Кыргызстандык спортчу Мээрим Жуманазарова Швецияда өткөн эл аралык мелдеште 2-орунду камсыздады

Швециянын Клиппан шаарында 13-15-февраль аралыгында кыз-келиндер күрөшү боюнча эл аралык мелдеш болуп өттү. Дене тарбия жана спорт мамлекеттик агенттигинен кабарлашкандай, мелдешке Кыргызстандын желеги астында 3 спортчу катышты.

Маалыматка ылайык, мелдештин жыйынтыгында Мээрим Жуманазарова 65 килограмм салмакта 2-орунду камсыздады. Ал эми Замир кызы Ажар 44 килограмм салмакта 5-орунду камсыздаса, Медет кызы Айпери 60 килограмм салмакта 7-орунду ээледи.

Кошумчалай кетсек, мелдешке курама команда башкы машыктыруучу Нурбек Изабековдун жетекчилиги астында катышты. Бул үчүн Олимпиадага даярдоо борборунун эсебинен 322 миң сом каражат бөлүнгөн.

Автор: Максат Кудайбердиев