Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Жалгыз бой эне: “ООРУП, БАТИР АКЫСЫН ТӨЛӨЙ АЛБАЙ КАЛДЫМ”

№933 22-28-октябрь, 2020-ж.


Социалдык тармактар аркылуу “балдарым үйдө наны жок калды” деп билдирүү жасаган айымдын дарегин таап, үй-жайы менен таанышып, кабар алып келдик. Ал мындай оор акыбалга келишинин бирден-бир себебин ден соолугума байланыштуу деп түшүндүрдү. Айтымында, жолдошу мындан көп жыл мурун каза болуп калган. Каралашар эч кимиси калбаган Д.А. аттуу жалгыз бой аял тагдырын төмөнкүчө баяндап берди.

“АТА-ЭНЕМ ЭРТЕ КАЗА БОЛУП КАЛЫШКАН”

– Мен эки балам менен Бишкекте батирде турам. 39 жаштамын. Жолдошум 10 жыл мурун оорудан улам кайтыш болуп калган. Ашказанына жара чыгып, билинбей жүрүп эле залалдуу шишикке айланып кетиптир. Ошол убакыттан бери балдарымды өзүм жалгыз багып келем. Экөөнү чоңойтом деп иштебеген жерим калган жок. Кафелерде идиш жууп, ооруканаларда жана башка мекемелерде муздак сууга колумду салып пол жууп жүрүп бөйрөгүмө суук тийген экен.

Ата-энем мен 8-класста окуп жүргөн кезде каза болуп калган. Эжелеримдин колунда тарбияландым. Мураталы Күрөңкеев атындагы музыкалык окуу жайга тапшыргам. Бирок 1-курста эле жолдошум ала качып кеткен. Андан ары окуумду уланта алган эмесмин. Кыйналган учурда бир туугандарым колунан келишинче каралашты. Бирок бир үйдүн жарыгы бир үйгө тийбейт да. Агаң болсо жеңең жат, эжең болсо жездең жат. Алар да өз оокаттары менен кетишти. Кайын журтум жакшы эле турушат. Бирок такыр жардам беришпейт. Жолдошум көз жумганы эки баладан бир кабар алып коюшкан жок. Аларга караганда бөтөн-бөлөктөр жардам беришет. Ушуга ичим күйөт. Жолдошум сегиз бир тууган. Баары тең эркек. Кайната, кайненемдин көзү тирүү, Казарманда турушат. Эне болгондон кийин неберелерин көргүсү келет. Бирок балдары уруксат беришпейт экен. Анткени 2 баласы биринчи турмушунан, 6 баласы экинчи турмушунан. Муздак мамиленин бирден-бир себеби ушунда болуш керек. Жолдошумдун бир атадан агасы бар, ал деле жардам бербесе дагы, акыбалыбызды бир сурап койбойт.

“БӨЙРӨГҮМ ЖАРАКТАН ЧЫКПАСА ЭКЕН ДЕП КОРКОМ”

– Жолдошум каза болгондо улуу балам 3 жарым, экинчиси 2 жарым жашта эле. Эки балам кичинекей кезде үйгө камап коюп иштедим. Кошуналарга ачкычты таштап, “бир маал карап коёсузбу” деп тапшырып, күнүгө 50 сомдон карматып коём. Көрүнгөндүн ирик-чириктерин тазалап, иштебеген жерим калган жок. Эки баламды эптеп чоңойтуп алдым. Учурда улуусу 13, экинчиси 12 жашта. Экөө тең мектепке барышат. Окууларын катуу көзөмөлдөйм. Экөө тең “5” деген баага окушат. Ооруп, башымды көтөрө албай жатсам да “сабак карагыла” деп айтам. Анткени эне катары балдарымдын кыйналып жашашын каалабайм, алар билимдүү болушса дейм. Кийин бирөөнүн кызын алса, аны дагы кор кылбай татыктуу багышса экен. Кайсы кыз эле жаман турмушту кыялдансын. Балдарым да мени менен бирге оор турмушту көрүштү. Алар ачка калбасын деп бардык кыйынчылыктарга чыдадым. Азыр да жумуш чыкса жан талашып иштемекмин. Бирок бөйрөгүм ооругандан улам иштей албай калдым.

Быйыл эле ооруп калган жокмун. Үч жыл мурун дарыгерлер “жакшылап дарыланышың керек” дешкен. “Тапкан акчабыз тамак-аштан, батирдин ижара акысынан ашпайт. Мен кайсы акча менен ооруканага жатам? Балдарымды ким карамак эле?” деп дарылана алган жокмун. Анча-мынча дары ичип өзүмө келип калам, бирок көп өтпөй кайра эле оору кармап калат. Деги бөйрөгүм жарактан чыкпаса экен деп корком. Кокус мен бир нерсе болуп кетсем, балдарымдын тагдыры эмне болот?

“БАТИРДИН ИЖАРА АКЫСЫ 4 АЙДАН БЕРИ ТӨЛӨНӨ ЭЛЕК”

– Батирден батирге көчүп жүрүп тажадык. Айына 4000 сом төлөп бул үйдө жети жылдан бери жашайм. Үйдүн шарттары тууралуу айткым деле келбейт. Төлөгөн акчага жараша шарт да. Ооруп, иштебей кыйналганыма байланыштуу 4 айдан бери батирдин акчасы төлөнө элек. Кожоюндар жакшы эле адамдар, бирок “акча жок, кыйналып жатабыз” дегенди түшүнүшпөйт. Зирпилдеп келип, “эч нерсеңерди билбейм” деп ажылдап кетет. Бизди сыртка чыгарып койгон учурлар дагы болду. Бийликке келгендер карапайым элге көңүл буруп койсо болмок. Үй-жайы жок, батирде кыйналып жашагандар өтө көп. Кепедей болсо дагы үйүбүз болсо деп тилек кылабыз.

Карапайым элге ыраазымын. Мурун минтип элге кайрылчу эмесмин. Кайрымдуулук фонддор менен деле ишим жок болчу. Бул жолу наны жок калганыбыздан айла жок элден жардам суроого аргасыз болуп турам. Элди эл эле колдой турганына көзүм жетти. Карантин маалында түрдүү кайрымдуулук фонддорунан жардам болуп жатты. Ошол учурда дагы катуу кыйналгандыктан бир кайрымдуулук фонддо иштеген Жуман аттуу бала менен байланышып, абалымды түшүндүрдүм. Ал жигит мага азык-түлүк жагынан жардам берди. Бул жолу Жуман менен байланышсам, мен тууралуу социалдык тармактарга чыгарып коюптур. Бул жигитке чоң рахматымды айтат элем.

Жардам берүүнү каалагандар үчүн байланыш телефону: 0700 77 63 56

Жолдубек Качкынбаев



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
26.10.2020. 09:23 
Тайпасы:
Конок
Комментарийлердин саны:
1
Катталган:
23-10-2020
Соӊку аракети:
06-11-2020 14:40
Жынысы:
Белгисиз
+7
Экинчи аял алгысы келгендер ушул аялды, балдары менен камкордугуна алса, чындап акыретин ойлошсо
26.10.2020. 16:14 
Тайпасы:
Жаран
Комментарийлердин саны:
32
Катталган:
18-02-2019
Соӊку аракети:
11-11-2020 08:01
Жынысы:
Белгисиз
+5
Ооба десен 40 эми гана келиптир
01.11.2020. 09:16 
Тайпасы:
Жаран
Комментарийлердин саны:
Катталган:
16-12-2019
Соӊку аракети:
01-12-2020 10:14
Жынысы:
Белгисиз
0
Урматтуу кайрымдуу адамдар келиниздер баарыбыз 100 сомдон болсо дагы жардам берип койолу, бул жардамыбыз озубузго сооп болот.Бир жолу кафеге барып тамак ичпей койсок эч нерсе болбойт.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24831;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: