Архив
897   898   899   900   901   902   903   904   905   906   907   908   909   910   911   912  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

НЕЛЯ, ЫРЧЫ: «АЯЛЗАТЫНЫН ЭҢ НЕГИЗГИ МИССИЯСЫ – ӨЛКӨГӨ ПАЙДАЛУУ УУЛ-КЫЗДАРДЫ ТАРБИЯЛОО»

№910 14-20-май 2020-жыл


Карантин маалында бул ырчы айымдын жаны тынбады окшойт. Инстаграм баракчасынан короо тазалап, көчөт отургузуп, үй кожойкелерине ашканадагы сырлары, рецепттери менен бөлүшүп жатканына күйөрмандары күбө болуп жатты. Сахнада назик ырчы, үйдө сүйүктүү жар, уул-кыздын мээримдүү энеси катары суктанткан Неля айым жаңы сандын апта каарманы.

– Неля айым, саламатсызбы? 2 айга чукул үй карантининде отурабыз. Убакытты текке кетирбеш үчүн эмне менен алек болдуңуз?

– Карантин бизди көп нерсеге үйрөттү. Ашканада кесибиме байланыштуу колум жетпей жүргөн көп сырларды багынттым. Аны өзүм үчүн эле пайдаланбай, бардык ашкана ээлери менен бөлүшкүм келди. Айрым рецепттерди дүйнөлүк ашканадан үйрөнсөм, айрымдарын өзүм ойлоп тапканга аракет кылдым. Ал үчүн атайын Инстаграмдан «Тасмал» баракчамды да ачтым. Баракчама келген каттардан улам бул жаатта кожойкелерге жакшы жардамчы болгонума ынанып, кубандым.

Андан тышкары карантин жаз мезгилине туш келгендиктен, бакчага клубника, малина, алма, алчанын көчөттөрүн отургузуп, жашылдандыруу менен алектендим. Үй тиричиликтен убакыт таап, кызыктуу, пайдалуу, керектүү китептер менен дос болдум.

Жалпылап айтканда, карантиндин биз үчүн зыянынан пайдасы көбүрөөк болду.

– Айрымдар "дүйнөгө келген бул апаат жашоону баалаганды үйрөттү" дешсе, кээ бири "акчаны үнөмдөөгө үйрөттү, мурда болбогон нерселерге корото берчү экенмин" деп жатышат. Сизди карантин эмнелерге үйрөттү?

– Эң алгач күнүмдүк күрөштөн оолактатып, терең ойлонууга убакыт берди. Жараткандын берген сыноосу жалпы адамзатты ден соолукту баалоого үйрөттү. Оору бет келсе ээлеген статусуна, байлыгына, улутуна, жаш курагына карабай баары тизе бүгөрүн эскертти. Үй-бүлөлүк баалуулуктардын маанисин көрсөттү.

Балким, бул эскертүү болгондур. Ар бир адам өзүнүн буга чейинки каталарын сезип, жыйынтык чыгарып, сабак алуусу керек.

– Коронавирус эпидемиясы өлкөдө жакыр жашаган үй-бүлөлөр көп экенин дагы бир жолу ачыктады. Жардам берүү мүмкүнчүлүгү болдубу?

– Тилекке каршы, коомдо жакырчылыкта жашагандар көп. Пандемияга чейин эле Жараткандын берген ырыскысын муктаждар менен бөлүшүүнү милдет кылганбыз. Карантин учурунда да бир нече ирет колубуздан келишинче жардам кылдык. Бирок кайрымдуулук адамдардын көзү үчүн, сөзү үчүн эмес, Кудайдын ыраазычылыгы үчүн жасалышы керек.

– Айымдар "карантин балдарыбызга аябай жакты. Дайыма жанында болгонубузга көксөөсү канып жыргап калышты" деп жатышат. Сиздин уул-кызыңызга дайыма үйдө болгонуңуз жагып жатабы?

– Менин балдарым үчүн бул айырма анчалык деле сезилген жок. Буга чейин деле аларды эне мээриминен максималдуу аксаткан эмесмин. Болгону ошол убакытты колубуздан келишинче кызыктуу, пайдалуу өткөргөнгө аракет кылдык.

Кечкисин Урматтын (ред.: Усенов) келишин чыдамсыздык менен күтүп, эки командага бөлүнүп (кыздар, балдар), кино тандоодо гана табиттердин талашуусу болуп жатты. Балдарыма жакпаганы – карантинде атасынын иштегени болду.

– Азыр сиз дагы балдарды онлайн окутуп жатсаңыз керек. Көпчүлүк ата-энелерди, окуучуларды бул метод менен окутуу стресс кылды окшойт. Балдарыңыз сабактарын түшүнбөй жатканда пикир келишпестик орун алган жокпу? Абалдан кантип чыгып жатасыз?

– Биринчиден, мугалимдерге чын дилимден ыраазычылыгымды билдирем. Карантинге карабай биринчи күндөн тарта абалды колго алып, балдарыбызды билимден аксатышкан жок. Биз дагы четте карап турбастан колубуздан келишинче аракет кылдык. Мугалим эң таза жүрөктүн ээси экенин, бул мээнетти талап кылган кесип экенин далилдешти. Бардыгыбыз мектептин, мугалимдин кадырын сездик. Нурэл менен Жазэл мектебин, мугалимдерин, классташтарын, классын, жадакалса партасын сагынышканын айтып жатышат.

Мугалим болбогондон кийин кыйынчылыктар болду. 2-4-класстардын программасын эстегенге туура келди. Кайненем математика, апам англис тили, кайнежем кыргыз тили, Урмат универсал мугалим болгону биз үчүн чоң бакыт болду. Буюрса, карантин бүтсө онлайн-сабактар алып койгон нервдерди ордуна келтирүү керек (күлүп).

– Мурда биздин муун үй тапшырмаларын өзүбүз эле аткарып, ата-энебиз кийлигишчү эмес. Сизде да ошондой болсо керек. Азыркы балдар эмне үчүн өз алдынча эмес деп ойлойсуз?

– Азыркы окуу системи биздикинен бир топ эле айырмаланат. Азыр талаптар, максаттар башка. Ошого байланыштуу балдардын жоопкерчилиги алда канча жогору. Кээ бир учурларда багыт бергенибиз болбосо, көбүнчө үй тапшырмаларды өздөрү эле аткарышат. Бирок ата-эне балдардын окуусунан дайыма кабар алып турушу зарыл.

– Карантин көпчүлүк жубайларга бири-бирин жаңыдан таанууга шарт түзгөндөй. "20 жылдан бери кызыксыз адам менен жашап жүрүптүрмүн" дегендер да болду. Таң калып калбаш үчүн түгөй тандоодо эмнелерге көңүл буруш керек?

– Сиз айткан учурлардын бизге тиешеси жок. Кудайга шүгүр, дагы деле үй-бүлөлүк баалуулуктар өз маанисин жогото элек.

Европада чын эле жубайлар келишим менен жашап, кайсы бир кызыкчылыктарды көздөшөт. Ошондуктан карантин аларды ыңгайсыз абалга кириптер кылып жатса керек.

Түгөй тандоодо алгач жүрөктү тыңшап, окшоштуктарды издөө керек. Ой жүгүртүү, тарбия, табит өңдүү окшоштуктар 50 пайыздан ашып жатса, алдыдагы кыйынчылыктарды жеңүү оңой болот.

– Орозо кармадыңызбы?

– Орозону биринчи жолу студент кезимде кармагам. Үй-бүлөбүз менен үзгүлтүксүз кармап келе жатканыбызга быйыл 7 жыл болду.

– Кабыл болсун! Эми чыгармачылыкка кезек берели. Карантин бүтсө күйөрмандарыңызды кандай жаңылыктар күтүп турат? Кандай пландар бар?

– 3-4 ыр кезекте турат. Былтыркы концертибиздин монтажы аяктап калды, көрөрмандарга жакын арада сунабыз.

Сөзүмдүн аягында айтарым, аялзаты коомдогу ээлеген ордубузга, кесибибизге карабастан эң негизги миссиябыз өлкөгө, коомго, пайдалуу уул-кыздарды тарбиялап, даярдап берүү экенин унутпайлы. Кудайым берген өмүрдү жакшы жашап сабырдуу, кечиримдүү, кайрымдуу болуп, эң негизгиси, жакшы сөздү аянбастан бири-бирибиздин көңүлүбүздү табалы. Жаман ойдон, жаман сөздөн алыс бололу. Туура эмес ойлор, сөздөр, таарыныч, кызганыч, кусалыктар, көрө албастык, ичи тардык, терс мүнөздөр адамды оорутат, кыйнайт. Ошон үчүн кечиримдүү бололу, достор. Көңүлдүү жүрөлү, жашоону сүйөлү. Жүрөгүбүздү мээримге, сүйүүгө толтуруп, бири-бирибизди сыйлоону үйрөнөлү, түшүнүп мамиле кылуу менен бирге колдой билели. Кармаган орозоңуздар кабыл болсун!

– Айтканыңыз келсин! Маегиңизге рахмат!

Динара Абдыкадырова
sport@super.kg




"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -2 
Комментарийлер(7)
18.05.2020. 09:45 
Тайпасы:
Жаран
Комментарийлердин саны:
23
Катталган:
24-02-2011
Соӊку аракети:
07-06-2020 12:53
Жынысы:
Белгисиз
+4
Улгу алчу айым. Мага аябай жагат.
18.05.2020. 14:41 
Тайпасы:
Жаран
Комментарийлердин саны:
6
Катталган:
12-05-2019
Соӊку аракети:
07-06-2020 08:14
Жынысы:
Белгисиз
+2
Сонун маек болуптур..Азаматсың Неля.
19.05.2020. 15:39 
Тайпасы:
Жаран
Комментарийлердин саны:
4
Катталган:
05-11-2015
Соӊку аракети:
06-06-2020 23:52
Жынысы:
Белгисиз
Калаасы:
Екатеринбург
+2
Менин ишим эмес деңизчи... Дагы төрөбөйсүзбү
19.05.2020. 16:12 
Тайпасы:
Конок
Комментарийлердин саны:
3
Катталган:
19-05-2020
Соӊку аракети:
07-06-2020 10:41
Жынысы:
Белгисиз
+2
кыздары сулуу кыргыздын
19.05.2020. 18:26 
Тайпасы:
Жаран
Комментарийлердин саны:
81
Катталган:
20-03-2011
Соӊку аракети:
22-05-2020 04:47
Жынысы:
Белгисиз
Калаасы:
Кыялдарда жашайт...
+4
Эч кандай жасалмалуулук,мактануу жок.Башка аялдар олуп эле калат го мактанып.Эркектер андан отот.
21.05.2020. 22:35 
Тайпасы:
Жаран
Комментарийлердин саны:
28
Катталган:
30-10-2019
Соӊку аракети:
06-06-2020 18:51
Жынысы:
Белгисиз
0
Молодец мыкты айым негизи
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23968;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: