Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Айжан Байжиева, актриса: «БОЛОТ ШАМШИЕВ МАГА АРНАП ЧЫГАРМА ЖАЗУУНУ КЫЯЛДАНГАН ЭКЕН»

№917 2-8-июль 2020-жыл


Айжан Байжиева белгилүү жазуучу, драматург Мар Байжиев менен Кыргыз Республикасынын Эмгек сиңирген артисти Шайгүл Алсеитованын эрке кызы. Эки атактуу инсандын таланттуу кызы ата-энеси, өзүнүн чыгармачылыгы тууралуу айтып берди. Каарманыма сыртынан көрүп көпчүлүк «стерва» деп баа беришет экен. Маектешип отуруп анын жөнөкөй, назик кыз экенине ынандым.

Туулган жылы – 1988-жыл, 12-май

Туулган жери – Бишкек шаары

Билими – Кыргыз улуттук университетинин филология факультетин аяктаган

Тартылган тасмалары – «Умей любить», «Чыңгызхандын ак булуту», «Ракета», «Эфир» жана башкалар

– Саламатсызбы? Карантин учурунда үйдө отургандар жакшы билсе керек, «Ракета» тасмасы улам теледен көрсөтүлүп жатты. Ушул тасмага кантип тартылып калганыңызды айтып берсеңиз...

– Салам! Тасманын режиссёру, сценаристтери Элдар Турдумамбетов менен Эркин Эгембердиев бул ролго көпкө чейин актриса издешиптир. Анан бир сайттан менин сүрөтүмдү көрүп калышып чакырышкан. Мени менен сүйлөшүп, бир айдан кийин тартуу башталарын айтышты. Тасманын сценарийи, анда терс каармандын ролун аткарарым жакты. Бирок көпкө чалышкан жок. «Башка актриса таап алышты го» деп ойлоп, узун чачымды кыркып салдым. Алар «чачыңа тийбе» дешкен эле. Бир айдан кийин чакырып калышты. Барсам «чачың кана?» деп аябай урушушту. Акыры кыска чачым менен тартылууга туура келди.

– Аккан арыктан суу агары бышык. Сиз да башка кесиптин ээси болгонуңузга карабай чыгармачылыктын дүйнөсүнө келип калыптырсыз...

– Ооба. Мен кичинемден эле театрда, гастролдордо жүрүп чоңойдум, апам ээрчитип алчу. Чыгармачылык көп көңүл бурууну талап кылат. Ата-энем үй-бүлөгө да, жумушуна да көңүл буруш керек болуп аябай чарчашчу. Аларды көрүп «бул оор иш турбайбы. Эч качан бул чөйрөгө барбаш керек» деп ойлончумун. Бирок жан дүйнөңө сиңип калат экен. Айланып келип мен да актрисалыкты тандап алдым. Мен «жылдыз болоюн, эл мени таанысын» деп тартылбайм. Мага камера алдында иштеген жагат. Ошол учурда көйгөйлөрүң унутулуп, ролго жуурулушуп, башка адам болуп калган жагат. Тасмага тартыла бергеним менен, сахнадан корком. Сахнанын сүрү күчтүү. Аябай чоң жоопкерчиликти талап кылат. Кинодо катаңды оңдоп, кайра тартылсаң болот. Сахнадан ката кетирбешиң керек.

– Ошондо театрда да ойногонду каалайт экенсиз да?

– Ушунчалык коркконум үчүн каалабайм. Театрда деле жөн эле жүргөндөр көп. Бирок чыныгы актёрлорду көрүп суктанам. Ролду ишендирип ойнош керек. Жаман адамдын ролун ойноп жатсаң, көрүүчү сени жек көрүп калгандай, жакшы кишинин ролун аткарсаң, көрүүчү сени сүйүп калгандай ойнош керек. Кичинемде апамды «Махабат жана өлүм» деген спектаклиндеги ролу үчүн жаман көрүп калчумун. Бул илгерки, хандар бир канча аял алган заманды чагылдырган спектакль. Апам хандын экинчи аялынын ролун ойноп, анын башка аялдарын ар кандай жол менен өлтүрөт. Бул спектакль экенин, андагы аял менин апам экенин билип турсам да, дайыма ушул спектаклди көргөндөн кийин апамды бир жумадай жек көрүп, «апа, жаныма жолобочу» деп ыйлачумун. Башка чоң кишилер деле спектаклден чыгып баратып «ий, тиги кандай жаман аял, ушундайларды кантип жер көтөрүп жүрөт?» деп сүйлөнүп кетишчү. Театрда ушинтип ролдун майын чыгарып ойнош керек.

– Актрисалык билим алууну ойлондуңуз беле?

– Москвадан актёрдук же режиссёрдук билим алгым келген. Бирок турмушка чыгып, балалуу болуп, бул оюм ишке ашпай калды. Анткен менен менин үйүмдө чоң университет бар да. Атам жазуучу, апам актриса. Чыгармачыл чөйрөдөгүлөр азыр да келип атамдан, апамдан сабак, кеңеш алып турушат. Кастингдерде «жаттап кел, эртең ойноп бересиң» деп текст беришкенде кээде «кандай ойношум керек?» деп апама кайрылам. Апам түндө уктатпай, мени даярдайт. Аягында чарчап, «каяктан сизге көрсөттүм эле?» дейм. Ата-энем ушундай тартипти катуу кармаган, талапты катуу койгон кишилер. Көпчүлүк «ошол адамдардын кызы болгону үчүн тасмаларга тартылып жүрөт» деп ойлошот. Бирок тааныш салып тасмаларга тартылып көрө элекмин. Айрымдар «сен ошол адамдардын кызы белең? Эмнеге айткан жоксуң?» дешет. Айтып эмне кылам? Ар бирибиздин өз жолубуз бар да. Айрым тасмаларга тартылганымды ата-энем телевизордон көрүп билишет. Анан ар бир кыймылыма сын айтып, баа берип турушат.

– Ата-энеңиз сизге кандай тарбия беришти?

– Катуу эркелетишкен жок. Бирок аябай мээрим төгүштү. Кыз киши кандай болушу керек, кандай эне, кандай эже болушу керек экендигин үйрөтүштү. Үйдө апам тартипке катуу, андан коркобуз. Улуу эжем 45ке чыкты. Азыр да «Айжан, апамдын маанайын карап койчу. Азыр чалып, баланча тууралуу айтсам эмне болот?» деп сурайт.

Атам адилеттүү адам. Ким күнөөлүү болсо, ошону жазалаш керек деп ойлойт. Менин мүнөзүм атамдыкына окшош. Атам дайыма «түбүңдү бил. Бирок эч качан көөп кетпе, жөнөкөй бол» дейт. Ата-энем азыркыга чейин «каякка барасың, ким менен барасың?» деп текшере беришет. «Мен эки балалуу болдум го. Дагы эле ушинте бересиңерби?» десем, «65ке чыксаң да ушинтип текшеребиз» дешет.

– Канча бир туугансыз?

– Атамдын да, апамдын да биринчи турмуштарынан 2ден балдары бар. Апамдын биринчи турмушундагы байкем, эжем менен чогуу чоңойдук. Бир туугандар жакшы мамиледебиз.

– Атактуунун кызы болуу сыймык менен катар чоң жоопкерчилик. Ал кайсы учурда көбүрөөк билинет?

– Ушундай адамдардын кызы болуп калганыма күнү-түнү сыймыктанам. Ата-энеме көз тийбесе экен деп тиленем. Бул жоопкерчилик, жаман иш жасамак түгүл, жаман ойлонбошум керек. Туура эмес сүйлөп албашым керек. Ал үчүн атайын аракет кылбайм. Бул сиңип калган тарбия.

– Кыялыңыздагы роль кайсы?

– Улуу режиссёр Болот Шамшиев менен каза болорунан 3-4 ай мурун бир иш-чарадан көрүшүп калып, көпкө чейин сүйлөшүп отурганбыз. Ал «Айжан, мага аябай жагасың. Сендей актриса жок. Өлүп калам го. Өлүп калбасам, атайын сага ылайыктап чыгарма жазам. Сулуу кыздар көп. Бирок сенин көздөрүң башкача. Көзүң менен баарын ачып берсең болот» деген. Ушундай залкар, айрымдар менен учурашпай койгон киши мени жанына отургузуп алып 3-4 саат сүйлөшүп, ушул сөздөрдү айткан эле. Балким, Болот Шамшиевдин мага арналган чыгармасы жаралып калганда ошол образды жаратууну кааламакмын. Ошондо көптөн бери Осмон Империясы тууралуу сериал тартууну кыялданып жүргөнүн, ишке ашып калса, ал сериалга да мени тартарын айткан. Бирок «өлүп калам го. Ага чейин жашабайм го» деген эле. Ал киши ошондо өлүм жакындаганын сезген окшойт.

– Жаткан жери жайлуу болсун. Сиздин ишиңизге ийгилик! Маегиңизге рахмат!

Перизат Музуратбекова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -2 
Комментарийлер(6)
06.07.2020. 13:04 
Тайпасы:
Жаран
Комментарийлердин саны:
25
Катталган:
15-07-2018
Соӊку аракети:
09-07-2020 15:35
Жынысы:
Белгисиз
+4
Чынында аябай сулуу экен. Менин кыздарым да сиздей ийгиликтүү, бактылуу болушса экен оо аллахым
06.07.2020. 16:53 
Тайпасы:
Жаран
Комментарийлердин саны:
1
Катталган:
09-03-2019
Соӊку аракети:
28-07-2020 20:06
Жынысы:
Белгисиз
-3
бул ким ?
06.07.2020. 17:58 
Тайпасы:
Жаран
Комментарийлердин саны:
8
Катталган:
01-01-2017
Соӊку аракети:
01-08-2020 19:48
Жынысы:
Белгисиз
+4
karabet,ким экендиги жөнүндө кенен эле маалымат турат го
08.07.2020. 13:13 
Тайпасы:
Жаран
Комментарийлердин саны:
615
Катталган:
06-03-2012
Соӊку аракети:
07-08-2020 03:12
Жынысы:
Белгисиз
Калаасы:
Эски шаар
0
"Эфир"сериалы мага жакты.Актерлор да жакшы ойногон.Бул актриса белгилуу адамдардын кызы экенин билбеген экем.Бирок таланттуу актриса экен.
09.07.2020. 19:15 
Тайпасы:
Жаран
Комментарийлердин саны:
383
Катталган:
18-09-2018
Соӊку аракети:
06-08-2020 23:14
Жынысы:
Белгисиз
+1
Сендей актриса жок дегени мактаныч болуп кеттиго
10.07.2020. 03:04 
Тайпасы:
Конок
Комментарийлердин саны:
1
Катталган:
26-05-2020
Соӊку аракети:
07-08-2020 03:03
Жынысы:
Белгисиз
0
katerina.li, Болот Шамшиевдин айткан созун айтып жатат мактанбай эле менимче
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24248;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: