Бүгүн Чемпиондор Лигасында “Арсенал” конокто “Монакого” каршы турат

Бүгүн, 17-мартта УЕФАнын Чемпиондор Лигасынын жарым чейрек финалдык баскычында жооптук оюндар өтөт. Мелдештин расмий сайты кабарлагандай, анда командалар чейрек финалдык жолдомону өз ара талашышат.

Алгачкы оюнда “Монако” конокто “Арсеналды” 3:1 эсебинде утуп алганын эске алсак, Францияда бул күнү кызыктуу беттеш орун алышы мүмкүн. “Арсенал” мелдештен оңой четтеп калчу командалардан эмес экенин буга чейинки жылдары далилдеп келген.

“Монако” (Франция) – “Арсенал” (Англия)

Монако шаары. “Луи II” стадиону

Калыс: Свейн Моэн (Норвегия)

Башталышы: 01:45 (Бишкек сааты боюнча)

(Алгачкы оюндун жыйынтыгы - 3:1)

Кийинки беттеш Германиянын “Байер” клубу менен Испаниянын акыркы сезондогу чемпиону “Атлетиконун” ортосунда болот. Командалар алгачкы оюнда айыгышкан беттеш көрсөтүп, анда 1:0 эсебинде германиялыктар жеңишке жетишкен. Бул жолу оюн Мадридде өтөт.

“Атлетико” (Испания – “Байер” (Германия)

Мадрид шаары. “Висенте Кальдерон” стадиону

Калыс: Никола Риццоли (Италия)

Башталышы: 01:45 (Бишкек сааты боюнча)

Автор: Максат Кудайбердиев
Фото: Интернеттен алынды