Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СЕНДЕН КИЙИН... (Эки аялдын таң калычтуу тагдырын баяндаган сериал)

№913 4-10-июнь, 2020-ж.


(Башы өткөн сандарда)

Айтурган ыйлаган боюнча уктап калды. Аны эшиктин коңгуроосу ойготту. Ким болушу мүмкүн? Канчадан бери эч ким келе элек болчу. Таң кала эшикти ачты. Күйөөсүнүн досу. Урмат көргөн көзүнө ишенбегендей тиктеп турду да, күнөөлүү кишидей көзүн ала качты.

– Кел, кандайсың?- деди Айтурган майыптар арабасын артка жылдырып.

– Жакшымын. Өзүң кандайсың? Бала-чакадан, иштен кол бошобой, келе албай жаттым.

– А сен эмнеге келишиң керек эле?

– Айтурган, билесиң...- деп баратып токтоп калды. Ошондо гана Айтурган көздөрүнө карап башка бир нерсени окуду. Жүрөгү солк эте түштү.

– Гуля кандай?- деди ал аяшын эстеп кетип.

– Жүрөт.

– Кел, отур, чай коёюн. Азыр жүзүмдү чайкап алайын.

– Сен жууна бер. Мен өзүм деле даярдайм.

Келсе эртең мененки тамакты даярдап салган экен. Кофе буркурап, куурулган жумуртканын жыты каңырыгын жарып, Айтургандын көңүлү көтөрүлө түштү. Ага бул сезим эчак унутулуп калгандай эле. Экөө чай ичкени отурушту.

– Мен көп жолу сага келем деп келе албай жаттым. Искендер мага бир тууганымдай эле жакын болчу. Билесиң, анын өлүмү мени да жинди кылды. Мен ушунча болуп жаткандан кийин сенин абалыңды элестете албайм.

– Искендер тууралуу сүйлөшкүм келбей турат.

– Айтурган, бул өлүм жөндөн-жөн болгон жок. Искендер жөн өлгөн жок.

– Жанында мен бар болчумун. Рулду талаштым. Кыйкырып-өкүрүп жаттым. Ал рулга ээ боло албай калды. Болгону ошол.

– Ичимден бул кырсык жөн жерден болбогонун айтып жатат. Эми эмнеси болсо да мейли.

Урмат аны боору ооруп карап калды. Бир нерсени айтайын деп тургандай. Айтурган чарчаңкы көзүн жумду.

– Мага боор ачып караштын кереги жок.

– Боор ачып караган жокмун.

– Анан эмнеге?

– Айтуш, сен кезинде бүт мединститутту суктанткан сулуу элең, эсиңдеби?

Айтурган күлүп койду.

– Сен келе жатканда баарыбыз эрксизден тигилчүбүз. Биздин группа бүт сага ашык эле.

– Аны билбептирмин. Арасында сен да бар белең?

– Мен...

– Башынан бери билем, Урмат. Эми жашырыштын кереги жок. Бирок сен биринчи кезекте Искендердин эң жакын досу болчусуң. Андан кийин гана мага ашык адам элең. Сен өтө берилген адамсың. Ошон үчүн сыйлайм.

– Искен да билчү беле?

– Жок, ал өзүнөн башка эч кимди көрчү эмес. Сенин сезимдериң эмес, жанында жаткан менин сезимдерим менен иши болбой жашаган экен эми ойлосом.

– Жок, азыр ызаланып айтып жатасың. Ал өтө акылдуу жан болчу. Ишенбесең керек, бирок ал жалгыз сени сүйдү.

– Күлкүмдү келтирбечи.

– Айтурган, анын кандай тозокто жашаганын бир мен билем. Сени сүйгөнү үчүн айта албады.

– Эмнени?

– Искендердин эки уулу бар.

Айтургандын көздөрү чакчайып кетти. “Мүмкүн эмес” деди ичинде бир үн. Бирок үн ката албады. Туттугуп, тумчугуп отура берди. Бул сырдын түбү чындыгында алыскы жылдарда калган эле.

ххх

Оо, ал кезде Искендердин даңкы ашып-ташып турган учуру болчу. Эркекке дөөлөт келгенде көзгө өзгөчө толумдуу көрүнүп калат эмеспи. Бойлуу, келишимдүү, таланттуу хирург кимдердин гана түшүнө кирбеди. Сүрөтүн жаздыгынын алдына алып жаткан нечен кыздар болгон. Ал кыз жандуу эмес эле. Айтурган анын чын сүйүүсү болчу. Ушунчалык экөөнүн мамилесине суктангандар көп эле. Аялынын көзүн ушунча караган эркектин көңүлүнүн башка бирөөгө бурулушу оор болчу. Бирок бир ирет...

ххх

Аяна эми гана 18 жашка толгон. Атасына оор операция жасалды. Анын апасы кичинесинде кетип калып, жалгыз таянары атасы эле. Операцияга алып кирип кеткенден баштап көзүнүн жашы тыйылбады. Бир гана үмүтү – атасынын операциядан аман чыгышы эле. Ал үмүтү дагы Искендер Мусабековдун колунда болчу. Операциядан чыккандан кийин Искендер кыжалат боло берчү. Ийгиликтүү өтсө жакшы, бечара тиги кишидей операция учурунда кете берсе өзүн күнөөлүү сезер эле.

– Күнөө сенде эмес, досум. Организми өзү чабал экен, көтөрө албай калды. Адамдар өзүн деле карап койсо болот да. Акыркы учурда гана кайрылышат,- деди Урмат ошол кечте.

– Операцияга кирерде “кызым эмне болот?” деп көп айтты. Кызы канча жашта экен?

– Жаш кыз, чамасы 18-19 жаштарда го. Коридордо ыйлап жалгыз турду. Кийин туугандары келип алып кетишти окшойт.

– Мен ал кызга жолугушум керек. Атасынын акыркы сөзүн айтмайынча жаным жай алчудай эмес. Эртең дарегин табышым керек.

ххх

Аяна атасынын туугандары кеткенден кийин жалгыз калды. 14 жашында апасы башка бирөө менен ээрчишип кетти. Нарын шаарында жашачу. Атасы аялынын бул жоругунан кийин сыртка чыга албай калган. Ага канчалык оор болгонун бир гана Аяна билет. Акырындап ичимдикке берилип баштады. Көз алдында атасы чөгүп бара жатты. Шаарда аты белгилүү кызматкер, көптөр акыл сурап келген абройлуу адам көз алдында чөгө баштады. Бирок кызын эч нерседен кем кылбай бакты. Анын сиңдиси Салиманы атасынын эжеси асырап алды.

Кызын эмнегедир атасы “Баку” дечү. Апасынын аты менен чакырчу. Атасы ушу сөздү ушунчалык сүйүү менен айтар эле. Аяна апасына окшош болчу. Моюну узун, көздөрү ботодой жайнап, ак жуумал тартып апасындай сулуу эле. Бирок апасындай жеңил ойлуу эмес болчу. Акыл калчаган, максаттуу, токтоо, атасындай мээримдүү эле. Табияттын табышмагын кара, өң-келбети апасынын көчүрмөсү болгон кыздын ички дүйнөсү атасына окшош болчу. Бирок эл сыртына карап көбүрөөк эсептешет эмеспи.

– Чырайлуу апасын тартып, бул да бир күнү көрүнгөндү ээрчип кетет да.

– Аликжандын шорун курутуп бул кыз 18ге чыкпай төрөйт.

– Азыртадан жигиттер ошонун караанын тиктеп отурушат.

Аркасынан көп сөздөр айтылды. Ансайын Аянанын узун моюну койкоюп, башын бийик көтөрүп өтчү. Эч кимдин сөзүн укпагандай, билбегендей сезилчү. Бирок эч ким, атүгүл атасы да элдин сөзү кыздын жан дүйнөсүнө залал келтирип жатканын билишкен эмес. Эл Аянаны көрчү эмес. Анын сулуулугунан бир гана апасынын кемчилигин, акылсыздыгын, шайкелеңдигин көрүшчү.

– Ата...

– Ии, кызым.

– Мени Баку деп айтпачы. Мен Аянамын.

– Макул. Баса, Баку, эртең базарга барып майда-чүйдө алып келели.

Азыр айтканын кайра унутуп, атасы аны аялынын аты менен чакыра берер эле. Бүтүрүү кечеси болгон күнү гана атасы аны өз атынан айтты. Ошол күнү атасы кызын суктанган көз караш менен карады.

– Аяна, сен бойго жеттиң, кызым. Сен төрөлгөндө алаканыма араң батчусуң. Эми мектепти бүтүрүп...

– Ата, сен мени Аяна дедиң,- деди сүйүнүчтөн көздөрү жайнаган кыз.

– Ии, сен Аянасың да.

– Эмнеге мени тигинин аты менен атайсың?..- кызы апам дегиси да келбеди.

– Мени кечир, карып калдым. Ичимдик да көп ичип жатам, бирок тынчмын, ээ? Ишимди кылып коюп, эч кимге зыяным жок эле ичип жатам да, туурабы? Анан мен апаңды эч унута албай койдум. Канча жыл өттү. Мен анын кыянаттыгын эч унута албай... А сен апаңа аябай окшошсуң. Кирип келе жатсаң Баку деп айтып алам. Балким, айткым келет. Балким, ошол ысымды айтып турсам ал кайтып келер деп... Билбейм, кызым. Мен эң акылсыз ата, алсыз күйөө болдум.

– Жок, сен дүйнөдөгү эң мыкты атасың. Болгону бир аз чарчап калдың. Көп иштеп жатасың. Керели кечке устаканадан чыкпайсың.

– Тыйын табайын деп жатам да, кызым. Сен окууга тапшырасың.

Аяна атасын кучактап алды. Ичинде экөөнүн тең далай сөздөрү калды. Ошол күндү Аяна көп эстечү. Балким, атасы бир жолу ачылып жатканда көп нерсени сурап алса болмок. Апасы ким менен качканын, ким үчүн үй-бүлөсүн курмандыкка чалганын сурай албады. Андан кийин экөөндө жай отуруп сүйлөшкөнгө убакыт болбоду...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24248;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: