Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985   986   987   988   989   990  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

“ПЕНТХАУСТУН” ХАНЫШАСЫ ЛИ ЖИ А

№989 18-24-ноябрь, 2021-ж.


Окурмандардын суранычы боюнча бул ирет “Пентхаус” сериалынын ханышасы Сим Су Рён же болбосо актриса Ли Жи А тууралуу кенен маалымат берели дедик. Каарманыбыздын сериалдагы жашоосу менен чыныгы жашоосунда окшоштуктар бар. Кандай десеңиз, макалага көз чаптырыңыз.

Аты-жөнү:
Ким Сан Ын

Псевдоними: Ли Жи А

Туулган жери: Түштүк Корея, Сеул шаары

Туулган жылы: 1978-жыл, 6-август

Жылдыз белгиси: арстан

Бою: 168 сантиметр

Кесиби: актриса, ырчы

Үй-бүлөдө: 5 бир тууган, 3 эжеси жана агасы бар

Тартылган белгилүү тасма-сериалдары: “Легенда”, “Бетховен вирусу”, “Афина: Согуш Кудайы”, “Мусудан”, “Мен дагы гүлмүн”, “Менин аджоссим”, “Пентхаус” жана башка

КОРЕЙ МАГНАТЫНЫН КЫЗЫ

“Пентхаус” сериалы аяктаса да, тасманын таасири, андагы каармандардын образы көпчүлүктүн эсинен кете элек. Көп кабаттуу ак сарайдын ханышасы Сим Су Рёндун ролун ойногон актриса Ли Жи А жашоодо деле ханыша. Анын чоң атасы көп жылдар бою жибек чыгарган компанияга ээлик кылган.

Андан сырткары алардын үй-бүлөсүнүн карамагында бир нече билим берүүчү окуу жайлары бар. Кичинесинен бардар турмушта жашаган кызга кинодо ханышанын образын жаратуу оорчулук жараткан эмес.

Актрисанын төрөлгөндө коюлган ысымы Ким Сан Ын. Сан Ын өзү "1978-жылы жарык дүйнөгө келгем" дегени менен, анын жакындарынан 1981-жылкы деген маалыматтар тараган. Кыргызда жакшы сөз бар “кыздын жашын сурабайт” деген. Андыктан актрисанын так жашы өзүнө гана белгилүү бойдон калсын. Кореяда төрөлгөнү менен, жашоосунун көп бөлүгү АКШда өттү. “Pasadena City” колледжинен искусство жана дизайн тармагында билим алды. Актриса өзү белгилегендей, корей тилине караганда англис тилинде түш жоруйт, андан сырткары япон тилин да жакшы өздөштүргөн.

КИМ САН ЫНДАН ЛИ ЖИ АГА ӨЗГӨРҮҮ

Чыгармачылыкка болгон кадамы 2004-жылы башталган. Кореяга аз убакытка келген кыздан тааныштары жарнамага тартылып берүүсүн суранышат. Макул болгон Сан Ын “LG Telеcom” компаниясынын ролигине дүйнөгө “кореямания” толкунун тараткан “Кышкы соната” сериалынын баш каарманы актёр Пэ Ён Жун менен бирге тартылып калат. Мына ошондон актриса болуу кыялы жаралган. 2005-жылы АКШдан куржун-кечесин жыйыштырып алып кыз Сеулга сапар алды. Эми ал Ли Жи А деген ысым менен белгилүү актриса болушу керек.

2007-жыл. Тарыхый-фантастикалык жанрдагы “Легенда” аттуу сериалга болгон кастингде популярдуу актрисалар Ха Жи Вон, Ким Тэ Хини чаңында калтырып, Ли Жи А өтүп кеткен. Белгисиз актрисаны алганы үчүн режиссёрдо да, кино дүйнөсүнө биринчи жолу кадам таштаган кыздын өзүндө да чоң жоопкерчилик бар эле. Кино адиси бекеринен Жи Ага көз салбаса керек, анткени бул долбоордон кийин Ли Жи А бир нече абройлуу кино сыйлыктарга ээ болуп, дебюттук ролу менен эле популярдуулукту багынта алган.

“ПЕНТХАУС” МЕНИ КОЁ БЕРЕ ЭЛЕК...”

Актрисанын карьерасына үңүлсөңүз, ал жараткан кызыктуу, ар тараптуу образдар көп. Романтикадан баштаган, комедия, драма, фантастика, боевик, айтор, Ли Жи А ойноп көрө элек жанр аз болсо керек. Кызыгы, сыртынан назик көрүнгөн актриса физикалык даярдыкты, кара күчтү, уруш өнөрлөрүн талап кылган ролдорду көп аткарат. Кайсы? Мылтык көтөрүп аскер кызматкери болуп чуркап жүргөн актрисаны “Мусудан” боевигинен көрсөңүз болот. “Афина: Согуш Кудайы” дорамасында атайын кызматтагы агент, “Мен дагы гүлмүн” сериалында полиция кызматкеринин ролунда жана башкалар.

Ли Жи Анын аты 2020-2021-жылдары кайрадан оозго алынып, Кореядагы эң көп сөз болгон белгилүүлөрдүн катарына кошулду. Буга, албетте, “Пентхаус” сериалы негизги себеп эле. 3 сезонго созулган дорама жогорку рейтингден дагы деле түшө элек. Дорамадагы ролу боюнча актриса: “Сим Су Рён катары 1,5 жылдан ашык иштедим, мындайча айтканда, анын жашоосу менен жашадым. Азыр деле “Пентхаустун” ичинде жүргөндөй, Сим Су Рёнмун дегендей сезим жарала берет. Дорама мени коё бере элек...” деп эскерет. “Пентхаус” анын сыйлыктар турган текчесин дагы бир нече статуэтка менен толуктоого мүмкүнчүлүк түздү.

“Пентхаустан” кийин Ли Жи Аны кайдан көрөм десеңиз, актриса учурда кесиптештери менен биргеликте “Мен кыялданган деңиз” (The Sea I Desire) аттуу шоу-берүүгө катышып жатат. Анда Корея шоу-бизнесинин белгилүү адамдары деңиз жээгине чогулуп алып тамак жасашат, ырдашат, бийлешет, айтор, жөнөкөй атмосферада чер жазышат. Бул берүүдөн бүгүнкү каарманыбыздын ашпозчулук өнөрүнө да күбө боло аласыз.

ЖЕКЕ ЖАШООСУ

Актрисанын экран сыртындагы жашоосуна кайрыла кетпесек болбос. 2011-жылы интернет желесине Ли Жи А менен актёр Чон У Сондун Парижде эс алып жүргөн сүрөтү тарап кеткен. Экөө “Афина: Согуш Кудайы” дорамасында өнөктөш эле. Кыз-жигит экенин моюнга алгандан көп өтпөй эле Ли Жи А маалымат каражаттарынын бутасына алынып, ызы-чууга кабылган. Буга чейин көпчүлүккө бойдокмун деп жүргөн актриса чынында турмушка чыгып, ажырашканы белгилүү болгон. Анын мурунку жолдошу белгилүү музыкант, ырчы Со Тэ Жи эле. Экөө поп-рок музыканттын Лос-Анжелесте өткөн концертинде таанышат. 1997-жылы курулган үй-бүлө 2006-жылы урап, ажырашуу процесси мүлк бөлүшүүдөгү келишпестиктерден улам үч жылга созулган. 2011-жылы сот процессиндеги айрым маалыматтар интернетке тарап кеткенден кийин көпчүлүк актрисанын жалган айтканына нааразы болгон. Мындан улам Чон У Сон менен мамилесине да жарака кеткен. Андан бери актрисанын жүрөгүн багындырган мырза тууралуу расмий маалымат жок.

Асыл Орозбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(1)
22.11.2021. 14:43 
Тайпасы:
Жаран
Комментарийлердин саны:
118
Катталган:
17-04-2018
Соӊку аракети:
04-12-2021 16:12
Жынысы:
Белгисиз
+2
корей актрисаларына көп деле кызыга бербейм, бирок ушул актриса жагат да жагат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
26396;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: