Архив
897   898   899   900   901   902   903   904   905   906   907   908   909   910   911   912   913   914   915   916   917  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«ЗААРАМ ТАМЧЫЛАП ЧЫГА БЕРЕТ». Уролог кеңеш берет

№916 25-июнь-1-июль, 2020-ж.


Кыргызда "ооруну жашырсаң өлүм ашкере кылат" дейт. Учурда илдеттин түрү көп. Бул жолу окурмандардан келген суроолорго Бишкектеги Урологиялык борбордун эндовидео-урология бөлүмүнүн башчысы Абдиталып Адиев жооп берет.

«ЭҢКЕЙГЕНДЕ, ОТУРУП-ТУРГАНДА ЗААРАМ ЧЫГЫП КЕТЕТ»

– Жашым 40та. Дааратканага барып заара ушатып келгенден 5-20 мүнөт убакыт өткөндөн кийин заарам тамчылап кетет. Көбүнчө кыймылдаганда, эңкейгенде, түздөнүп отурганда тамчылайт. Простатитпи деп УЗИге текшерилсем таза чыкты. Бул эмне оору болушу мүмкүн?

Өмүрбек, 40 жашта, Ош облусу


– Негизи 40 жаштан баштап эркектерде урук чыктагыч бездин аденомасы (залалсыз шишик) жолуга баштайт. Сыягы, сизде да аталган оору бар окшойт. Урук чыктагыч без аркылуу заара чыгаруучу түтүкчө өтөт. Аденомада урук чыктагыч без чоңоёт да, заара чыгаруучу түтүкчө кысылат. Ошондуктан заара ушатканда заара толук чыкпай калып калат. Анан адам кыймылдаганда тамып кетет. Сиз УЗИни мыкты тартуучу адисти таап, кайра түшүңүз, жалпы жана эркин ПСА (простатспецифический антиген) анализин тапшырууңуз керек. Анализдин жыйынтыгына жараша сизге так диагноз коюлат.

«БАЛАМДЫН ЖЫНЫС МҮЧӨСҮ БАТ-БАТ СЕЗГЕНЕТ»

– Менин балам 2 жарым жашта. Жыныс мүчөсү бат-бат эле кызарып, шишип, учунан ак суюктук агып калат. Марганцовка менен жууп, Левомеколь сүйкөсөк 3-4 күндө жакшы болуп калат. Бул эмнеден жана кантип биротоло калтырсак болот?

Мээрим, 29 жашта, Бишкек шаары

– Мээрим, сиздин баяндооңуз боюнча айтсак, балаңыз баланопостит оорусуна чалдыгат. Баланопостит 3-5 жаштагы эркек балдар арасында эң көп жолукчу дарт. Аталган ооруда баланын жыныстык мүчөсү кызарат, шишийт, ириң чыгат, кычышат же ачышат. Бул балдардын жаш өзгөчөлүгүнө жараша болот. Анткени аларда жыныстык мүчөнүн башы өзүн каптап турган териден улам толук ачылбайт. Ушундан улам жыныстык мүчөнүн баш жагында жайгашкан без тарабынан бөлүнүп чыкчу смегма заты теринин алдына топтолуп калат. Ал жерде бактериялар көбөйүп, жыныстык мүчөнү сезгентет. Мындайда ата-энелер сиз айткандай калийдин перманганаты (марганцовка) кошулган суу менен жууп, Левомеколь сыйпаса бир нече күндө дарт жоголот. Бирок канча бир мезгилден кийин кайра кайталанат. Андыктан баланопоститтен биротоло арылтуу үчүн баланы сүннөткө отургузуу керек. Ошондо жыныстык мүчөнүн башы ачылып, смегма топтолбой калат.

«ТАБАРСЫКТЫН МОЮНЧАСЫНЫН ЛЕЙКОПЛАКИЯ ООРУСУН КАНТИП АЙЫКТЫРАТ?»

– Мага жакында эле "табарсыктын моюнчасынын лейкоплакиясы" деген диагноз коюшту. Врачтар биопсия жасап, анан лейкоплакияны күйгүзүп жок кылууга болот дешти. Башка дарылап айыктыруу жолдору жокпу? Аталган оору эмнеден келип чыгат?

Зуура, 44 жашта, Жалал-Абад облусу

– Лейкоплакия – чанда кездешчү, өнөкөт цистит оорусуна окшош оору. Дартка жыныстык жактан жугуучу оорулар, мисалы, хламидия, учук вирусу, гонококк, булардан тышкары ичеги таякчалары, стрептококк жана башка оору козгогучтар жеткирет. Дарттын стадиясына жараша дарылоо ыкмасы жүргүзүлөт. Алардын ичине дары-дармек менен айыктыруу, лазер менен күйгүзүү, операция жасоо кирет. Дарылоочу врач анализдердин жыйынтыгына карап, ыкмалардын бирин тандайт.

«УРУК КАЛТАМДА КИСТА БАР»

– Урук калтамда киста бар экени 2 ай мурун билинди. Балдар менен мушташа кеткенде жука чурайга сокку алып калгам. Киста ары-бери жыла бергендей сезилет. Аны операция жасап алышабы?

Мирбек, 26 жашта, Нарын облусу

– Кистанын өлчөмү 1-2 сантиметрден чоң болуп, оорутса, анда операциялык жол менен алынып салынат. Көлөмү кичине болсо, оорутпаса алдыртуу сунушталбайт.

«УРУК КАЛТАМ ООРУЙТ»

– Урук калтам дайыма ооруйт. Оор жумуш жасаганда оорутуу күчөйт. Текшерилип УЗИге тартылсам урук бездери жайында экен. Урук чыктагыч безде фиброз табылды. Бул эмнеден келип чыгат жана кантип дарылап айыктырууга болот?

Эмил, 24 жашта, Бишкек шаары

– Фиброз – бул урук чыктагыч бездин өнөкөт сезгенүүдөн (простатит) улам анын тутумдаштыргыч ткандарынын калыңдашы.

Мындай болгондо урук чыктагыч бездин иштөөсү бузулат. Бөйрөктө да өзгөрүүлөр башталат. Оорутуу жыныстык мүчөгө, урук калтага, жамбашка, ал тургай түз ичегиге да берилет. Сиз урологго текшерилип, анализдерди тапшырып, УЗИ текшерүүдөн өтүүңүз керек. Анализдердин жыйынтыгына карап дарылоо ыкмасы тандалат.

«БИР БӨЙРӨГҮ ЖОКТОР КАН БАСЫМ ООРУСУ МЕНЕН ЭРТЕ ООРУЙБУ?»

– Апамдын бир бөйрөгү тубаса жок. Азыр жашы 59да. Кан басымы бат-бат көтөрүлөт, бул ооруга чалдыкканына көп жыл болду. Биздин угушубузча, бир бөйрөгү жоктор кан басым оорусуна эрте чалдыгышат экен. Ушул сөздүн чындыгы барбы? Бөйрөгүн ооруга чалдыктырбоо үчүн эмне чараларды көрсөк болот?

Айзуура, 32 жашта, Токмок шаары

– Тубаса бир бөйрөк менен төрөлгөндөр көп эле. Жалгыз бөйрөктүн кесепетинен кан басым көтөрүлөт деп айтууга болбойт. Башка себептерден улам да кан басым көтөрүлөт. Андыктан себебин тактоо үчүн бөйрөктү УЗИден, бөйрөктүн кан тамырларын ультра үндүк допплерографиядан (ультразвуковая допплерография сосудов почек) өткөрүү керек.

Жалгыз бөйрөктү оорулардан сактоо үчүн суукка чалдыкпай, ачуу тамак-ашты жебей, спирттик ичимдиктерден баш тартып, оор жумуштарды жасабай, сергек жашоо образын карманып, туура тамактануу зарыл. Бөйрөк ооруганда учурунда дарыгерге текшерилип, дарылануу керек.

«ЧОҢ ЭНЕМ 5 КҮНДӨН БЕРИ ЗААРА УШАТА АЛБАЙ КАЛДЫ»

– Чоң энем 78 жашта. 5 күндөн бери заара ушата албай калды. Денеси шишип кетти. Бөйрөгү иштебей калышы мүмкүнбү? Кайсы врачка көрсөтүү керек?

Шамил, 35 жашта, Бишкек шаары

– Эгер табарсык же жатын ылдый түшүп кеткен болсо, табарсыктан заара чыкпай калышы мүмкүн. Заара чыгаруучу түтүкчө кысылат да, заара чыкпай калат.

Эгер шишип кетип жатса, анда урологго көрсөтсө, ал катетер койдуруп берет. Катетер койгондо табарсыкта заара бар же жок экендиги айкын болот. Заара бар болсо катетерди алдырбай дарылоону баштоо керек. Жыйынтыгында жакшы болуп калат. Кокус жатын же табарсык ылдый түшүп кеткени аныкталса, операция ыкмасы сунушталат.

Окурман, сизде ар кайсы тармактагы адиске болгон суроолор барбы? Анда биздин «Адистин кеңеши» рубрикабыз кызматыңызда. Сиздин тынчыңызды алган же жооп таба албай жаткан суроолорго тажрыйбалуу адистер жооп беришет. Суроолорду densooluk@super.kg электрондук дарегине кат аркылуу жибериңиз.

Канымжан Усупбекова
densooluk@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -3 
Комментарийлер(3)
29.06.2020. 09:52 
Тайпасы:
Жаран
Комментарийлердин саны:
66
Катталган:
14-01-2015
Соӊку аракети:
06-07-2020 10:11
Жынысы:
Белгисиз
+1
Иии кантип 5 кундон бери журот.
29.06.2020. 10:07 
Тайпасы:
Жаран
Комментарийлердин саны:
133
Катталган:
20-09-2019
Соӊку аракети:
12-07-2020 10:05
Жынысы:
Белгисиз
0
Мурда жума сацын чыкчыле
01.07.2020. 22:48 
Тайпасы:
Жаран
Комментарийлердин саны:
25
Катталган:
19-03-2020
Соӊку аракети:
12-07-2020 12:11
Жынысы:
Белгисиз
0
Жакшы жооптор бар экен. Анан да 78 жаштагы энеге боорум ооруду. 5 кундон бери эмне кылып отурушту болду экен, больницага алып барбай?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24125;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: