МЕДЕР АЛИЕВ: “БЫЛТЫР ШАЙЛОО ЖӨНҮНДӨ МЫЙЗАМ БИРӨӨЛӨРДҮН ТААСИРИ АСТЫНДА КАБЫЛ АЛЫНГАН”

Былтыр парламенттин 7-чакырылышы “Кыргызстандын президентин жана Жогорку Кеңештин депутаттарын шайлоо жөнүндө” мыйзамды кайсы бир күчтөрдүн таасири астында кабыл алган. Мындай пикирди депутат Медер Алиев 26-майда парламент комитетинин жыйынында билдирди. Жогорку Кеңештин тийиштүү комитетинде аталган мыйзамга өзгөртүү киргизүүнү караган мыйзам долбоору 1-окууда каралды. Алиев мыйзамдагы “1 талапкер миңге чейин үгүтчү жалдай алат” деген норма акчалуулар үчүн мүмкүнчүлүк болуп берди деген пикирде.

– Чынында элге талапкердин идеясын, жүрүм-турумун көрүп-билип шайлоого мүмкүнчүлүк бериш керек. Баарыбыз шайлоого катышып көрдүк, мыйзамсыз байыган олигархтар барышты, эми соттун чечимисиз кимдир-бирөөнү күнөөлөгөнгө болбойт дечи, бирок эл кимдин ким экенин жакшы билет. Өткөнкү чакырылышта ушул мыйзамды кайсы бир күчтөрдүн таасири менен эле кабыл алып койдук да,- деди Алиев.

Депутат Камила Талиева Алиевдин пикирин колдоп, мыйзамдагы кемчиликтерди жоюш керектигин билдирди.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1223, 29-май-4-июнь, 2026-ж.