Архив
997  
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985   986   987   988   989   990   991   992   993   994   995   996  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Айтурган Эрмекова, ырчы: “МЕН ЭРКИНДИК ЭМНЕ ЭКЕНИН БИЛБЕЙМ”

№988 11-17-ноябрь, 2021-ж.


Ырына бийи жарашып, элдин бүйүрүн кызыткан ырчы бар. Мурунку интервьюсунда "бир күндө 12 тойго жетишкен учурум болгон” деп таң калтырса, бул жолу “эркиндик эмне экенин билбейм” деп таң калтырды. Эмесе, кызыктуу маекке көз чаптыралы.

– Салам, Айтурган, Ош шаарындагы тойлор сенсиз өтпөйт дешет. Чынбы?

– Саламатсызбы? Ошентип айтышат бекен, ээ (күлүп)? “Калк айтса, калп айтпайт” дешет го, бул сөздүн чындыгы деле бар. Ырчылар да бөлүнөт, кайсы ырчы тойду шаңга бөлөйт, кайсы ырчы элди ала алат, эл билет. Мен бул нерсе менен сыймыктанам.

– Тойлордо көбүнчө “Гүлбаданга” бийлеп калышты.Каракалпактардын ыры экен, ээ?

– Ооба, көпчүлүк муну өзбек тилинде деп ойлошот экен, бирок бул каракалпактардын ыры. Муну мага жолдошум “сага ушул ыр аябай жарашат болуш керек” деп сунуштаган. Башында мага жарашпайт болуш керек деп ойлогом. Студияга барып жаздырып көрүп, бул ыр меники экенин билдим. 3 жылдан бери “Гүлбадан” экөөбүз тойлордо жүрөбүз
(күлүп). Ушул ырым жемиштүү болду, көп ийгиликтерди алып келди.

– Бийлегениң өзгөчө, бул табигый шыкпы же окудуңбу?

– Табиятымдан шыктуумун, атам, апам, үй-бүлөдө баарыбыз жакшы бийлейбиз. “Кыз-Бурак” командасына да дал ушул бийим үчүн алынгам. Гүлшайыр Садыбакасова, Кенже Дүйшеева эжелерим “бийи өзгөчө экен” деп кабыл алышкан. Концерт болобу, той болобу, “ушул жерин минтип бийлейин” деген менде даярдык болбойт. Өзүнөн-өзү уланып кете берет.

– Киного да тартылганга жетишипсиң, ошол тууралуу айтып берсең...

– Негизи мен ырчылыктан мурун актриса болом деп кыялданчумун. Жаңы ырдап чыгып келе жатканымда киного тартылып, бирок продюсерлердин келишпестигинен улам кинолор экранга чыкпай калган. Ташкентте тартылган “Тимур” деген тасмада башкы ролдордун бирин ойнодум. Өзбектердин Мирза Азизов деген таанымал режиссёру бар. Ош шаарына делегация менен келгенинде ал кишилерди тосуп алгам. Алай жергесине алып барып, сыйлап, 6 күндө бир туугандай эле болуп калдык. Мүнөзүмдөн улам ал киши мени тартам деп жүргөн тасмадагы ролго ылайык көрүптүр. Орусиядан Голливуд актёру Игорь Жижикин келди. Казактардан “Рекетир” тасмасы менен белгилүү болгон Саят Исембаев, кыргыздардан мен роль жараткам. Бул ролго өзбек актрисалары деле тартылмак, бирок режиссёр ошол ролго мени көрүптүр. Саят Исембаев менен бир тасмага тартылуу үч уктасам түшүмө кирген эмес. Кантип аткарам деген коркуу болгон, бирок жакшы эле аткардым окшойт. Өзүм байкасам, мен олуттуу ролдорго эмес, күлүп, жаркылдаган комедия жанрындагы тасмаларга тартылгым келет экен.

– Кыргызда көп учурда келиндерди эркин коё беришпейт эмеспи, мындай эркиндикти кантип алдың?

– Эркиндикти жолдошум берет. Бирок мен өтө эркинмин деп айта албайм. Эмне кылсам, кайсы жерге барсам, кандай ыр ырдасам, бүт бардыгы жолдошумдун көзөмөлүндө. Ал “бар” деген жерге барабыз, “барбайсың” десе барбайбыз. Үйлөнгөндө мени “ырдабайсың” деп айтса ырдамак эмесмин, анткени мен үчүн үй-бүлө биринчи орунда. Жолдошум Дамир “сен уча турган адамсың, канаттарыңды кыркпайм” деп өзү колдоп ырдап чыгышыма көмөк көрсөттү. Мен сырттан өтө эркин жүргөндөй көрүнсөм керек, бирок мен эркин деле эмесмин, эркиндик эмне экенин билбейм (күлүп). Коргоо, көзөмөл Кудайга шүгүр эле бар. “Өзүң бара бер” деп калган күндө деле мен бара албайм, сөзсүз түрдө жанымда күйөөм, ал бошобой калса кайнилерим болот.

– Көзөмөлгө башынан эле даяр белең же кыйын болдубу?

– Атам 35 жыл күч түзүмдөрүндө иштеген, бекем тартипке кичинемден көнгөм. Ары жагымдан эле мен бул нерсеге даяр болчумун. Андан кийин “Кыз-Бурак” тобуна келдим. Андагы темирдей тартипти өзүңүздөр билесиздер. Жолдошумдун тартипке бекемдиги алардыкынан да өтүп кетет (күлүп).

