Чемпиондор Лигасы: “Шальке” мадриддик “Реалдын” дарбазасына 4 гол киргизип, конокто жеңишке жетишти

11-мартка караган түнү УЕФАнын Чемпиондор Лигасынын плей-офф баскычында мадриддик “Реал” клубу өз үйүндө Германиянын “Шальке” клубун кабыл алды. Мадриддиктер алгачкы оюнда 2:0 эсебинде жеңишке жетишкенин эске алып, серепчилер да бул оюндун кызык болорунан күмөн санашкан. Бирок “Шальке” жооптук оюнда мыкты оюн көргөзүп, “Реалды” мелдештен четтетип коё жаздады. Бул үчүн аларга 1 гана гол жетишей калды.

“Реал” (Испания) – “Шальке” (Германия) - 3:4

Голдор: Фухс (20-мүнөттө), Криштиану Роналду (25-мүнөт), Хунтелар (40-мүнөт), Криштиану Роналду (45-мүнөт), Бензема (53-мүнөт), Сане (57-мүнөт), Хунтелар (84-мүнөт).

Кошумчалай кетсек, бул оюн акыркы кезде иши жүрүшпөй жаткан “Реалдын” кезектеги жеңилүүсү болду. Команда өткөн аптада Испаниянын биринчилигинде “Атлетик” командасына утулуп, мелдештеги лидерликти “Барселонага” тарттырып жиберген.