарыламакпыз, баш сөөк ачылса мээ сууну соруп алат, суу мээге аралашып кеткен» деп дарылоодон баш тартышты. Кайсы жактан болбосун шыпаа издеп калдым. Үмүтүмдү кантип үзүп таштайм?

«Бишкекте дагы бир клиникада күчтүү врач бар, ошол жерге баргыла» деп сунуштап калышты. Барсам «бүтүндөй калыбына келтире албайм, ден соолугунун үчтөн бир бөлүгүн кайтарып беришим мүмкүн. Бир курстук дарылоо 1000 доллар болот. Мындай оору менен кыйналып жашайт. Өмүр бою жөн гана баланын сөлөкөтүн багасың, паралич болуп жатып берет. Канчалык эрте дарылатсаң, ошончолук жакшы» деди.

Дарылатсам, жылыш болсо дегенде эки көзүм төрт. Каражаттын тартыштыгы кендирди кесип турат. Кызымдын оорусу менен күрөшүп, эки бала менен иштебей, туугандардын колун карап калган кыйын экен. Кызым ооругандан бери ата-энем малын, машинасын сатышты. Такыр болбой калганда насыя алып беришкен, азыркыга чейин төлөп жатышат. Жакшы врач, жакшы табып дегенди уксам эле барууга шашам. Кызым жакшы болсо мен деле иштеп өзүмдү, балдарымды өзүм каржылайт элем. Колу-буту тырышып жазылбай калат. Айласыздан интернеттен ушундай балдарга кандай укалоо жасаса болорун карап ушалайм. Ар кимдин өз көйгөйү бар, бир үйдүн жарыгы бир үйгө тийбейт экен. Ошого карабай тууган-уругум кол сунуп келе жатышат. Кызымды дарылатуу үчүн коомчулуктан жардам сурайм.

Динара Акимова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(25)
09.03.2020. 09:50 
Тайпасы:
Жаран
Комментарийлердин саны:
354
Катталган:
18-09-2018
Соӊку аракети:
06-04-2020 18:42
Жынысы:
Белгисиз
+17
Баланын ата энесине соз жок. Коп соз айтат элем,табалаган болуп калам. Ыйлай турган окуя экен
09.03.2020. 10:20 
Тайпасы:
Жаран
Комментарийлердин саны:
12
Катталган:
08-12-2019
Соӊку аракети:
07-04-2020 02:33
Жынысы:
Белгисиз
+18
Ушундай адамдар бар озумчул ата-энелер.
Жакшы нерсе кылып жаткандай ырахаттануу менен жинге тийип азаптаган.
Бирок ошол неберелер,ошол келин эртен оорусанар жанынардан жылбай карай турганын эч эстебейсинер.Бирок качан гана тошокто жатып бироого коз каранды болгондо ыйлаактап келининен кечирим сурайт.
Адамдын тагдыры,жашоосун бузгандан ырахат алган менин апам,бир туугандарым.
Акча,байлыкка жеткенден кийин мени жемелеп бейишке жолдомо алгандай суйунгонсунор.
11.03.2020. 02:22 
Тайпасы:
Жаран
Комментарийлердин саны:
15
Катталган:
26-08-2019
Соӊку аракети:
07-04-2020 01:27
Жынысы:
Белгисиз
-1
Adil18,эмне деп эле жазып койгонсунар????
09.03.2020. 11:06 
Тайпасы:
Жаран
Комментарийлердин саны:
241
Катталган:
26-01-2016
Соӊку аракети:
06-04-2020 15:54
Жынысы:
Белгисиз
Калаасы:
♡♡♡ОШ♡♡♡
+12
Аллахым шыпаа берсин.Баары кайтар дуйно.
09.03.2020. 12:12 
Тайпасы:
Жаран
Комментарийлердин саны:
110
Катталган:
02-11-2012
Соӊку аракети:
07-04-2020 00:45
Жынысы:
Белгисиз
Калаасы:
Баткен
+12
Телефон номерин жазып коесуңарбы. Аллахым шыпаасын берсин.
09.03.2020. 12:51 
Тайпасы:
Жаран
Комментарийлердин саны:
63
Катталган:
19-10-2010
Соӊку аракети:
07-04-2020 01:28
Жынысы:
Белгисиз
+11
Аллахым шыпаасын берсин дуба кылабыз иншааллах жакшы болуп кетсин
09.03.2020. 13:23 
Тайпасы:
Жаран
Комментарийлердин саны:
74
Катталган:
28-07-2019
Соӊку аракети:
06-04-2020 23:41
Жынысы:
Белгисиз
+6
Асманга сапырып ийчу ата энеси бар экен
09.03.2020. 13:47 
Тайпасы:
Жаран
Комментарийлердин саны:
1
Катталган:
21-05-2013
Соӊку аракети:
05-04-2020 16:08
Жынысы:
Белгисиз
+7
Элсом бар болсо, акча жонотот элек,жазып койгулачы
09.03.2020. 13:54 
Тайпасы:
Конок
Комментарийлердин саны:
3
Катталган:
21-01-2020
Соӊку аракети:
06-04-2020 22:21
Жынысы:
Белгисиз
+7
Аллахым шыпаасын берсин! Жамандык кылгандарды да, кудайым жазасын берет! Бул кыйынчылыктан тезирээк өтүп кетишин изге Аллахым жардамын берсин!
09.03.2020. 14:03 
Тайпасы:
Жаран
Комментарийлердин саны:
4
Катталган:
24-05-2009
Соӊку аракети:
02-04-2020 11:03
Жынысы:
Белгисиз
+5
Аллах шыпаасын берсин тел номерин жазып койсонор жардам бермекбиз
09.03.2020. 15:51 
Тайпасы:
Жаран
Комментарийлердин саны:
137
Катталган:
12-03-2014
Соӊку аракети:
24-03-2020 14:22
Жынысы:
Белгисиз
+7
Акчасы жакшы озу жаман болуптур да,акмактар.
09.03.2020. 19:47 
Тайпасы:
Жаран
Комментарийлердин саны:
354
Катталган:
18-09-2018
Соӊку аракети:
06-04-2020 18:42
Жынысы:
Белгисиз
+4
Админ телефон,телефон депеле сурап атабвзго.
09.03.2020. 20:32 
Тайпасы:
Жаран
Комментарийлердин саны:
7
Катталган:
14-02-2016
Соӊку аракети:
05-04-2020 12:12
Жынысы:
Белгисиз
Калаасы:
Кыялдарда
+4
Аларга да Кудай бар!Оздору какшап,сыздап калышсын
09.03.2020. 22:02 
Тайпасы:
Жаран
Комментарийлердин саны:
25
Катталган:
03-04-2017
Соӊку аракети:
06-04-2020 16:55
Жынысы:
Белгисиз
+3
Аллахым шыпаа берсин ширин кызга.
