Казакстандын Коргоо министрлигинин имаратынын алдында аскер кызматкери өзүн жардырып каза болду

Арман Сыздыков.

Бүгүн, 10-февралда Казакстандын Коргоо министрлигинин имаратынын алдында аскер кызматкери өзүн жардырып каза тапты. Бул тууралуу жергиликтүү массалык маалымат каражаттары Коргоо министрлигине шилтеме берүү менен жазып чыгышты.

"Бүгүн Астанадагы Достык көчөсүндө Коргоо министрлигинин аскер бөлүктөрүнүн биринин кызматкери, 40 жаштагы подполковник Арман Сыздыков Шевроле үлгүсүндөгү өз унаасында өзүн жардырып каза тапты. Оор жаракаттардан улам ал ошол жерден каза болгон",- деп айтылат маалыматта.

Маалыматка ылайык, учурда бул ишти иликтегенге атайын ыкчам тергөө тобу уюштурулган. Бул факт боюнча кылмыш иши козголуп, тергөө амалдары жүрүүдө. Ошондой эле жарылган унаанын ичинен маркумдун каты табылган, бул иш боюнча калган маалыматтар кийинчерээк берилмекчи.

Автор: Мальвина Уметбекова