Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СЕНДЕН КИЙИН... (Эки аялдын таң калычтуу тагдырын баяндаган сериал)

№916 25-июнь-1-июль, 2020-ж.


(Башы өткөн сандарда)

Бул окуя кантип болуп кеткенин кийин Искендер өзү деле түшүнбөй калды. Айтурган ошол учурда Москвага бир айга окуусу үчүн кеткен эле. Балким, бул да себепчи болду. Иши кылып бир караса Аянанын кучагында жатыптыр. Капкара чачтары жаздыкка төгүлүп, ууртунда күлкү ойноп уктап жаткан экен. “Эмне кылдым мен? Сенин убалыңа калдым. Сага үмүт бергенге акым бар беле? Мындай акмактык кылган болбойт да!” Эркек канчалык өзүн-өзү жекиргени менен, бир даам татып алган кумардан өзүн алыстата алмакпы? Искендер да анте албады. Акырын туруп кийине баштады. Анын дабышынан Аяна ойгонуп кетти. Эмнегедир бактылуу жылмайды.

– Искен байке-е, кетип жатасызбы?

– Ооба, бул жерге ачкыч койдум. Менин мурунку бир бөлмөлүү батирим. Азыр бош. Ал жерге эч ким барбайт. Сен кечинде ошол жакка кел.

– Макул.

Кыздын жадыраган жүзүнөн бир искеп алып чыгып кетти. Аяна столдун үстүндө турган ачкычты алып жүрөгүнө басты. Демек, ал жүрөгүнүн ачкычын берди. Кандай сонун! Анын машинесинде эле отурган ага ушунчалык бейпилдик тартуулайт, ал эми үйүндө андан да бактылуу болор. Башка эч нерсе тууралуу ойлогусу келген жок. “Кудайым, мен бир аз болсо да бактылуу болгонго акым бардыр. Көп эмес, бир аз эле убакыт. Мен мындан башка эркек менен эч бир заман бактылуу боло албайм, уруксат бер, бир аз гана бактылуу болуп алайын”.

Сыртка чыкса күн башкача сулуу, аалам башкача көрктөнүп тургандай сезилди.

– Асман көпкөк тура, аба таптаза тура, жашоо керемет экен. Мен муну буга чейин эмнеге сезбегем?..

Ошол күндөрдүн ар бири Аянанын эсинде. Ошол кыштын кары да керемет эле, дайыма кышы бою үшүй берген жаны ошол жылы үшүбөй чыкканы эсинде. Таң атканда уктап жаткан Искендерди караган адаты бар эле. Жүзүндөгү ар бир сызыкты, мурдун, эрдин, каштарын, кирпиктерин карегине катып алчудай узакка тигилчү.

– Караба мени,- деди бир күнү Искендер көзүн ачпай жатып.

– Мен сени унутуп калбашым үчүн көпкө карап жатам.

– Унут мени!- деди да, жуурканды силке туруп кетти. Эртең менен чай ичип жатканда Искендер акырын кеп баштады.

– Кичинекей, сен мени унутушуң керек. Өзүң теңдүү жигитке жолугуп, бала-чакалуу болушуң керек. Сен акылдуу жансың, мен сага эч нерсе убада берген эмесмин, бере да албайм. Менин колу-бутум байлануу экенин да жакшы билесиң.

– Билем.

– Сен экөөбүздүн ортобуздагы нерсе... Мындай болбошу керек эле, мен алсыздык кылдым. Мен сага эч нерсе бере албайм.

Кыздын кичине алакандары оозуна жабыша түштү.

– Мен баарын билем. Эч нерсе каалабайм. Болгону аз убакыт бактылуу болоюн. Убагы келгенде коё берем, сөз берем. Ыйлабайм, кыйнабайм, жолуңдан туура чыга калбайм. Жашооңдо таптакыр болбогондой жок болуп кетем. Сен да мени издебе. Бирок азыр эмес. Убактыбыз бар. Мындай жагымсыз сөздөрдү сүйлөшпөйлү.

– Сен мен берген таблеткаларды ичип жатасыңбы?

– Ооба. Коркпо, боюмда болбойт.

– Макул анда, кечинде көрүшөбүз.

– Макул.

Эшик жабылып чыгып кеткенде кыз текчедеги дарыларды алды да, таштанды салган челекке ыргытты. Күнү кечке жумушта жүрүшөт, чогуу азык-түлүк алып келип Аяна тамак жасайт. Курсак тойгузуп алып кино көрүшөт же узакка сүйлөшүшөт. Мындай кумарлуу, махабаттуу убакыт аз инсандын башына келер. Ошон үчүн таттуудур, ошон үчүн кыскадыр. Айтурган “Бишкекке учуп бара жатам” деп СМС жазганда Искендердин жүрөгү болк этти. Уулу менен Айтурган келе жатат. Азыр бирөө барып Айтурганга айтып койчудай алдастай түштү.

Кирип келип эшикте шалдайып туруп калды.

– Тамак даяр, кийимиңди чечпейсиңби?- деди Аяна моюнуна асыла.

– Жок, мен азыр кетем.

– Кайда?

– Үйгө. Менин үйүм бар экенин, үй-бүлөм бар экенин унутуп калдыңбы?- деди Искендер кыжырдана. Аяна көздөрүн бакырайта отуруп калды. Көзүнүн кыйыгына жаштар толо калды эле, аны чечкиндүү сүртө салды. “Ыйлабайм, коё берем дегем, ыйласам да азыр эмес” деди ичинен. Шалдайып бири-бирин карап туруп калышты.

– Мен кетейин.

– Тамак ич, учак качан конот экен?

– Таңкы саат 5те.

– Убактың бар экен го, тамак ич.

Күндөп-түндөп сүйлөшкөн сөздөрүнүн баары бүтүп калгансып үн катпай тамак ичишти.

– Аяна, мен...

– Убара болбо, эч качан көрүнбөйм сага. Бул тууралуу эч ким билбейт. Бул менин сүйүүм, менин күнөөм. Мен сени ушу жолго алып келдим. Өзүңдү жебе. Мурункудай жашооңду улант.

– Сенчи?

– Менби? Билбейм, башка жакка кетем. Мисалы, Москвага. Ал жакта атамдын туугандары бар. Дипломумду ушул жылы алам, өз кесибим менен жумуш тапканга аракет кылам. Билимимди тереңдетем. Косметолог врачтар ал жакта көчөдө калбайт дешет. Мага башыңды оорутпа.

– Салиманы эмне кыласың?

– Аны да алып кетем. Албетте, сөзүмдү укса,- деди ал жаш аралаш күлүмсүрөп. Канчалык өзүн кайраттуу кармабасын, эриндери титиреп кетип жатты. Искендер чыдабай кетти.

– Мынчалык күчтүү болуштун кереги жок, кичинекей. Ыйла, сөк, теп, ыргыта чап мени. Мен көтөрөм. Ичиңде кандай бороон-чапкын болуп жатканын билем...

Кыз кучактай калды. Искендер айткан нерсенин эч бирин жасаган жок, жөн эле бекем кучактады. Кыздын денеси титиреп турганын билет Искендер, андан кийинкиси анда-санда гана эсинде. Жүзүнөн, көзүнөн, ачык турган жакасынан жанталаша өпкүлөй берди.

ххх

Аяна эртең менен ойгонуп, керебеттин бир тарабы бош экенин көрдү. Эбак муздап калыптыр. Кетиптир! Керебет эле эмес, жан дүйнөсүнүн бир бурчу үшүп, бош калгандай сезди. Туруп кийимдерин жыйнады да, ачкычты экөө билген жерге коюп басып кетти. Бул ачкыч ага убактылуу берилген эле. Искендердин жүрөгү да убактылуу болчу. Баары бүттү! Кар жамынган шаар кайрадан суук болчу.

ххх

– Сен эмне башкача болуп баратасың, эже?- деди шектенген сиңдиси бир күнү.

– Эмне болуп жатам?

– Жүдөп калгандайсың, жумушуңду да таштадың, бизге бирөө акча берчүдөй болуп...

– Дипломдук ишимди жазышым керек. Убакыт тартыш болуп жатат. Менде бир аз тыйын бар, коркпо.

– Эч нерсе жазбай эле, жааган карды тиктеп отурасың го.

– Салима!

– Эк, макул, эмне кылсаң ошо кыл. Бирок мен бир ишти изилдеп жүрөм. Жакында бомба кабар айтам сага.

– Дагы эмнени баштадың?

– Эже...

– Угуп тур, болду, жетет сеники. Канча күндөн бери кайда жүргөнүңдү билбейт деп жатасыңбы!? Же сабагыңа тың барбайсың. Сен келечегиңди кантип курганы жатасың?

– Эрге тием.

– Эмне-е?

– Макул, күйөөгө тием. Албетте, сенчелик сулуу эмесмин, бирок мени да карагандар бар. Бирок кеп азыр анда эмес.

– Эмнеде?

– Мен бир айдан бери апамды издеп жүрөм.

– Эмне-е?

– Сен курбуң жалгыз болуп, чогуу жашайм деп кеттиң го? Ошол убакытта мен экөөбүздүн апабызды издей баштадым. Буюрса, аз калды, табам.

Аянанын төбө чачы тик турду. Өмүрүндө жек көргөн адамы апасы болсо керек. Атасын бул абалга алып келген, балалыгын уурдаган бул аялды издемек турсун, атын уккусу келчү эмес. Оозун ачып туруп калды.

– Эже, ал экөөбүздү төрөгөнү чынбы, чын. Сени төрөгөн адамды алыстан болсо да бир карап койгонго эмнеге болбосун? Мен жөн эле аны көргүм келет. Апам (баккан апасын айтып жатат) мени ар дайым кечиримдүү болуш керек деп үйрөткөн. Мен сендей эмесмин. Кекчил, өзүмчүл эмесмин.

– Жап жаагыңды!

Аяна тура калып Салиманы жакка чаап жиберди.

– Мен өзүмчүл бекенмин, ыя?

Сиңдисинин жаш толгон каректерин көрдү да, эмне дээрин билбей артка кетенчиктей берди. Салима сыртка атып чыгып, эшикти тарс жапты...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -4 
Комментарийлер(2)
29.06.2020. 13:12 
Тайпасы:
Жаран
Комментарийлердин саны:
28
Катталган:
26-08-2019
Соӊку аракети:
07-08-2020 01:18
Жынысы:
Белгисиз
0
Бир жума
03.07.2020. 17:28 
Тайпасы:
Жаран
Комментарийлердин саны:
5
Катталган:
31-03-2016
Соӊку аракети:
06-08-2020 22:20
Жынысы:
Белгисиз
+1
Жомок да бироо ойунан чыгарып жазып койо берет, дагы бир жума кутуп окуганга татыбайт
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24248;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: