АКЫЙКАТЧЫ ИНСТИТУТУ: “КЫЗЫЛ-ЖАР ПСИХИАТРИЯЛЫК ООРУКАНАСЫНДА АБАЛ НАЧАР”

Аксы районунун Кызыл-Жар айылында жайгашкан республикалык психиатриялык ооруканада бейтаптардын укугу бузулган учурлар бар. Бул тууралуу аталган ооруканага мониторинг жүргүзгөн акыйкатчы институту билдирди.

Маалыматка таянсак, мониторинг учурунда оорукананын кургак учук бөлүмүндө 5 бейтап жаткан. Бейтап таржымалын карап чыгууда, бул бейтаптардын экөөсү дарыланууга жазуу жүзүндөгү макулдугун бербегени аныкталган. Ошого карабастан алар бул мекемеде үч жылдан ашык болушкан. Бул тууралуу акыйкатчы кызматкерлери тиешелүү актыны түзгөнү айтылат маалыматта.

“Ооруканада бейтаптарга шарт түзүлгөн эмес” дейт аталган институт. Бардык аныкталган мыйзам бузуулар боюнча тийиштүү актылар түзүлдү, алар мамлекеттик органдарга тиешелүү чараларды көрүү үчүн жөнөтүлөт.

Лунара Бекиева

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 984, 14-20 октябрь, 2021-ж.