реклама
Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ҮҢКҮРГӨ КАТЫЛГАН АЛТЫН (Байлык кумары, сүйүү, алтынга жетүү үчүн өмүрүнөн ажырап кала жаздаган жигиттин жашоосу тууралуу сериал)

№933 22-28-октябрь, 2020-ж.


(Башы өткөн сандарда)

Бир-экөөсү колумдагы кол капты тиштеп да алды. Суунун түбүнө кирип алтындарды чөнтөгүмө бөлүп салып, суунун түбү менен сүзүп үңкүрдүн төр жагынан чыктым. Асканын орчуктарына карманып карап турсам, көпчүлүгүн жарык кирип турган тарапта суу тартып кетип ошол бойдон жок, кайра чыкпай калып жатышты. Бир топ келемиш аскаларга тырмышып, мага секиришет, кол кабым калың булгаарыдан болгондуктан гана тирүү калдым. Тим эле жанкечтиленип кол салып жатышты. Секиргенин бычак менен сайып, бир колум менен үңкүрдүн ары жагына ыргытып жаттым. Суу кыпкызыл кан болуп калды. Жакындагандарын бутум менен сүрүп, айтор, жан талашып коргонуп жаттым. Көпчүлүгүн суу тартып кетип жатып эле аман калдым, эгер баары тең жабыла кол салса жеп коюшмак. Алтынга өтө эле өч болушат экен, суунун агымына каршы, мени көздөй чыйылдашып, жан талашып сүзүшүп, кээ бирлери аскага жармашып мага жетейин деп секирип да жатышты. Бирок чекелери тайгак болуп, айтор, баары агып, суу тартып кетти.

Тура берсем болбойт, мен да суунун түбүнө чумкуп жарыкка карай сүздүм, агым катуу экен, суу агып чыккан жер үч метрдей тереңдикте экен, суу өзү эле тартып кетти. Эни бир метрдей туннель сыяктуу жер менен, адашпасам, беш-алты метрдей бар, суу көз ачып-жумганча көлгө алып чыгып койду. Туннелдин чыга бериш жеринде дарактардын тамырлары, балыр сыяктуу чөптөр тосуп турат экен, араң чыктым. Асканын түбүнөн чыккан экенмин, жогоруну карасам асканын башында бир караан мен асылып түшкөн жипке карманып алып ылдыйды карап жатыптыр, колунда мылтык. Көрүп калбасын деп дароо суунун түбүнө чумкуп кирип кеттим. Асканын түбүн кармап кетип баратып колум боштукка урунду, оюк экен. Оозу суу менен жабылып, ичи эки адам баткыдай үңкүр сыяктуу жер экен. Ичине кирип бир аз дем алып жаттым. Алтындарды санасам отуз жети даана экен.

Жогорудагы мени аңдып жаткан адамды тааныдым, пансионаттын кароолчусу эле. Ал жашы кырктарда, арык, бою кичине, тырышкан чап жаак адам эле, аты Камчыке. Биринчи көргөндө Кытайдын кинолорундагы ач арбактай болгон адамдарга окшотком негедир. Көздөрү кичинекей болуп, кыскасы, мага бир көргөндө эле негедир жакпаган. Ал ар дайым кечинде келип, эртең менен саат тогуздарда кеткендиктен, көп деле мамилем жок болчу.

Мени кантип көрүп калды экен, Акимыч артымдан аңдып жүр деп койгон окшойт. Датчик менен таап алды дейин десең датчик жилетке тигилген, жилет Гулинин инисинде калса. Эми менин бул жакка келгеним, аскага түшкөнүм Акимычка жетип калса, мени тирүү койбойт.

Эми бир нерсе кылып бул адамды көндүрүш керек. Алтын берем десем макул болот баары бир. Буга деле акча керек да. Азыр Акимычка кабар бере албайт, телефон тартпайт бул жерде. Эптеп Акимычка жеткизбей кармаш керек. Асканын түбү менен элүү метрдей агып барганда суу чукул бурулат, жогорудагы адамга көрүнбөйт.

Абадан оозума толтуруп алып үңкүрдөн сүзүп чыгып, суунун түбү менен бурулушка чейин агып кете бердим.

Жээкке токойлуу жеринен чыктым. Эми кантип кармайм, артынан көрүнбөй чыгыш кыйын. Менин чыгып баратканымды көрсө качып кетиши мүмкүн.

Саатты карасам пляждан чыкканымдан бери бир сааттай убакыт болуп калыптыр. Камчыке эми качанга чейин отурат ал жерде?

Жогоруну карап бекинип отургандан башка айлам калбады. Көп өтпөй Камчыке негедир шашып эле атына минип ылдыйга түшө баштады, Акимычка барып айтайын деди окшойт. Өтөр жолуна жакын даракка чыгып бекинип отуруп калдым. Мылтыгы бар экен, алдына ээрге илип алып келатат. Тез эле түшүп келди, жаныма келгенде үстүнө секирип аттан оодарып түшүп, алдыма басып алдым. Аты качып кетти, мылтыгы да ат менен кетти. Көздөрү алайып калыптыр:

– Жан соога, баатыр, өлтүрбө, бала-чакамды ойло,- деп жалына баштады. Мени өлтүрөт деп ойлогон окшойт.

– Токто, Камчыке, мен сага жамандык кылбайм, коё бербегенде эмне кылмак элем, сүйлөшүп алалы.

Көзүмө карап турду да, колунан жамандык келбейт дедиби:

– Макул, макул, баатыр, сүйлөшөлү, сүйлөшөлү, айтканыңды кылам,- деп, ордунан туруп кагына баштады. Жөө качып кете албайт эле, мен да кийимдеримди кагынып калдым.

– Кана, баатыр, эми сүйлөчү,- дейт, карасам колуна тапанча кармап алыптыр, "Макаров" экен, учуна атылганда үн чыкпас уланган. Жанагы жалынып жаткан адам жок, тим эле көзү жайнап алган.

Унчукпай эле туруп бердим, тапанчанын сүрү жаман экен. Кинодогу тапанчаны ыргыта тепкендер жалган эле окшойт. Бутумдун астына эки жолу атып жиберди, эки колумду көтөрүп эле турам, шылдыңдап ар нерсени сүйлөп, жерге дагы бир жолу атты. Колумду ого бетер болушунча созуп, бийик көтөрүп алдым. Эмне, адамды шылдыңдап сүйлөгөндөн ырахат алабы, ар нерсени сүйлөдү. Сүйлөйүн десем, сүйлөтпөй койду, айлам куруду, эми эмне кылам? "Азыр Акимычка барабыз, ошого сүйлөйсүң" дейт.

Асканын түбү болгондуктан турган жерибиз шагыл эле, Камчыке менден алысыраак турайын дедиби, артка жылам деп жатып, чоңураак ташты тебелеп алып кулап кетип жатып мени атып жиберди, ок кулагымдын жанынан өтүп кетти, абаны жарып учкан үнү кадимкидей угулду. Эч нерсеге карабай, секирип басып калдым. Тапанчасы колунан чыгып кетип алысыраак түшүп калды. Таң калдым, жанагы Камчыке жок, дароо өзгөрдү, көздөрү алайып эле ыйлап жиберсе болобу?! Алаканым менен жаактан ары бир салдым. Кызарып кетти, ого бетер күчөп ыйлап жалына баштады.

– Токтот, болду токтот, мен сага эч нерсе кылбайм. Эмне, өлтүрмөк белем?- десем деле болбой ыйлап, бир маалда көздөрү аңтарылып эле титиреп жатып калса болобу, коркуп кеттим. Оюмда тарамыштары тартылып калды дедимби, шашканымдан колдоруна, буттарына массаж жасай баштаптырмын. Эки мүнөттөй титиреп, оозунан көбүк чыгып барып тынчып жатып калды. Маал-маал бир дирт деп титиреп коёт. Жанында отурам эмне кылышты билбей. Анан оюма бир нерсе келди, анткорлонуп жатпады бекен деп, бир колум менен буттарына массаж жасап, бир колум менен акырын ага байкатпай тапанчанын магазинин чыгарып, беш огу калган экен, баарын чыгарып чөнтөгүмө салдым да, магазинди кайра тапанчага салып ордуна таштап койдум. Анан суу жакка чуркап кеттим. Сууга барсам аты турат, чылбыры карагандарга илинип өрүлүп калыптыр. Колума суу кочуштап алып артымды карасам Камчыке тапанчасын кармап мени карап күлүп турат.

– Э-эй, акмак, бери кел, даана көк мээ турбайсыңбы!- деп жыргап күлөт. Унчукпай жанына бардым, төрт-беш кадам калганда:

– Токто, отур, отур ошол жерге!- деп колу менен жерди көрсөттү. Жерге отурдум.

– Камчыке, токто, сүйлөшөлү. Мен алтындарды таптым, экөөбүзгө тең жетет. Шашпасаң сүйлөшөлү,- десем,

– Жок, ал алтындар Акимычтыкы,- дейт, оозум ачылып калды, мен өзүнө алам деп жатат го деп ойлогон элем.

– Ой, Камчыке, Акимычты эмне кыласың, аныкы ансыз деле жетиштүү, ашыгы менен керек болсо. Эмне, сага акча керек эмеспи, бала-чакаң бар го?

– Жок, Акимыч алса алтындарды мага да берет.

Оозум ачылып калды, эмне ушунчалык эле Акимычты Кудайындай көрүп калганбы? Өзү деле алып кетсе болот го алтындарды, Акимычка бербей. Таң калдым.

– Ой, акыры экөөбүз бөлүп алсак сага көп тиет го, өмүрүңдүн акырына чейин жетип, бала-чакаң эмес, небере-чөбүрөлөрүңө да жетет го. Акимыч сага канча бермек эле?

– Жок, сен менин башымды айлантпа, Акимыч алыш керек,- дейт кайра эле.

Көк мээлигине жиним келип кетти, "Акимыч эле, Акимыч" деп, биротоло кул болуп калган окшойт го Акимычына, же коркокпу ушунчалык? Ордумдан шашпай туруп, жанына басып баратсам таң калып карап калды да, тапанчаны мага такап курокту баскылайт кайра-кайра. Акыры түшүндү окшойт, көздөрү коркконунан чанагынан чыгып кете жаздады, катып калыптыр ордунда, каршылык да кылганга жарабады...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(1)
26.10.2020. 09:41 
Тайпасы:
Жаран
Комментарийлердин саны:
75
Катталган:
25-02-2019
Соӊку аракети:
01-12-2020 12:15
Жынысы:
Белгисиз
+1
Уффф дагы күтмөй бир жума
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24831;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: