Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СЕНДЕН КИЙИН... (Эки аялдын таң калычтуу тагдырын баяндаган сериал)

№917 2-8-июль 2020-жыл


(Башы өткөн сандарда)

Аяна үчүн ушул жаз оор болду. Кандай кылса да Искендердин элесин көз алдынан кетире албай койду. Кудум аба жетпей жаткандай сезилчү болду. Жок дегенде машинасын көргөнгө зар. Канчалык оор болсо да, бир секунд дагы аны күнөөлөгөн жок. “Мен сүйдүм, артынан ээрчидим. Азыр жазасын тартып жатам. Бир аз убакыт өтсө жеңилдеп калармын. Аяна, сен бир аз күчтүү бол. Аркасынан ээрчип, издеп кетпе. Жакында бүтүшү керек”. Өзүнө өзү ушул сөздөрдү айтып жатты. Бирок жашоо сюрприздерге бай эмеспи. Ал кош бойлуу болуп калганын кийин билди.

– Сен көп тамак ичип калдың,- деди сиңдиси бир күнү таң кала.

– Жок, ай, андай деле эмес.

– Эже, сен бир текшерилип көрсөң кантет?- деди сиңдиси ого бетер тынчсыздана.

– Эмне деп жатасың?

– Билбейм, боюңда болушу мүмкүнбү?

Аяна какап кетти. Сиңдиси, болгондо да мектеп окуучусу муну айтат деп эч күткөн эмес эле. Эмне дээрин билбей отуруп калды.

– Эже, мен билем. Искендер байке экөөңөрдүн ортоңордо болгон нерсени билем. Кичинекей кыз эмесмин го. Сен ошондон бери өзүңө келе албай жүрөсүң. Балким...

– Дөөрүбөчү...

– Чын айтам, эже.

Аяна жалгыз калды. Бөлмөнүн ичинде ары басат, бери басат, ичин кармалайт. Мүмкүнбү? Боюнда болушу мүмкүнбү? Чекеси тердеп кетти. Шарт кийине калып дарыканага барды да, тест сатып келди. Эки бутун кучактап күтүп отурду. Эки-үч мүнөт ага кылымдай сезилди. Бир аздан кийин эки кызыл сызык сызылып чыга келди. Мына сага! Ичин кучактаган боюнча дендароо боло түштү. Жүзү албырып чыкты. Ыйлаарын же кубанарын билбей, бир топко отурду. Искендердин баласы! Искендерди өздүк кыла албаса да, баласы аныкы болот. Бирок кантип? Ушул бир бөлмөлүү батирде аны кантип чоңойтот? Эртең эл “баланын атасы ким?” деп сурайт. Ага эмне деген жооп айтат? Деги эле жалгыз бой баланы тарбиялап чоңойто алабы? Коркунуч каптап кетти. Ойлору ала сала бирин-бири кубалап жөнөдү. Мындайда ээ болуп көр. Акыл айткан да жанында адамы жок эле. Бул дүйнөдө Салимадан башка эч кимиси жок болчу.

ххх

Салима көк бет болчу. Изилдеп, сураштырып отуруп акыры энесинин дарегин тапты. Коркуп эки жагын карап алды да, шалдыраган дарбазаны түрттү. Ар жерде таштанды жаткан узун бир үй болчу. Четтен бирөө чыкты эле, ага үн катты.

– Байке, ушу жерде Бактыгүл деген аял жашайбы?

– Бактыгүлдөр толтура, кайсынысын сурап жатасың?- деп тиги бурк этти.

– Өмүралиева Бактыгүл. Мына бул сүрөттөгү аял.

Колундагы сүрөт апасынын жаш кези болчу. Сүрөттөгү бейкапар күлүп турган сулуу аялды карап тиги баш чайкады.

– Билбейм, мындай аялды көргөн эмесмин.

– Бирок ушу жерде жашайт дешти.

Тиги киши ийинин куушуруп кирип кетти. Ал жолу тапкан жок.

ххх

Аяна ооруканага келди.

– Сен бала ушунча чоңойгончо каякта жүрдүң?

– Билген эмесмин, эже, эптеп бир нерсе кылып...

– Аяна, сен жашсың. Балага төрт ай болуп калыптыр. Алдырып салсаң, экинчи балалуу болбой калышың мүмкүн.

– Эже, айлам жок,- деди ал эрдин бек кымтып.

– Издесең бир жол табылат. Өмүр бою өкүнүп калгыча азыр ойлон.

– Мен ойлондум, эже, башка айлам жок. Салиманы бутуна тургузушум керек.

– Баланын атасы ким деп сурабай эле коёюнбу?

– Ооба.

– Жылчык жокпу?

– Жок.

– Макул, эртең менен кел, анализ тапшырасың.

Аяна ордунан араң туруп бөлмөдөн чыгып кетти. Эртең баары бүтөт. Жаңы турмушту баштайт. Москвага кетет. Салима окуусун бүтсө эле кетет. Бул жерде эмне болгонун, Искендер деген адамды, ага болгон сүйүүсүн унутат. Баарын унутат. Бир аз убакыт калды.

Үйгө келсе Салима телефон чукулап отурган экен. Маанайы жоктой.

– Сага эмне болду?

– Эч нерсе.

– Бери карачы, ыйлаптырсың го?

– Апабызды издедим. Тапкан жокмун.

– Кайра баштадыңбы?

– Сен эч нерсени түшүнбөйсүң. Ал мага керек. Кандай абалда болсо да керек. Сен... Сен сагынган жоксуңбу? Мен сагындым, өз апамды сагындым. Жүрөгүм жарылып кетчүдөй сагындым. Аны көргүм келет. Сүйлөшкүм келет, кандай адам болду экен деп түнү менен ойлонуп чыгам. Сенде эч кандай сезим жокпу?

– Билбейм, Салимаш. Мен деле сагынсам керек. Ал мага азыр аябай керек. Мен андан бир эле суроомо жооп алгым келет. Мен сагынсам керек, бирок мен...

Аяна андан ары улай албады. Ичиндеги дартты мындан ары жапканга да, токтотконго да болбоду. Ыйлап жиберди. Экөө кучакташып ыйлап жатышты. Түн бир оокумда туруп сиңдисинин жаштуу көздөрүн өптү. “Мен да бул жарыкка биздей болуп атага зар болгон бала алып келишим керекпи? Өмүр бою өксүк болушуна уруксат беришим керекпи?” деди ичинен.

Эртең менен кайрадан ооруканага жөнөдү. УЗИден текшерип жаткан врачтын өңү өзгөрүлө түштү. Көпкө карады. Улам өлчөп, ичинен сүйлөнүп жатты. Текшерүү бүткөндөн кийин столуна отурду да, Аянанын алдына кагазды койду.

– Кара, жакшылап кара. Дени сак, эгиз эркек баланын өмүрүн кыйганы жатасың. Канчалаган аялдар өмүр бою эңсеп, жетпей жүргөн наристелерди сен өз колуң менен өлтүргөнү жатасың.

– Э-эгизби?

– Эгиз экен.

Сүрөттө эки чекит. Аяна тиктеп турду. Сүрөттүн бир касиети бар сыяктуу, эч көзүн албай тиктеп отура берди. Эркек, эки уул!

– Менин сага кеңешим. 15 жылдан бери бир аял мага келип жүрөт. ЭКО да кылып көрдү, болбоду. Кудайга ыраазы болуп эле алып алышат. Колунда бар, күйөөсү экөө тең жакшы немелер. Эч болбосо ошолорго бер. Убал болот. Каалаган суммаңды беришет.

– Жок! Мен төрөйм. Дүйнө терс айланып кетсе да мен бул балдарды төрөйм,- деди көзүндөгү жашын аарчыган кыз.

– Мына, азаматсың! Башында бир аз кыйын болот. Бирок аялдар кыйын келебиз. Эки балага эки эсе күчтүү болуп чыга келебиз. Коркпо, баары жакшы болот. Мен сендей жаш кезде акылсыздык кылдым. Өмүр бою балага зар болдум. Кийин мага рахмат айтасың. Азыр болсо үйүңө бар. Жакшылап укта. Өзүңдү кара, витаминдерди ал.

– Рахмат, эже.

– Рахматыңды кийин айтасың. Болду эми, ыйлаба.

Аяна сыртка чыкты. Жаздын илеби мурдуна ура берди. Жаштуу көздөрү менен асманга тигилди. Чаңкайып көпкөк. Жашагың келет. Эсине Искендер келди. “Сен күчтүүсүң. Анчалык күчтүү болуштун кереги жок”, “Мени унут, кичинекей”, “Сенин жолуң ачык болот, сен болгону ишен”. Дагы далай сөздөрдү айткан. Кызык, эгерде азыр эгиз уулдуу болорун билсе эмне демек? Сүйүнмөк беле, же?

Аяна чечкиндүү башын чулгуп алды. Ал бир сөз айтты. Жолуна тоскоол болбойм деди. Демек, сөзүнө турушу керек.

ххх

Аяна ошол күндөн баштап жан талаша жашоо үчүн күрөшө баштады. Ичи чоңойгончо салондордо иштеп жүрдү. Кийин ар кимдин үйүнө барып кызмат кылчу. Ичи чоңойгон сайын кардарлары көбөйүп, аты тааныла баштады. Ансайын эмгектенди. Ансайын окуп, ийне-жибине чейин анализдеп, тез эле мыкты косметологдордун катарына кирди. Кошумча кардарларды боёп да акча тапчу. Бир жолу чакыруу боюнча барып калды. Мурун барып жүргөн эле кардары эле, бирок ал Искендердин аялынын курбусу экени такыр оюна келген эмес. Эшикти ачып эле чакчайып токтоп калды. Алдында сүрөттөн көп жолу көргөн Искендердин аялы турган эле. Теңселе түштү...

Курган аял эч нерсени түшүнгөн жок. Көздөрү бакырайган жапжаш кыз ага эмнеге бакырая тигилгенин, ичин эрксизден колдору менен калкалай калганын сезбеди. Жөн эле кадимки аялзаты катары анын жаштыгына, сулуулугуна суктанып турду.

– Канча ай болуп калды?-деди ал кызыга.

– Жакында...

Кыз тез-тезден ишин бүтүрүп чыгып кеткенге далалат кылып жатты. Аңгыча Айтургандын телефону шыңгырап калды.

– Искендер, мен Айнураныкында отурам. Кааласаң бул жакка келип ала кет. Иштериң көп болсо жөн эле кой, өзүм барам. Макул, жаным,-деп сүйлөшүп бүтүп курбусун карады.

–Искендер чарчаптыр, үйгө бара бер дедим.

– Биздикине келип кетсе болмок.

Аянанын көздөрү бакырая түштү. Мурдуна жетип турган курсагы менен анын көзүнө көрүнүшү эле калды эле. Ого бетер тез-тезден кыймылдай баштады. Ошол убакыттын созулганы, ай. Ишин бүтүп сыртка чыккан Аяна жеңил дем алды. Ичин сылап алды.

– Атаңар жок. Мени кечиргиле, балдарым, мен силер тууралуу ага айта албайм. Биз атаңарсыз жаңы жашоо баштайбыз. Бул жерден алыста жаңы жашоо баштайбыз. Баары жакшы болот...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -3 
Комментарийлер(3)
06.07.2020. 12:19 
Тайпасы:
Жаран
Комментарийлердин саны:
26
Катталган:
18-04-2020
Соӊку аракети:
04-08-2020 19:50
Жынысы:
Белгисиз
-1
Мынча ааз кооп коптон эле жазгылачы ОЗУ Бир аптада Бир эле чыгатго
09.07.2020. 13:13 
Тайпасы:
Жаран
Комментарийлердин саны:
32
Катталган:
16-12-2013
Соӊку аракети:
06-08-2020 19:32
Жынысы:
Белгисиз
0
Мурункуларын кантип тапса болот
09.07.2020. 14:00 
Тайпасы:
Супермодератор
Комментарийлердин саны:
6164
Катталган:
05-09-2011
Соӊку аракети:
07-08-2020 00:09
Жынысы:
Белгисиз
Калаасы:
SUPER.KG
0
Araika,Супер инфо-жан дүйнө рубрикасынан таба аласыз
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24248;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: