БАЛИГЕ БАРЧУ СУЛУУ БАРБЫ?
Өзүнө ишенген, ай чырайлуу, бою 165 сантиметрден жогору, 1988-1998-жылдар аралыгында төрөлгөн, турмушка чыга элек бийкечтерди сынакка катышууга чакырабыз. Эгер сиз алыскы Индонезияда, океандар кучагында жаткан Бали аралына барып эс алып келүүнү кыялданып жүрсөңүз, анда чамдаңыз!
Сынактын шартына ылайык, ар аптанын жума күнү гезит бетине экиден катышуучунун сүрөтү жарыяланып, SUPER.KG порталына добушка коюлат. Добуш берүү сулуулар гезит бетине чыккан жума күнү саат 9:00дөн баштап кийинки аптанын шаршемби күнү саат 15:00гө чейин жүргүзүлөт. Көп упай чогулткан катышуучу финалга өтөт. Толук маалымат алуу үчүн
0312 323327 номерлерине чалыңыздар.
АНАРА ЧОТОЕВА
Жашы – 18
Параметри – 92-62-89
Бою – 171 сантиметр
Салмагы – 56 килограмм
Анара: «БОЛГОН АРАКЕТИМДИ, СЫНАККА ЖУМШАЙМ»
– Анара, кайсы тармак боюнча билим алып жатасың?
– БГУнун экономика-финансы факультетинде 1-курста окуйм. Кичинекей кезимден тартып бийлегенди жакшы көрөм. Мектепте окуп жүргөндө классташтарыма бийлегенди үйрөтүп жүрчүмүн. Азыр 13-15 жаштагы кыздардан турган, жалаң кыргыз бийлерин бийлеген топ түзүп жатам.
– Сынакта жеңем деп ойлойсуңбу?
– Сынакта «жеңем, жеңишим керек» деп айтпайм, баары маңдайга жазгандан болот. Эгер финалга чыксам болгон аракетимди, күчүмдү сынакка жумшайм.
– Кыздардын ортосундагы достукка ишенесиңби?
– Жок. Мурда бир кыз менен жакын дос болгом. Ал менин артымдан ар кандай ушак сөздөрдү айтып, «сатып» кеткенден кийин кыздардын ортосунда достук болбойт экен деп калдым. Дос деп апамды, байкемди, эжемди эсептейм. Жакшы сүйлөшкөн курбу кыздар бар, бирок аларга бардык сырымды айтып ачылбайм.
CАЛТАНАТ КЕНЖЕБЕКОВА
Жашы – 18
Параметри – 83-63-87
Бою – 167 сантиметр
Салмагы – 52 килограмм
Салтанат: «СЫНАКТЫН ФИНАЛЫНА ЧЫККЫМ КЕЛЕТ»
– Салтанат, бул сынакка кандай максатта катышып жатасың?
– Кичинекей кезимден бери сулуулар сынагына катышууну кыялданып келем. Бул сынак башталганда тааныштарым «катышып көрбөйсүңбү?» деп сунуштап калышты. Бир туугандарым «эң башкысы жеңиш эмес, катышуу» деп колдоп жатышат. Мен болсо сынактын финалына чыккым келет.
– Өзүңдү кыскача сүрөттөп берсең...
– Мен шайыр кызмын. Ачуум чукул, дароо жарылам, бирок аябай ак көңүлмүн, бат эле жазылып кетем.
– Кайсы жакта төрөлүп-өстүң эле?
– Кеминден болом, 5 бир туугандын үчүнчүсүмүн. Учурда Махмуд Кашгари-Барскани атындагы Чыгыш университетинде финансы-кредит факультетинде 1-курста окуйм. Тандаган кесибим чыгармачылыктан алыс болгону менен, киного тартылууну кыялданып жүрөм.
SUPER.KG порталында жүргүзүлгөн добуш берүүнүн жыйынтыгында Азиза 245 добуш алып, финалга чыкты. Ал эми Алия 84 добушка ээ болду.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (17)
Не азыр эски ураган имаратта суротко тушуу моодабы, силерге ийгилик каалаймын
Nazikbaigazy,эски имараттын жанында жаңы кийим жакшына көрүнсө керек да)))
Салтанат мен тойго алган узун койнокту кыскартып алыптырго)))
Экоо тен Жакпады азырынча..
кайсы жактан добуш беребиз?
boioksuz tushushso bolboibu
boiok menen kunikterdi dele suluu kylyp koiso bolot da
Аии 18де дейби жашы чоон корунушотко. Макияжсыз сулуулар сынагын жарыялаш керек ошондо гана чыныгы сулуулар белгилуу болот.
Жылдыздуу кыздар экен...
Ийгилик силерге!!!
Суперчилер сураныч боексуз десениздер жакшы болмок?
18 эмес 26 28 жаш көрүнүшөт го.
Салтанат ийгилик, жылдыздуу кыз экенсиз!
Ой кокуй боенуп алышса болушунча, анан аябай эле улуу корунуп калыштыда. Мен дагы айрым комментарийлерге кошулат элем "макияжы жок" деп талап кылса сулууларга ошондо анык сулууларды тандап алмакпыз.