09.03.2020. 23:28 
Тайпасы:
Жаран
Комментарийлердин саны:
68
Катталган:
14-12-2019
Соӊку аракети:
07-04-2020 01:50
Жынысы:
Белгисиз
+6
Ушу кантип болсун!кудайдан коркпогон кандай адамдар? Тимеле нааразы болом деп атасы ичи тарго( ал бала силердин канынарго кантип тируу жанды таштап басып кетесинер? Кудайдан коркпойсунар силердинда келиндей болуп какшап калчу кунунор келет! Илгери кыйынчылык замандада ооруулуу баласына таштабай уйун бир бурчунда чонойтуп тамак аш берип карачы азырчы баары бар адамдык сапат жок. Келинге айтарым буйруганын коросун аларга Аллах бар! Номер картасын жазса болмок. Элден калбайлы
10.03.2020. 09:20 
Тайпасы:
Супермодератор
Комментарийлердин саны:
8507
Катталган:
19-11-2013
Соӊку аракети:
06-04-2020 20:00
Жынысы:
Белгисиз
+6
Жардам берүүнү каалагандар үчүн каармандын байланыш номери: 0703486802
10.03.2020. 09:21 
Тайпасы:
Жаран
Комментарийлердин саны:
62
Катталган:
27-06-2018
Соӊку аракети:
06-04-2020 22:32
Жынысы:
Белгисиз
+6
Ушундай макала чыгарасынар анан кантип жардам беруунун жол жобосу жок, супер кичине зирегирек болгулачы, сразу элсом, онлайн карталарын жазакетсенер
11.03.2020. 01:43 
Тайпасы:
Жаран
Комментарийлердин саны:
8
Катталган:
19-04-2014
Соӊку аракети:
05-04-2020 15:47
Жынысы:
Белгисиз
Калаасы:
Ala-Buka
+3
Экинчи тараптын версиясы чыгат эми. Келин андай болчу мындай болчу деп.
11.03.2020. 10:43 
Тайпасы:
Жаран
Комментарийлердин саны:
14
Катталган:
28-01-2016
Соӊку аракети:
11-03-2020 10:41
Жынысы:
Белгисиз
+1
Кичинекей аман болсун, Кудайым буйруса баары жакшы болот!
12.03.2020. 01:29 
Тайпасы:
Жаран
Комментарийлердин саны:
4
Катталган:
13-11-2019
Соӊку аракети:
07-04-2020 02:36
Жынысы:
Белгисиз
+1
Кантип оз кызынан баш тартат е оз небересинен акча колдун кириго бир кун бар бир кун жоок Аллах шыпасын берсин эсенаман айыгып кеткиле
12.03.2020. 10:59 
Тайпасы:
Конок
Комментарийлердин саны:
2
Катталган:
22-02-2020
Соӊку аракети:
06-04-2020 23:51
Жынысы:
Белгисиз
+4
Баладан да акчаны өйдө көргөн наадандар экен да.Ошол баланын ушундай акыбалга түшүп калышына да кайын журту себепкер экен.Эми кайын ата к.энесине айтарым Кудайдан коркуп өзүңөр жардам бербесеңер да келиниңердин иштеп тапкан акчасын кайтарып бербейсиңерби.Балаңар да өзүңөрдү тарткан дүнүйөнү биринч орунга койгон акмак неме экен өз канынан жаралган баласынан баш тартып.Алла шыпаа берсе сакаят бул кыз ошондо кантип жер үстүндө басып жүрөөр экен-р балким адам-к абийириңер ойгоуп калса ой-п көр-р
12.03.2020. 14:27 
Тайпасы:
Жаран
Комментарийлердин саны:
354
Катталган:
18-09-2018
Соӊку аракети:
06-04-2020 18:42
Жынысы:
Белгисиз
0
Аялдын укугу такыр тепселенбейт ,кордолбойт деп жаткандар эми эмне дейсинер??
13.03.2020. 00:34 
Тайпасы:
Жаран
Комментарийлердин саны:
686
Катталган:
09-04-2014
Соӊку аракети:
07-04-2020 04:21
Жынысы:
Белгисиз
Калаасы:
Жолдошумдун айылы.
+7
Кайыната болумуш айына 100миң ден алып жаман үйрөнгөн экен да бетпак
13.03.2020. 23:27 
Тайпасы:
Жаран
Комментарийлердин саны:
81
Катталган:
17-05-2017
Соӊку аракети:
06-04-2020 17:22
Жынысы:
Белгисиз
+1
kuioondu ata enesin kudai jazasin bersin akmaktar
15.03.2020. 22:09 
Тайпасы:
Жаран
Комментарийлердин саны:
1
Катталган:
29-08-2017
Соӊку аракети:
17-03-2020 23:24
Жынысы:
Белгисиз
0
Еехх кызын айыгып кетсиин.балдар оорубасынчыы еч качан
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
23792;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: