22-мартта Түштүк Кореядагы кыргыздардын биримдигин чыңдоо максатында спорттук мелдештер өтөт

Түштүк Кореянын Чонан шаарында 22-март күнү аталган өлкөдө жашаган кыргыздардын биримдигин жана достугун чыңдоо максатында спорттук мелдештер өтөт. Бул тууралуу иш-чаранын уюштуруучулары билдиришти.

Маалыматка караганда, Нооруз майрамына карата өтө турган саамалыкта оюн-зоок программалары орун алат. Кыз-келиндер жана уландар арасында футбол, кыргыздын улуттук оюндарынан аркан тартыш, күрөш, чүкө оюндары боюнча мелдештер өтөт. Жеңүүчүлөр акчалай сыйлык жана баалуу белектерге ээ болушат.

Автор: Айпери Ганыжан кызы