БАЛИГЕ БАРЧУ СУЛУУ БАРБЫ?

Өзүнө ишенген, ай чырайлуу, бою 165 сантиметрден жогору, 1988-1998-жылдар аралыгында төрөлгөн, турмушка чыга элек бийкечтерди сынакка катышууга чакырабыз. Эгер сиз алыскы Индонезияда, океандар кучагында жаткан Бали аралына барып эс алып келүүнү кыялданып жүрсөңүз, анда чамдаңыз!

Сынактын шартына ылайык, ар аптанын жума күнү гезит бетине экиден катышуучунун сүрөтү жарыяланып,
SUPER.KG порталына добушка коюлат. Добуш берүү сулуулар гезит бетине чыккан, жума күнү саат 9:00дөн баштап кийинки аптанын шаршемби күнү саат 15:00гө чейин жүргүзүлөт. Көп упай чогулткан катышуучу финалга өтөт.Толук маалымат алуу үчүн 0312 323327 номерлерине чалыңыздар.

АИДА КАРАБАЕВА

Жашы – 18
Параметри – 82-66-91
Бою – 166 сантиметр
Салмагы – 50 килограмм
Учурда – А.Каниметов атындагы №1-интернат-гимназиясынын 11-классынын окуучусу

Аида Карабаева: «ЖАН ДҮЙНӨМӨ ЧЫГАРМАЧЫЛЫК ЖАКЫН»

– Аида, мектепте окуйт экенсиң, келечекте кайсы кесиптин ээси болууну тандап жатасың?
– Мектепти бүткөндөн кийин, буюрса, экономика жаатында билим алууну пландап жатам. Бирок жан дүйнөмө чыгармачылык жакын. Буга чейин «Мезгил жана Алыкул» тасмасында эпизоддук ролго тартылгам, комузда ойнойм. Тасма, клиптерде башкы каармандын образын жараткым келет, ошондуктан планым өзгөрүп, Искусство университетине тапшырып калышым да мүмкүн.

– Сынак үчүн кандай курмандыктарга барууга даярсың?
– Бикиничен эл көзүнө чыгарым эле мен үчүн чоң эрдик, өзүнө ишенген, өз ою, принциптери бар адам гана мындай кадамга бара алат деп ойлойм. Учурда дос-тааныш, туугандарымдын баарын «добуш бергиле» деп үндөп жатам. «Мага добуш бергиле, мен татыктуумун» деп таңуулагым келбейт, татыктуу катышуучуну эл тандайт да. Ошентсе да колдоо ашыкча болбойт.

ГҮЛДАНА ТУРГУНАЛЫ КЫЗЫ

Жашы – 20
Параметри – 80-58-89
Бою – 169 сантиметр
Салмагы – 53 килограмм
Учурда – КУУнун 3-курсунун студенти

Гүлдана Тургуналы кызы:«МЕНИ МИЛА ЙОВОВИЧКЕ ОКШОШТУРГАНДАР КӨП»

– Гүлдана, сынакка кандай максатта катышып жатасың?
– «Максатсыз адам болбойт» дешет, мен да эгер сынакты утуп калсам моделдик кесип менен профессионалдуу түрдө алектенгим келет. Журналдардын биринчи бетинен түшпөй, кийимдердин жарнамасына тартылсам дейм. Учурда КУУнун журналистика факультетинде окуйм, окуудан сырткары футбол ойнойм, сүрөт тартам.

– Эмне үчүн SUPER.KG порталынын колдонуучулары дал сага добуш бериши керек?
– Көпчүлүк катышуучулардан мен табигый сулуулугум менен өзгөчөлөнөм. Анткени жашоодо эле эмес, фотосессияларда да аз боёном. Салондордо күнү-түнү отурган кыздардан эмесмин, өзүм эле жеңил боёнуп алып, көчөгө чыга берем. Анан да мени Мила Йововичке окшоштургандар көп.

SUPER.KG порталында жүргүзүлгөн добуш берүүнүн жыйынтыгында Анара 115 добуш алып, финалга чыкты. Ал эми Салтанат 69 добушка ээ болду.