ӨЗДӨРҮ ШОК, ЖҮРӨКТӨРҮ ОТ «ЖЕБЕ» ТОБУ

«Жебе» тобундагы төрт жигиттин учурда жүрөктөрү бопбош.

– Кумар, сүйүп көргөнсүңбү?
– 7-классымда бир кызды сүйүп, бирок ал жоопсуз калган. Бирок анчалык жүрөктү оорутпаган жакшы кыздар бар экенине ишенем (күлүп).

– Өзүңдөн улуу кыз менен мамиле куруп калышың мүмкүнбү?
– Менден улуулар кээде тийишип калышат, бирок мамиле түзүүдө өзүм курактуу эле кыздар ылайыктуу го, тең-теңи менен дегендей.

– Өтө жашыруун суроо, акыркы жолу качан өбүштүң эле?
– 1 жыл мурун (уялып).

– Кандай кыздар жагат?
– Мага бир типтеги эмес, ар кандай кыздар жагып калышы мүмкүн. Мисалы, кебетеси жакпаса деле өзүн алып жүрүүсү, сүйлөгөнү көңүлүмө түшөттүр. Андыктан мындай-тигиндей кыздарды жактырам деп чектөө койбойм.

– Бир учурда эки кыз менен сүйлөшкөн жигиттерге көз карашың кандай?
– Андай кыздар деле көп го. Алар кээде бир үй-бүлөнү бузуп жатышпайбы. Менде андай учур болгон эмес, бирок ал жолго баргандарды күнөөлөгүм келбейт.

Минур, 22 жашта:«КЫЗДАР МЕНИ КЫЗГАНСА, ЖЫРГАЙМ»

– Минур, жашооңдо кандай маанилүү жаңылыктар болуп жатат?
– Искусство институтундагы окуумду бүттүм. Жеке жаңылыктардан, үйдө курулуш ишин кызуу баштадык. Таш ташый берип колдорум жооруп да кетти. Буюрса, мага үй салып жатабыз.

– Cелкилер менен таанышууда сымбаттуулугуңду пайдаланасыңбы же интеллектиңдиби?
– Ха-ха, сымбаттуулугумду пайдалангандай анчалык деле «красавчик» эмесмин го. Балким, интеллектим күчтүү, ээ?..

– Сага сүйүүсүн билдирген кыздарга эмне деп жооп берет элең?
– Кыздардын көңүлүн такыр ооруткум келбейт. Сүй деп да, сүйбө деп да айталбай «мандраж» болуп калам. Бирок айта беришет, жаза беришет. Кээде маанайым жакшы болуп турганда «мен да сизди жакшы көрөм» деп коём.

– Акыркы жолу бирөөгө качан муштум түйдүң?
– Эки жума мурун кафеде балдар менен мушташып кеткем. Алардын кыздары мени карап, көңүл бөлүп койсо кызганып кетишти окшойт. Себеби жок эле мага асылып киришти, анан кол көтөргөнгө туура келди. Ызы-чуубузду күзөтчүлөр келип басышкан.

– А өзүң кызганчааксыңбы?
– Өтө кызганчаакмын.

– Сени кызгангандарга кандай карайсың?
– Күлкүм эле келе берет. Билбейм, мени кызганса мага ушунчалык жагат. Абдан сонун, жагымдуу сезимдер го. «Оо, дагы кызганса экен» деп жыргай берем, ого бетер жинине тийип.

Самат, 23 жашта:«СҮЙГӨН КЫЗЫМ КАТЫМДЫ ТЫТЫП, БАШЫМА ЫРГЫТЫП САЛГАН»

– Самат, журналисттер интервьюга чакырышканда алдын ала сөзүңдү даярдап келесиңби?
– Башында Кенже эже «бул каналга же гезитке интервьюга барасыңар» десе, түнү менен уктабай, «эмне деп сүйлөйм, эмне кием?» деп толкундана берет элем. Азыр көнүп калдык. Күйөрмандар кол тамга сурап, сүрөткө чогуу түшүшсө аябай сүйүнүп, «дагы тартса экен» дей берчүмүн. Азыр концерттен кийин «сүрөткө түшүп алалы» дегендер көп. Кээде төртөөбүздү төрт жакка бөлүп кетип, бири-бирибизди таппай калабыз. Сүрөткө түшкөнгө эле бир сааттай убакыт кетет.

– Топтогу жигиттер бир кызды жактырып калышыңар мүмкүнбү?
– Андай учур болгон, жакында Минурдун бир тааныш кызы жагып калып сурасам, «дос катары эле сүйлөшүп жатам» деген. «Мага бербейсиңби?» десем, «эмне, ал сага буюм беле, өзү чечет да» деп койду.

– Кыздардын келбетине карайсыңбы?
– Ооба, баары эле карайт болуш керек. Мага толук да, арык да эмес, орто кыздар жагат. Анан буттарына көп көңүл бөлөм, түптүз, ичке буттуу кыздар менин табитимде.

– Бирөөнү сүйүп, бирок айталбай калган учурлар болгонбу?
– Болгон. 1-класстан 10-класска чейин бир кызды жакшы көрүп жүргөм, бирок сүйөрүмдү айталбай калдым. 3-классымда байкем жазып берген сүйүү катын алпарып берсем, тытып-тытып башыма ыргытып салган.

Медер, 21 жашта:«КЫЗДАР ДОС БОЛОЛУ ДЕП КӨП СУНУШТАШАТ»

– Кыздарды караганда алгач башынан ылдый карайсыңбы же бутунан өйдөбү?
– Ха-ха, албетте, башынан ылдый. Биринчи караганда адамдардын көзү урунат го. Андыктан көзүнө чоң маани берем, өзүмө күрөң, кара, көк көз кыздар жагат.

– Cени топто мыкты бийлейт деп угуп калабыз, топтун хореографы сен турбайсыңбы?
– Ооба, кээде мен үйрөткөн кыймылдар менен бийлейбиз. Айрым учурда Кенже эже жардам берет.

– Сүйүүңдү четке кагып салган кыздар болгонбу?
– Мен кичинемден эле абдан уялчаак болчумун. Сүйөм деп айтууга даап бара алчу эмесмин. Ошондуктан четке кагылган сүйүүгө кезиккен жокмун. Тескерисинче, көп учурда мага сүйүүсүн биринчи билдиргендер болгон. Балким, ушуга көнүп калып, өзүм биринчи кадам таштаган өөн учурап калгандыр. Анан кичине кезиңде дос болуу деген маселе болот эмеспи. Мага көбүнчө достук жөнүндө сунуш кыздардан түшчү (күлүп).

– Азыр ушул мүнөттөрдө эмне жөнүндө ойлонуп жатасың?
– Сиздин суроолоруңузга жооп берип жатып, өткөн окуяларды эстеп кеттим, элестетип. Анан суроолорго жакшы жооп бердимби же жокпу деген күмөн ой пайда болуп жатат (күлүп).

Лунара Бекиева
star@super.kg

 Кыстарылган видео