БИР БҮРКҮМ. КОРРУПЦИЯ МЕНЕН КҮРӨШ КАТУУЛАЙТ...

Жыл башынан бери Орусия абагында отурган 19 Кыргыз жараны мекенине которулганы маалымдалды.
ИИМ жарандарды сак болууга, интернет желесиндеги шектүү лотереяларга катышпоого чакырды.
Улуттук статистика комитети: Кыргызстан 3 айда 1938 автоунаа экспорттоду.
Эсептөө палатасынын кызматкери 100 миң сом пара алууга шектелип кармалды.
Араван районунун Тепе-Коргон айыл өкмөтүнүн башчысы кызмат абалынан кыянаттык менен пайдаланууга шектелип кармалды.
Мирлан Карагулов Базар-Коргон районунун акими болуп дайындалды.
Депутат Айбек Осмонов Ысык-Көлдөгү балдар эс алуучу жайлар жеке менчикке сатылып, кароосуз калганын айтып чыкты.
Ош шаарынын борбордук стадиону капиталдык оңдоп-түзөөдөн өткөрүлөт.
Өлкөдө коомдук унаалардын жол эрежесин сактоосун көзөмөлдөө үчүн 23-майдан 31-майга чейин рейд жүрөт.
“Манас” аэропорту: Ош-Новосибирск-Ош багыты боюнча аба каттамы көбөйтүлдү, жумасына 8 учак абага көтөрүлөт.
Казакстанда Ош мамлекеттик университетинин филиалы ачылганы айтылды.
Бишкек мэриясы: Жыл аягына чейин Кытайдан жалпы 800 автобус келет.
Чүйдө 2 ай мурун жоголгон өспүрүм компьютердик клубдардын биринен табылганы кабарланды.
Жанар Акаев, депутат: Коммерциялык банктар ишкерлерди 20 пайыздык үстөк менен насыя алууга мажбурлап жатышат.
Камчыбек Ташиев: "Кыргызстанда коррупция менен күрөшүүнүн экинчи этабы башталып, кармалгандарга катаал жазалар колдонулат".

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1068, 26-май-1-июнь, 2023-ж.