– Жолдошуң дайыма жаныңда жүрөт экен, бул эрдикпи же алсыздыкпы?

– Өзүнүн кесиби бар, бирок ал тууралуу айта албайм. Жеке ишкер, бир нече бизнеси бар, аларды телефон менен жайгарып, дайыма жанымда жүрөт. Ушундай инсан, тили менен, сөзү менен баарын жайгарып, акылы бардык нерсеге жетет. Анын жанында ишенимдүү жүрөм.

– Жакында эле “үй-бүлөбүзгө киришпегиле” деген мааниде пост жаздың...

– Жашооңдо болуп жаткан ар бир нерсени эле элге жарыя кыла албайсың. Күйөөм экөөбүз өз оокатыбызды өзүбүз кылып эле келе жатабыз. Чыгармачылыктагы белгилүү эле агабыз “жылдызың жанган сайын бир туугандарың да душман боло баштайт” деген. Дамирдин же менин бир туугандарыма бул сөздүн тиешеси жок, бирок айланабызда ич күйдүлүк кылгандар бар. Биздин жашообузга аралашкандар болду, ошолорго жиним келип жазган элем.

– Кандай апасың деп сурагым келип жатат...

– Балдардын үстүнө үйрүлүп күйпөлөктөп эркелете берген апа эмесмин. Мактачу жерден мактайм, туура эмес кылса жазалайм. Кызым кээде “апа, мени көп эркелетпейсиң” деп калат. Апам бизди да ушундай өстүрдү. Жүрөгү менен жакшы көрөт, ал сезилет. Апам өзү жоош, урушчаак эмес, конфликтке баргандан көрө аны айланып өтүүнү жактырган адам. Балдарына да сүйүүсүн жооштугунан билгизе албай калдыбы деп ойлойм. Атама деле мамилеси ошондой, көп ачыла бербейт. Бул эми мүнөз да.

– Анда сен кимге окшошсуң?

– Атама окшошмун. Атам шайыр, ачык, сөзгө чебер, оюндагысын тарс айтып салган киши. Адамдардын көңүл борборунда болгонубуз да окшош.

– Демек, лидерсиң?

– Жылдыз төлгөм боюнча арстанмын. Арстандар лидер болушат эмеспи. Эч тартынбайм, сахнада иштөө, элди өзүмө тартып алуум да ошол тартынбаганымдан болуш керек.

– Маегиңе рахмат.

Нуржамал Жийдебаева



Айтурган Эрмекова: "Жолдошум ырчылыкты таштайсын дегенде макулдугумду бергем"

Автор: Канимет Данияров
Оператор: МухаммадЗиямидин Турдубек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
15.11.2021. 09:12 
Тайпасы:
Жаран
Комментарийлердин саны:
154
Катталган:
14-02-2016
Соӊку аракети:
11-01-2022 10:15
Жынысы:
Белгисиз
Калаасы:
Кыялдарда
+12
Кечке жанында кайтарып жургонду,мен недоверие деп эсептеймин)уйдо да жанында,башка жерде да жанында,эсне кереги бар,ишенбеген учун журот да жанында,озу барбаса,инилерин жиберип)это смешно.Менин атам деле органда иштеген адам эле,тартип каттуу болчу,бирок ээн,эркин эле чонойдум,кысынбай.Ар бир адамдын "личное пространство"дегени болуш керек.Демек,Айтурган андай боло албайт
15.11.2021. 10:32 
Тайпасы:
Конок
Комментарийлердин саны:
15
Катталган:
21-10-2021
Соӊку аракети:
20-01-2022 01:18
Жынысы:
Белгисиз
-3
Жанында журсо жакшы экен журо берсин эрчишип куйуусу ошону кааласа жашоосу тынч болот
16.11.2021. 15:00 
Тайпасы:
Жаран
Комментарийлердин саны:
Катталган:
28-08-2015
Соӊку аракети:
20-12-2021 13:06
Жынысы:
Белгисиз
-11
Красотка. Супер инфо. видеолорунун ссылкасы барбы?
16.11.2021. 15:00 
Тайпасы:
Жаран
Комментарийлердин саны:
Катталган:
28-08-2015
Соӊку аракети:
20-12-2021 13:06
Жынысы:
Белгисиз
-10
Өрт кыз. Сонун ырдайт.Энергичная такая как она есть. Уважаю
21.11.2021. 18:32 
Тайпасы:
Жаран
Комментарийлердин саны:
5
Катталган:
21-03-2018
Соӊку аракети:
19-01-2022 13:27
Жынысы:
Белгисиз
0
Шандуу жургон кыз экенин байкап калчумун. Бир интервьюсун угуп ирээнжип калдым! «Пачка пачка», «Тарс турс», дагы башка ушу сыяктуу создорун угуп. Бул кыз деген маданият адамы да! Деги эле кыз баланын ушундай создорду колдонуп суйлогонун колдобойм, маданият адамы мында турсун. Урматтуу Айтурган кудайым сизге талант бериптир, эми озунуз кичине билим менен толуктап коюнуз. Кичине окуп койсонуз, билиминиз кобоет, анан озунуз эле андай создорду колдонбой каласыз! Аялдык бакыт каалайм!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
26569;
 
Маалымат-маанайшат порталы
2006-2022 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: