реклама
Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ОТ КЕЧКЕН ЫКТЫЯРЧЫ

№919 16-22-июль 2020-жыл


Учурда коронавирустун жайылышы күчөп жаткандыктан кырдаал кыйындап баратат. Улам ачылган стационарлар ооругандарга толуп, кайда барып текшерилип, кантип ийне, тамчылатма дары алсам деп баш катыргандар көп. Мындайда дарыгерлердин жетишсиздиги көйгөй жараткандыктан, күндүзгү стационарларда иштөө үчүн жана үйлөрүнө чакыргандарга барып дары сайып берүү үчүн ыктыярчылар жардамга келишүүдө. Учурдагы кырдаал от кечип иштеп жүргөн ыктыярчылардын көзү менен.

“ИНТЕРНЕТТЕГИ МАЙЫП КЫЗ ШЫКТАНДЫРДЫ”

Ушундай кырдаалда элге бекер кызмат көрсөткөн ыктыярчылардын, коомдук уюмдардын түзүлүп жатканы кубанычтуу көрүнүш. Алардын катарында "Айкөл кыргыз урпактары" жаштар коому бар. Коомдо чакырык боюнча ооругандардын үйүнө барып ийне жана асма дары куюп берчү ыктыярдуу дарыгерлер жана айдоочулар бар. Алардын иши эртең мененки 9да башталып, таңкы 5терге чейин уланат. Түшкү тамагын саат 5-6да ичип, кечки тамагын иштин көптүгүнөн түнкү саат 01-02де ичкендер, ал тургай тамак ичпей, түнкү 3-5терде үйүнө ачка тарап кеткен учурлар болот дешет. Ыктыярдуу түрдө иши үчүн бир тыйын албай, тынымы жок иштегендердин бири – Нура Дыйканбаева.

– Менин аты-жөнүм Нура Дыйканбаева. Ыктыярчы-дарыгер болуп иштегениме 14 күн болду. Кичи мекеним – Ысык-Көлдүн Түп районунун Талды-Суу айылы. Акушердик билимим бар. Интернеттеги жарыядан "ыктыярчы медиктер керек" дегенди окуп, барып кошулгам. Ага чейин орусиялык сайттан майып кыз майыптар арабасына отуруп алып баса албаган, дарыканага барууга мүмкүнчүлүгү жокторго дары ташып жүргөнүн окуп калгам. Ага караганда Кудайга шүгүр, алты саным аман, медициналык билимим бар.

Ишибиз эртең мененки саат 9да башталат. 1 дарыгерге ыктыярдуу 1 айдоочу бөлүнгөн. Бизде 40 чакты дарыгер иштейт. Күнүгө ар кимибиз чакырык менен 20-30дай үйгө барып, врачтын көрсөтмөсү бар бейтаптарга ийне жана тамчылатма дарыны бекер сайып беребиз.

Бизди коргоочу кийимдер менен штабдагылар камсыздайт. Штабга болсо демөөрчүлөр таштап кетип турушат. “Эмне жардам керек?” деп штабга чалгандар да бар. Унааларга бензинди да ар ким куюп берет. Акчалай жардам көрсөткөндөр чыгып жатат. Коргоочу кийимдерди күн сайын, ал эми бет кап, кол каптарды ар бир бейтапка барган сайын алмаштырабыз.

“БИЗ “КЫЗЫЛ ЗОНАДА” ЖҮРӨБҮЗ”

– Тамак-ашты боорукер адамдар жасап алып келсе, кээде кафе ээлери жеткизип кетишет. Тамактын келгенине жараша түшкү тамакты кээде үчтө ичсек, кечки тамакты саат тогуздарда, кээде түн ортосунда ичип калабыз.

Ийне, тамчылатма дары сайып берүүгө чакырык бизге күн-түн дебей тынымсыз түшүп турат. Ошентип 5-6 саат эс алып эле кайра жумушка чыкмай. Эс алып деген бул үстүртөн айтылган сөз. Анткени үйгө барганда деле өзүбүздүн тиричилик бар да. Ошентип уктаганга аз гана саат калат.

Ишибиз оор, коронавирус менен ооругандарды кабыл алчу, дарылоочу жайлар "кызыл зона" деп аталат. Биз дайыма ошондой зонада жүрөбүз. Оору жуктуруп алуу коркунучу өтө жогору. Андыктан коронавирус менен ооруган адамдын жанында 2 сааттан ашык болбоого аракет кылабыз. Бирок айрым ооругандарга 2-4 түрдүү тамчылатма дары сайыш керек болсо, 2 сааттан ашык убакыт кетет.

Учурда тамчылатма дары куюп берүүнүн акысы 1000 сомго чыгып кетиптир. Үй-бүлөсү менен ооруп жаткандар абдан көп. Алар дарысына акча таппай жатышса, ар бири үчүн 1000 сомдон кайдан табышат?

“АДАМДАР ҮЙМӨ-ҮЙ ООРУП ЖАТКАНДАЙ СЕЗИЛЕТ”

– Айрым үйлөрдө 2-3төн ооруган адамдар бар. Эң өкүндүргөнү – дарыканаларда дарылардын баасы кескин көтөрүлүп кетип, эл керектүү дарысын ала албай, кыйналып жатканы болууда.

Коронавирустун кескин жайылышы, дарылардын кымбатташы, ооруканада орундардын жок калышы, рентген кабинеттердин, компьютердик томографиянын бааларынын өсүшү жана аларда кезектердин көптүгү эки жарым айлап карантинде ишсиз отуруп, карызга батып жашаган карапайым элдин жашоосун ого бетер оорлотконун күндө көрүп жатабыз. Колунда барлар, байлар кызмат акысы кымбат жеке клиникаларга барып дарыланышат же акча, тааныш-билиштиктин арты менен ооруканаларда жатып дарыланышууда. Мына ушундай теңсиздик, албетте, адам катары жаныңды ачытат.

Ыктыярчы болуп иштегени ар кандай жашоо шартта жашап жаткан жана түркүн мүнөздөгү адамдарга кез келип жатабыз. Алардын айрымдары ачуусун бизден чыгарышат. Мисалы, “эртерээк келсеңер болбойбу?”, “ийнени катуу сайып салдыңар” дешет.

“АЧКА ОТУРГАН ҮЙ-БҮЛӨНҮ КӨРҮП ЖҮРӨГҮМ ООРУДУ”

“Ушул оорунун айынан өлүп калат окшойм” деп катуу дүрбөлөңгө түшүп алгандар да болот. Айрымдары "кетпей жанымда отуруп тургулачы, кетсеңер эле бир нерсе болуп кетчүдөй болуп жатат" дешет. Бир жолу жашы сексенден өтүп калган орус улутундагы аялдан чакырык түштү. “Дарыга акчам жок, жардам бере аласыңарбы?” деген. Врач жазып берген дарылардын атын сурап, штабга чалдым. Штаб бул маселени 2-3 саатта чечип берди. Дарыларын алып, бекер эле сайып берсек, "азыркы заманда ушундай кайрымдуу адамдар бар экен, ээ?" деп ишенбей жатты. Анан өзүнө келип, "силердей жакшы адамдар бар экен, эми мен өлбөйм" деп ыйлады.

Бир жолу бир үйгө барсак, 3 баласы бар жалгыз бой аял ооруп калыптыр. Батирде акы төлөп жашайт экен. Барсак жука паластын үстүнө салынган бир кат төшөктө жатат. Чай ичкен столдун үстүндө нан, кумшекерден башка эч нерсе жок экен. Кичүү баласы курсагы ачкан окшойт, кургак нанды кемирип жүрөт. Ошол аялдын жашоо шартын көрүп, стресске кабылдым. Дагы бирөөнүн дарыга акчасы жок калган экен, кошуналары акча чогултуп дары алып беришиптир. Мындан улам боорукер адамдар көп экенине аябай ынанып калдым.

Кээ бири бизди айлык алып иштеген милдеттүү дарыгер катары көрүп, орой сүйлөшөт. Аларга ишибиз үчүн акча албай турганыбызды, кайрымдуулук үчүн иштеп жүргөнүбүздү айтсак жумшарып, кечирим сурап калышат. Дары сайып берип жүргөн бейтап оңолуп калса, кошо сүйүнөбүз. Абалы оорлошуп кеткендер менен кошо кайгырабыз. Жаңы конуштарга барганда көчөнүн аты, үй номерлери жазылган тактайлар жок. Айрым көчөлөр караңгы, анан даректи, үйдү издемей. Айтор, иш учурунда көп эле кыйынчылыктар менен бет келебиз.

“КОРГООЧУ КИЙИМДИН АЗАБЫ...”

– Биздеги ыктыярчы медиктердин жашы 19 жаштан 66 жашка чейинкилер. Азыркы ысыкта коргоочу кийимдерди кийип жүрүү кыйын. Ысып-тердеп, ичинен кийген кийимибиз терге чыланып, жабышып калат. Ошол абалда таңкы тогуздан түнкү 3-5терге чейин жүрүүгө туура келет. Барган жерибиздеги үйлөрдүн ичи ысык, ого бетер шайыбыз ооп, арга жок чыдоого туура келет. Кээде 2-3 эле саат уктаган учурлар кездешет. Бул, албетте, бизди чарчатат, күндүн аягында бутубузду тарта алмак түгүл сүйлөгөнгө шай келбей, ымдашып сүйлөшүп калабыз. Жакшы эс албай калганда буттарыбыз шилтенбей, бөйрөктөрүбүз ачышып, белибиз уюп кетет. Эл сени үмүттөнүп күтүп жатканын ойлоп, чымырканып белди бууйсуң. Жакшылык ушинтип уланат жана кайтып келет.

Башында туугандар “оору жугузуп алсаң эмне болот? Бекер иштесең, 2 студент балаңды ким багат?” деп чочулашты. Бирок менин ниетимди угушуп “иштей бер, бирок өзүңдү абайла” дешти. Мен чачтарачтын курсун да окугам. Аптасына бир жолу эс алуу күн алып, кардарларымды тейлеп, ошол акчага жашайбыз.

Канымжан Усупбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(10)
20.07.2020. 13:22 
Тайпасы:
Жаран
Комментарийлердин саны:
122
Катталган:
13-06-2016
Соӊку аракети:
23-09-2020 23:43
Жынысы:
Белгисиз
+3
Аллах ыраазы болсун!
20.07.2020. 14:17 
Тайпасы:
Жаран
Комментарийлердин саны:
19
Катталган:
24-10-2016
Соӊку аракети:
22-09-2020 23:21
Жынысы:
Белгисиз
+3
Аллахым ыраазы болсун
20.07.2020. 16:43 
Тайпасы:
Жаран
Комментарийлердин саны:
7
Катталган:
02-07-2017
Соӊку аракети:
22-09-2020 22:14
Жынысы:
Белгисиз
Калаасы:
Керемет Ааламы
+4
Азыркынын баатырлары десек болот, азаматсыңар! Албетте Аллахым жардам берет силерге да.
21.07.2020. 11:22 
Тайпасы:
Жаран
Комментарийлердин саны:
83
Катталган:
22-02-2020
Соӊку аракети:
24-09-2020 00:37
Жынысы:
Белгисиз
+3
Элге кылган жакшылыгыңар Кудайдан эселеп кайтсын аман болгула париот ыктыярчылар кыргыз эли силердей уул кыздары менен сыймыктанат
21.07.2020. 11:57 
Тайпасы:
Жаран
Комментарийлердин саны:
1
Катталган:
19-01-2017
Соӊку аракети:
01-08-2020 10:28
Жынысы:
Белгисиз
+2
Азаматсыздар!
21.07.2020. 17:56 
Тайпасы:
Жаран
Комментарийлердин саны:
8
Катталган:
19-05-2020
Соӊку аракети:
23-09-2020 22:58
Жынысы:
Белгисиз
+5
Бул согуш жашыл формачандардын эмес ак халатчандардын согушу болуп жатат.
Таазим сиздерге куралсыз согуш баатырлары сиздерге "данк" медалы аздык кылат
21.07.2020. 18:34 
Тайпасы:
Жаран
Комментарийлердин саны:
373
Катталган:
23-05-2015
Соӊку аракети:
22-09-2020 23:34
Жынысы:
Белгисиз
Калаасы:
Ордолуу Ош
+3
Окуп алып козумо жаш келди,азаматсынар эл ичинен чыккан баатырлар
22.07.2020. 22:29 
Тайпасы:
Жаран
Комментарийлердин саны:
32
Катталган:
26-08-2019
Соӊку аракети:
12-09-2020 21:48
Жынысы:
Белгисиз
+2
Рахмат! Аллах ыраазы болсун, пенденин колунан рахматтан башка эч нерсе келбейт.
24.07.2020. 12:37 
Тайпасы:
Жаран
Комментарийлердин саны:
329
Катталган:
04-06-2019
Соӊку аракети:
24-09-2020 00:33
Жынысы:
Белгисиз
0
Ыйлап алдым. Рахмат силерге журогу алтын адамдар!
26.07.2020. 20:41 
Тайпасы:
Конок
Комментарийлердин саны:
1
Катталган:
18-07-2020
Соӊку аракети:
27-07-2020 21:14
Жынысы:
Белгисиз
-1
Аллах ыраазы болсун!Алтын адамдар!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24493;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: