Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СЕНДЕН КИЙИН... (Эки аялдын таң калычтуу тагдырын баяндаган сериал)

№918 9-15-июль, 2020-ж.


(Башы өткөн сандарда)

Төрөткана. Эгиз эркек балдар төрөлдү. Жетимиш тамыры зыркырап, өлүм менен беттешип жатканда Аяна бул жашоонун бир акыйкатын түшүндү. Сүйүүдөн да улук нерсе бар экенин билди. Бир жанга өмүр берген учурунда жүрөгүнө тикенектей сайылган Искендер деген дарттан кутулгандай боло түштү. Жок, сүйбөй калуу эмес эле, болгону сүйүүсү мурункудай таштан ташка урунган албуут күч эмес, мелмилдеп аккан сууга айланды. Мурун жан оорусуна айланган Искендер болсо, бул эки уул дартынын дабасы болчу. “Шүгүр, ал мендик боло албаса да, анын уулдары менде. Мен жеңдим” деди өзүнө-өзү.

Төрөтканадан достору жана Салима чыгарып кетти. Уулдарына Адам, Алан деген ысымдарды ыйгарды. Биринин атын өзү койсо, экинчисине сиңдиси койду. Өзүнүн фамилиясын берди. Муну менен өзүнө менчиктегендей сезилди. Тагдырдын тамашасы көп экенин кайдан билсин?

– Эже, ошондо бул балдар өзүнүн атасын билбей чоңоюшабы?- деди Салима капа боло.

– Ооба,- деди Аяна көзүн ала качып.

– Экөөбүздөй энесин өмүрү көрбөгөндөй чоңоюшат. “Балдар ата-энесинин тагдырын кайталайт” деп көп уккам.

– Салима, мага тиги кутуну берип койчу,- деди Аяна кудум укпагандай.

– Эже...

– Эмне кыл дейсиң?

– Бир жолу болушу керек. Балким...

– Балким эмес, Салима, бул балдардын атасы ким экенин бир гана сен билесиң. Эгерде оозуңдан чыга турган болсо, мен сени өмүр бою кечирбейм. Муну бил.

– Бирок...

– Мен эч качан анын турмушун бузбайм. Макул, балдар тууралуу билди дейли. Искендер ошол замат мага чуркап келеби? Келбейт. Андан көрө билбегени жакшы, билип, бир жашоосу экиге бөлүнгөндөн көрө өз жашоосу менен жашаганы жакшы. Демек, тагдырыбыз ушундай.

Тагдыр ушундай. Аяна тагдырды өз колу менен жасамакчы болду. Жасады дагы. Эки баласын чоңойткуча канчалаган азаптарды чеккени бир өзүнө маалым. Ошентсе да ургаачы жолборстой балдарын оозуна тиштеп жүрүп чоңойтту. Көп кыргыздын катарында Москва шаарына мигрант болуп кетип, турук алып калды. Сулуулук салонун ачты, билиминин, аракетинин аркасы менен Орусиянын элиталарына кызмат көрсөттү. Бутуна 5 жыл ичинде туруп кетти. Бизнесин ачып, балдарын да карап, Салимасын да окутту. Бир гана жүрөгү жарты бойдон калды. Кайсы бир бактылуу кышта калып калган бүтүндүктү, бейпилдикти эңсеп жашады. Бир ай. Бактылуу кылган бир ай анын бир өмүрүнө жете тургандай эле. Бул учурда Искендер эмне болду? Искендер бактылуу болчу. Көздөрү сулуу жаш кыздын элеси жаңыдан эскирип, өчүп баштаган эле. Кайда болсо да бактылуу болсун деген тилеги бар болчу. Айтурган экөө кийин балалуу болушкан жок. Ага да кайыл эле. Ал бактылуу болчу. Бир күнү тынчтыгы жоголду.

ххх

Арадан 8 жыл өттү. Жеке клиникасында эмгектенип жатты. Жүрөк ооруларына эң оор операцияны Искендер жасачу. Жашоого үмүтү аз калган бейтаптар ага кайрылышчу. Бирок бир окуядан кийин Искендер жүрөккө операция жасоодон баш тарткан эле. Анын себебин эч ким билчү эмес. Кабинетине бара жаткан Искендерди катчы кыз токтотту.

– Сизге мейман бар.

– Ким экен?

“Таанышымын” деди. Кабинетиңизде.

Эшикти шарт ачып кирип келген Искендер Аянаны көрүп, оозу ачыла түштү. Бир канча мүнөт тиктешип туруп калышты.

– Сен кайдан?- деди Искендер эриндерин араң кыбыратып.

– Салам!- деди Аяна көздөрүн албай. Сагынган экен. Таптакыр унутуп койдум дегенине карабай жүрөгүнүн бир чети алоолонуп баратканын сезди. Буттарынан ал кете түштү. Каректери бир нерсе издегендей тиктей берди. Оңтойсуз абалда бир аз убакыт үнсүз отуруп калышты.

– Турмушка чыктың беле?- деди Искендер эмнегедир. Суроосу олдоксон сезилди. Таң кала тиктеп туруп калган аялдын көздөрүнөн көзүн ала качты.

– Жок. Чыккан жокмун. “Сени ушунча сүйүп туруп, башка бирөөгө аял боло алат белем? Аттиң, мен бирөөгө аял боло албагандай сүйгөнүмдү да сезбепсиң” деген армандуу ой кылт этти.

– Сени бул жакта эмес деп ойлодум эле. “Кайрадан жанымды көзүмө көрсөтүп эмнеге келди? Ушунча жылдан кийин эмнеге кайрылды?” деп жатты Искендердин алдастаган ойлору.

– Ооба, Москвада жашачумун. Келдим.

– Биротоло келдиңби?

– Ооба.

Кайрадан үнсүздүк. Эшик тыкылдаганда экөө тең селт этишти. Медайым экен. Искендерге бир нерселерди айтып чыгып кетти.

– Жөн жай эле келдиңби?- деди чыдамы кеткен Искендер.

– Жок, жөн жай болсо келбейт элем. Сенин жардамың керек.

– Кимге?

– Менин уулума... “Сенин уулуңа” деди ичинен кошумчалап.

– Мен көптөн бери операция жасабай калгам. Ал иштен четтедим.

– Билем. Бирок бул жолу сөзүңдөн кайтышка туура келет.

– Жок. Менден мыкты, тажрыйбалуу врачтар бар. Кааласаң...

– Искендер, сен жасашың керек. Мен уулумдун өмүрүн бирөөгө ишенип тапшыра албайм. Москвада да мүмкүнчүлүк бар эле. Бирок үмүт аз дешти. 20 гана пайыз үмүт беришти. Мен уулумду 20 пайыз ыктымалга тапшыра албайм. Сен аны сактап калышың керек.

– Мен четтеп калгам.

– Билем, эмнеге экенин да билем. 8 жаштагы кызга операция жасап, алып кала албадың. Ошого өзүңдү жазалап, сүйгөн кесибиңден баш тарттың. Бирок бул жолу баш тарта албайсың.

Искендер күлүп жиберди.

– Мага көп киши келип жалынды. Баарынан баш тарттым. Аяна, мен жасай албайм. Кечирип кой, азыр иштерим бар эле,- деп эшикти көздөй басты.

– Сен өз балаңдын өмүрү үчүн да жасай албайсыңбы?

Искендер тык токтоду. Аянаны тиктеп калды.

– Эмне деп жатасың?

– Алан сенин уулуң. Азыр 8 жашта. 9 жыл мурун экөөбүздүн сүйүүбүздөн бул эгиз балдар жарыкка келген.

Телефондогу сүрөттү маңдайына такады. Коёндой окшош эки бала аны карап турду. Өзүнүн кичирейтилген көчүрмөсү эле. Баш чайкаганга мүмкүн эмес факт болчу. Даң! Бир чоң муштум келип ээктен ары ургандай дендароо болуп тура берди.

ххх

Келген конок менен урушуп жаткандай. Эч качан үнүн көтөрбөгөн жетекчисине таң калды. Алардын 3 сааттай отурганына таң калган катчы кыз кабинетине баш бакты.

– Сизди күткөндөр көп болуп кетти.

– Бүгүн эч кимди кабыл ала албайм. Чалгандар үчүн да мен жокмун,- деп кырс жооп берди Искендер. Тиги таң кала тиктеп калды.

– Айтурган эже да чалып жаткан, ага эмне дейин?

– Бош эмес деп айт.

Кабинеттин эшиги жабылары менен Искендер кайра атырылып кирди.

– Сенин акың жок болчу. Балдарымды менден катканга, анан да Москвага чейин алып кеткенге акың жок эле. Бул эмне деген өзүм билемдик?

– Эмне кылышым керек эле? Сенин үй-бүлөң бар болчу. Эч качан ал нерсе бузулбай турганын айткансың!- деди ызалуу кыйкырган Аяна.

– Ансыз да бузулбайт. Бирок мен билишим керек эле да.

– Билсең, мен сени эки бөлүнгөн жашооңдон куткарып калдым. Эч качан билмек эмессиң, эгерде баламдын жүрөгү оорубаганда... Ага операция жасоо керек болбогондо... Сен эч качан балдарың бар экенин билмек эмессиң!

– Мен сени периште көрүп жүргөм. Анык жылан сен турбайсыңбы?

Аяна бирөө жаакка чапкандай сестене түштү. Бул эң оор сөз болчу. Канча жылдан бери жанын оозуна тиштеп келгенин бул макулук кайдан билсин? Эки баласын багуу үчүн кандай иштерге барганын, канчалык оор болгонун, уйкусуз түндөрдү башынан өткөргөнүн бул неме кайдан билсин? Азыр өзүнүн эгосу гана кыйнап жатат.

– Макул, мен жылан экенмин. Сен жакшы ата болуп, уулумдун жанын сактап кал. Мындан башка эч нерсенин кереги жок. Биз мындан ары да өз жашообуз менен жашайбыз.

Аяна тез ордунан туруп, кабинетинен чыгып кетти. Кудум бирөө деңгирете уруп салгандай, эсине келе албай Искендер кала берди...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(3)
13.07.2020. 10:41 
Тайпасы:
Жаран
Комментарийлердин саны:
101
Катталган:
01-10-2014
Соӊку аракети:
03-08-2020 15:14
Жынысы:
Белгисиз
-1
Өтө сонун.
18.07.2020. 12:08 
Тайпасы:
Жаран
Комментарийлердин саны:
21
Катталган:
13-10-2017
Соӊку аракети:
29-07-2020 13:58
Жынысы:
Белгисиз
-1
Kan4alyk suiup kuiup tursan da koinunda jatsan da iwenbew kerek erkeke erkek degen uwundai kalk bolot kozuno bir suluu korunup kalsa je katyny bir az taryntyp koiso aga jakwy mamile kyl4u bawka biroonu izdep bawtait je bolboso katyny janynda bir az ubakyt jok bolso konul a4kanga je bolboso ui bulosu bar turup bawkaga jawyruun nike kyidyryp bilinip kalganda murunku ui bulosun tawtait je ekoonun biroobun tandait negizi ele erkekten amal ka4yp kutulbait owon u4un aitylgan da erkeke iwengi4e eki bos
18.07.2020. 12:10 
Тайпасы:
Жаран
Комментарийлердин саны:
21
Катталган:
13-10-2017
Соӊку аракети:
29-07-2020 13:58
Жынысы:
Белгисиз
0
Eki bosogono iwen dep erkek ketem dese ketip kalat karmap kala albaisyn a bosogo bir ordunda tura beret erkek tura albait
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24248;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: