Акыркы суткада өлкөдө 7 өрт кырсыгы катталып, Жалал-Абадда унаанын кыймылдаткычы күйүп кетти

Жарандык коргонуунун Өрткө каршы күрөшүү кызматынын маалыматы боюнча, өткөн сутка ичинде республиканын аймагында 7 өрт кырсыгы катталып, өрттөрдү өчүрүүгө 7 өрт өчүрүү бөлүмү тартылган. Бул тууралуу бүгүн, 3-мартта Өзгөчө кырдаалдар министрлигинен билдиришти.

Ысык-Ата районуна караштуу Люксембург айылындагы турак жайлардын биринен өрт чыкты. Анын кесепетинен жыгач устундуу, шифер жабылган, аянты 15 чарчы метр чарба курулушунун чатыры күйүп кетти. Учурда өрттүн келип чыгуу себеби такталууда. Ошондой эле Жалал-Абад шаарындагы Андреев көчөсүндөгү үйлөрдүн биринен Лэнд Крузер үлгүсүндөгү унаанын кыймылдаткыч бөлүгү күйүп кетти. Учурда өрттүн келип чыгуу себеби такталууда.

Автор: Мальвина Уметбекова