ЭЙФЕЛЬ МУНАРАСЫНА ЧЫККАН КИШИ ЖИНДИКАНАГА ЖАТКЫРЫЛДЫ

Париждеги Эйфель мунарасына чыккан Орусиянын жаранын полиция кызматкерлери психиатриялык ооруканага жаткырышты. Бул тууралуу чет элдик маалымат каражаттары жазып чыгышты.

Маалыматка таянсак, 20-майда өз өмүрүнө кол салуу максатында бир киши Эйфель мунарасынын башына,
300 метр бийиктикке чыгып, 6 саат бою түшпөй койгон. Кийин анын Орусия жараны экени аныкталган. Аты-жөнү азырынча ачык айтыла элек. Орун алган окуядан улам полиция кызматкерлери мунаранын тегерегиндеги элди эвакуациялап, куткаруу кызматын чакырышкан. Окуя боюнча “коомдук-маданий жайга мыйзамсыз кол салуу” фактысы менен текшерүү иштери жүрүүдө.

Белгилей кетсек, Эйфель мунарасы 1889-жылы тургузулган. Бийиктиги 324 метр.

Дамира Арстанова
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 865, 30-май - 5-июнь, 2019-жыл