Архив
897   898   899   900   901   902   903   904   905   906   907   908  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Аксыдагы окуя: КЛАССТАШЫН САБАГАН ОКУУЧУЛАРДЫН ИШИ СОТКО ӨТӨТ

№907 19-25-март, 2020-ж.


Жакында интернет желесине топтошкон мектеп окуучулары өздөрү курактуу бир баланы бүтө элек курулуштун ичине киргизип алып сабап жатканы тартылган видео тарады. Окуя Жалал-Абад облусунун Аксы районундагы Авлетим айылында болгон. Бул окуя коомчулукта талкуу жаратып, күнөөлүү тарапты катуу жазалоо талаптары айтылууда.

ОКУЯНЫ ДАРЫГЕР КАБАРЛАГАН

Аксы районуна караштуу Авлетим айылындагы Асанбек Кабаев атындагы мектепте болгон бул окуя боюнча Жалал-Абад ОИИББинин маалымат катчысы Нурдин Жээнтаев мындай маалымат берди:

– 2020-жылдын 7-февраль күнү Аксы РИИБинин нөөмөт бөлүмүнө Аксы аймактык ооруканасынын дарыгери чалып, Авлетим айылынын 2004-жылы туулган Т.М. аттуу тургуну денесинен жараат алып ооруканага түшкөндүгүн кабарлаган. Бул окуя кылмыштардын жана жоруктардын бирдиктүү реестрине “бейбаштык” беренеси менен катталып, сотко чейинки өндүрүш ачылып, соттук медициналык экспертиза дайындалган. Учурда иш сотко өтүү алдында турат.

ЧЫРДЫН ЧОО-ЖАЙЫ

Расмий маалыматка таянсак, окуя 2020-жылдын 6-февралында 13:30 чамасында болгон. Авлетим айылындагы №5 Асанбек Кабаев орто мектебинин жанында курулуп жаткан спорт залдын ичинде 9-класста окуган 6 окуучу бир классташын "чоң балдарга кошулбай биз менен жүр" деп ур-токмокко алышкан. Окуядан кийин сабалган окуучунун апасы Аксы РИИБине арыз менен кайрылат. Териштирүү учурунда Аксы райондук прокуратурасынын кызматкерлери окуя болгон жерге барып, окуяга тиешелүү бардык шектүүлөрдүн аты-жөнү аныкталат. Алар ата-энелери менен чогуу социалдык педагогдордун катышуусунда суракка алынып, тиешелүү тергөө амалдары жүргүзүлгөн. Бул арада жабырлануучу окуучунун апасы О.З. эч кимге доосу жок экенин айтып, тосмо арыз жазат. Бирок Жазык кодексинин 266-беренесинин (бейбаштык) негизинде тосмо арыз канааттандырылган эмеc. Себебин милиция кызматынан “окуяга бир топ бала катышкан, эгер кылмыш топ адамдар тарабынан жасалса эч кандай тосмо арыз кылмыш ишин токтото албайт. Иш сотко жиберилиши керек” деп түшүндүрүштү.

Жалал-Абад ОИИББи "таасирдүү адамдар ортого түшүп, ишти жаптырып салышкан" деп интернет желесине тараган маалымат чындыкка дал келбейт. Бул иш эч кандай токтоп калган эмес. Соттук-медициналык экспертизанын жыйынтыгы чыккыча бул ишти жаап койду деп ойлоп алышып, ызы-чуу түшүп видеону жарыялап жиберишкен. Учурда соттук-медициналык экспертизанын корутундусу чыгып, иш ар тараптуу тергелип, соттун кароосуна жиберүү алдында турат” деп билдирди.

МЕКТЕП ДИРЕКТОРУ КЫЗМАТТАН АЛЫНДЫ

Бул видео коомчулукка тарап, талкуу жаралгандан кийин гана сөз болуп жаткан мектептин директору Кененбай Шабданов кызматтан алынды. Билим берүү жана илим министрлиги муну “өзүнүн функционалдык милдеттерине жоопкерчиликсиз мамиле жасап, зордук-зомбулуктун алдын алуу боюнча окуучуларга түшүндүрүү иштерин жеткиликтүү жүргүзгөн эмес” деп түшүндүрдү.

Кызматтан алынган директор Кененбай Шабданов окуучулар жана ата-энелер менен тыгыз иштешип келгенин айтат:

– Бул балдардын урушу 6-февралда мектеп убактысынан кийин болгон. 9-класстын окуучулары ушул эле класстын башка окуучусу менен уруша кетишкен. Бул окуядан кийин мектепте чоң жыйналыш болуп, балдардын ата-энелери менен жолугушуп сүйлөшүүлөр жүргөн. Ал эми сабалган бала кийинки аптадан тарта окууга келе баштаган. Окуучулардын ортосунда кайрадан уруш болбосун деп ынтымакка чакырып, тыгыз иш жүргүзүп жатканбыз. Көрсө, сабалган бала буга чейин өзүнүн классташтарын чоң балдарга сабатып коюптур. Анан классташтары “бизди сабатканың кандай, кел өзүбүзчө сүйлөшөлү, чоң балдарга кошулба” деп уруш чыккан. Социалдык педагогго бул жаатта тапшырмаларды берип эле келгем.

Мектепте өспүрүмдөр менен иштеше турган инспектор бар болгону менен, ал балдар менен тил табышып, алардын психологиясын аңдап-биле турган деңгээлде эмес. Кадр жетишпейт деп 3-4 мектепке бир инспектор дайындашат. Ал келип чогулуш өткөрүп турат. Бирок тыкыр иштешүү деген башка да.

12-мартта (видео интернетке тарап кеткенден кийин) директорлук кызматтан кеттим.

Буга чейин да Аксы районундагы бир мектепте ушундай окуя орун алган. Андан улам класс жетекчилер, социалдык педагог, баарыбыз көзөмөлдү күчөткөнбүз. Негизи байма-бай тарбиялык иштер жүргүзүлүп, класстык сааттар өтүлүп эле турат. Ата-энелер менен деле чогулуштарды өткөрүп келгенбиз. Буга чейин биздин мектепте мындай окуя болгон эмес.

Болуп кеткен балдардын урушунан улам мындай окуянын кайра кайталанышына жол бербейли деп, балдар менен иштешүүнү күчөтүп, мектепте окуучуларды өз ара ынтымакка үндөгөн класстар аралык спорттук иш-чараларды уюштуруп жатканбыз. Кеп кызматта эмес, мен кетсем ордума башка бирөө келет. Комиссия түзүлүп акты ак, караны кара деп чечим чыгарып берсе жакшы болот эле. Мурун да окуучулардын сабак убактысынан кийин болгон мушташуусунан райондук билим берүү башчысы, мектеп директору, завучу, бир катар билим берүү өкүлдөрү кызматынан алынган. Директорду же башкасын кызматтан алуу менен эле маселе чечилип калбайт.

“БАЛАМ ООРУКАНАДАН ЧЫККАНДАН КИЙИН ТОСМО АРЫЗ ЖАЗЫП БЕРГЕМ”

Сабалган баланын апасына байланышсак, буларды айтты:

– Учурда баламдын абалы жакшы. Ал күнү ооруканага алып бардым. Дарыгерлер дароо милиция чакырышты. Милиция кызматкерлери уулумду сабап жатканда тартылган видеону көрүштү. Ошондо эле арыз жаздым. Уулум ооруканада бир жума дарыланып чыкты. Баламдын өзүнөн улуу бир досу бар, көп учурда аны менен чогуу жүрөт. Кырсык болгон күнү балам мектептен чыгып келе жатса классташ балдары “ошол балага кошулбай жүр” деп, уруш ошондон чыгыптыр. Негизи анчалык сабабай сөз менен эле айтып коюшса болмок да. Балам ооруканадан чыккандан кийин “мейли эми, балалык кылып уруп коюшту” деп тосмо арыз жазып бергем. Анткени карап көрсөм, булар ушунча жылдан бери бирге окуган классташтар, анын үстүнө эртеңки келечеги бир балдар, моюндашып жүргөн теңтуштары. Бирок милиция менин тосмо арызымды кабыл алуудан баш тартып, ишти сотко чейин жеткиребиз дешти. Үйдө кичинекей балдарым бар, улам райондун борбору Кербенге бара берүүгө шартым да жок.

Өлкөдө кылмыштуулук азайып, жаман окуя башкаларга сабак болушу үчүн сөзсүз мыйзамдын талабы аткарылышы керек. Ансыз тартип болбойт. “Тууганбыз, доспуз, унчукпай эле коёлу” деп кыңыр иштерди жаап салуу – бул жакшылык кылуу эмес, тескерисинче, терс адатты жайылтууга салым кошуу экенин ар бир жаран түшүнүүгө тийиш.

Динара Акимова
koom@super.kg



Классташын сабаган окуучулардын иши сотко өтөт

Автор: Гүлшат Ысамамат кызы
Оператор: Равшан Тойчиев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -3 
Комментарийлер(1)
27.03.2020. 12:12 
Тайпасы:
Жаран
Комментарийлердин саны:
96
Катталган:
06-02-2019
Соӊку аракети:
06-04-2020 23:32
Жынысы:
Белгисиз
+2
Азыртан ушундай бейбаштыкка барган балдардын келечегинен эмнени көрөбүз
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23792;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: