Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ААЛАМДЫ ИЗИЛДЕГИСИ КЕЛГЕН ПАК ЧАНЁЛЬ

№917 2-8-июль 2020-жыл


K-pop музыкасынын бүт дүйнөгө таанымал болгон өкүлдөрүнүн катарында «EXO» тобу сыйлуу орунду ээлейт. Топтун 150дөн ашык наам-сыйлыктары бар. 2014-2018-жылдар аралыгында «Түштүк Кореядагы эң таасирдүү артисттер» аталган топтун камбэгин күткөндөр көп. Бирок алар толук курамда эмес, Сюмин, Дио жана Сухо аскердик кызматын өтөп жүрүшөт. Ошентсе да калгандары бири соло ырчы катары, дагы бири дуэт болуп чыгармачылыктын үстүндө эмгектенип жатышат. Бүгүн биз Инстаграм баракчабыздагы окурмандардын суранычы менен «EXO’нун» таланттуу ырчысы Пак Чанёль тууралуу маалымат берүүнү чечтик.

Толук аты-жөнү: Пак Чанёль

Туулган жылы: 1992-жыл, 27-ноябрь

Туулган жери: Түштүк Корея, Сеул шаары

Үй-бүлөдө: 2 бир тууган, эжеси бар

Бою: 185 сантиметр

Лейбл: "SM Entertainment"

Кесиби: ырчы, рэпер, музыкант, продюсер, актёр, модель

Тартылган тасмалары: «Ушинтип антифанатыма үйлөндүм» тасмасы, «Менин кошуналарым «EXO», «Альгамбра жөнүндө эскерүү», «Ханышанын жашыруун жаратуучулары» сериалдары жана башка

ЧЫГАРМАЧЫЛ ҮЙ-БҮЛӨ

Бир үй-бүлөнүн кенжеси болгон Пак Чанёль атасынын кыялын орундаткан уулдардын катарына кирет. Өспүрүм куракта атактуу америкалык кинорежиссёр Ричард Линклейтердин «Рок мектеби» комедиясын көрүп музыкага болгон кызыгуусу ойгонуп, кинодогу каармандай болуп барабанда ойногусу келет. Мектепте өзүнө окшоп жаңыдан музыка дүйнөсүнө кызыгып келе жаткан балдарды чогултуп, «Heavy Noise» рок тобун түзгөн. Топ 3 жыл эмгектенип, кийин окуучулар мектепти аяктаганда тарап кеткен.

Чанёлдун чыгармачылыкка болгон умтулуусун атасы колдоп турган. Анткени өзү жашында музыка менен алектенип баштап, бирок жыйынтыкка жеткиче таштап койгон эле. Андыктан 16 жаштагы уулун актёрдук чеберчилик боюнча билим алсын деп жеке менчик окуу жайга берген.

Атасынын колдоосуна Чанёлдон мурун үйдүн улуусу Пак Юра да ээ болгон. Кыз өз кезегинде диктор болууну тандаган. Кореядагы белгилүү телеканалдарда 2019-жылга чейин дикторлук кызматты аркалаган Пак Юраны өзүнөн 3 жаш кичүү иниси Пак Чанёлго аябай окшоштурушат.

РЭПКЕ АЛЫП КЕЛГЕН РОК

Музыкалык сынактан 2-орунду алгандан кийин 2008-жылы Пак Чанёль "SM Entertainment" агенттигине кабыл алынган. Алгач рок жанрындагы музыка аркылуу чыгармачылыкка кошулган ал стажёр кезинде музыканын ар кайсы багытын угуп, акыры жан дүйнөсү рэпке жакын экенин сезет. 2012-жылы дебют жасаган «EXO» k-pop тарыхына өз изин сала алды. Тарыхка из салуучулардын катарында, албетте, Чанёль да бар.

КӨП КЫРДУУ ТАЛАНТ

Каарманыбыз топтун мүчөсү катары тынч оокатын кыла берсе болмок. Бирок ал бир канча шоулорго катышты. Жалгыз ырдады, ар кайсы ырчылар менен дуэт жаздырды. Топко, башка ырчыларга да ыр жазып келет. Актёрдук чеберчилигин да сынасаңыз болот. Тасмаларга саундтрек да жазат. Эң мыкты саундтректердин топтомун камтыган «Гоблин» сериалындагы «Stay With Me» ырын уксаңыз керек? Ырдын аткаруучулары – атактуу ырчы кыз Punch жана Чанёль.

«EXO’нун» 2019-жылы түзүлгөн «EXO-SC» кичи тобуна кирген Чанёль менен Сехун июль айында күйөрмандарын жаңы музыкалык альбому менен кубантуунун алдында турушат.

ЧАНЁЛДУН ОЙЛОРУНАН

  • «Студент кезимде такыр окугум келчү эмес. Окуунун ордуна көрүнүктүү бир нерсе жасасам деп ойлочумун. Каалаган нерсемди жасап баштаганда түшүндүм, адам өмүр бою окушу керек экен. Аспирантурага тапшырганым да ошондон».
  • «Азыр көпчүлүк менталдык ачарчылык (стресстен улам эмоционалдык чарчоо) абалында жашагандай сезилет. 2-3 жыл мурун көп убактымды компьютердик оюндарга коротчумун. Бирок оюн мага жалгыздыктан башка эч кандай пайда алып келбесин түшүндүм. Анан токтоттум. Азыр оюнга короткон убактымды жакындарым же башка музыканттар менен жолугушууга арнайм».
  • «Бош убактым көп болбойт. «Мындай график менен иштеп кантип чыгарма жазасың? Эргүүнү каяктан аласың?» деп көп сурашат. Бирок чыгармачылык дүйнө сыйкыр нерсе. Студияга киргенден кийин сырткы дүйнө өзүнөн өзү унутулат. Мурда жалаң сүйүү ырларына көңүл бөлчүмүн. Азыр сүйүүдөн башка адамга тиешелүү көптөгөн сезимдер, маселелер бар экенин, аларды музыка аркылуу жеткирсе болорун билем. Келечек жөнүндө ойлоном. Эң жакшысы, ошол ойлоруңду, кыялыңды музыка аркылуу чагылдыра алуу».
  • «Мектепте окуп жүргөндө жыл сайын астрономиялык лагерге барчумун. Мен үчүн жылдыздар дүйнөсү, космос, асман, аалам деген нерселер абдан кызык. Кечкисин кеч уктайм. Анткени башымда мен жообун таба элек суроолор көп. Адам эмне үчүн төрөлгөн? Жашоодогу максаты кандай деген сыяктуу суроолорго жооп издейм. Документалдык тасмаларды көрөм. Адам эркин жашаганда гана бактылуу болоруна ишенем. Бирок ал эркиндикке дээрлик баарыбыз эле жете бербейбиз. Сөзсүз жолдон бир нерсеге байланабыз. Айтор, көпчүлүк баш оорутпаган суроолор мага кызык».
  • «Үн байламтарыма операция жасалып, врачтар «мындан ары ырдай албай калышың мүмкүн» дешти. Мендей сүйлөгөндү жакшы көргөн адам үчүн бир ай сүйлөбөй жүрүү абдан оор эле. Ошондо өзүмө катаал мамиле кылганымды, аябаганымды түшүндүм. Убагы менен эс алышым керек эле, бирок материалдык байлыкты алдыга коюп, ден соолукту артка таштап иштей бериптирмин. Азыр өзүмдү баалаганга аракет кылам».

ЧАНЁЛЬ ТУУРАЛУУ КЫСКАЧА

  • Ата-энеси ишкерлер. Атасы бар иштетсе, апасы италия ашканасынын даамдарын жасаган ресторан иштетет. Ресторанда кызынын жана уулунун сүрөттөрү көп экенин айтышат кардарлар.
  • Чанёль канчалык аракет кылса да бийлеген ага оор экенин, бий кыймылдарын жатташ үчүн көп убакыт короторун айтат.
  • Мектепте «кулагың делдейген» деген сөздөн көп жабыркаганын эскерет.
  • Тамашакөй, адамдар менен бат тил табышкан мүнөзү үчүн аны «бакыттын вирусу» деп аташат.
  • Гитара, бас гитара, фортепиано, барабан, жембе жана башка музыкалык аспаптарда ойногонду билет.

Асыл Орозбекова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -4 
Комментарийлер(1)
07.07.2020. 15:17 
Тайпасы:
Жаран
Комментарийлердин саны:
14
Катталган:
16-09-2013
Соӊку аракети:
24-07-2020 18:06
Жынысы:
Белгисиз
0
EXOнун курамындагы Бэкхён, Дио тууралуу кутом маалымат.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 3 колдонуучу (Катталган: 0, коноктор: 3) бул макаланы окуду:

Макалалардын саны:
24248;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: