Каталондук “Барселона” клубу “Реал” менен беттеш алдында “Манчестер Сити” менен ойноп, күчүн сынайт

Бүгүн, 18-мартта УЕФАнын Чемпиондор Лигасында жарым чейрек финалдык баскычтагы жооптук оюндар өтөт. Анда каталондук “Барселона” клубу өз үйүндө англиялык “Манчестер Ситини” кабыл алат. Өткөн оюнда “Барсанын” оюнчулары конокто 2:1 эсебинде жеңишке жетишкенин эске алган менен, кийинки баскычка чыгуу оңойго турбайт. Ага кошумча “Барселона” Испания чемпиондугунун 28-турунда 22-мартта мадриддик “Реал” менен беттешет. Ушуга байланыштуу күчүн сарптоого, курамдагы оюнчуларды сактоого туура келиши мүмкүн.

“Барселона” (Испания) – “Манчестер Сити” (Англия)

Барселона шаары. “Камп Ноу” стадиону

Калыс: Жанлука Рокки (Италия)

Башталышы: 01:45 (Бишкек сааты боюнча)

Буга катар Италиянын “Ювентус” клубу конокто Германиянын “Боруссия” клубу менен кез келет. Өткөн оюнда 2:1 эсебинде жеңишке жетишкен “Ювентусту” бул жолу да татаал сынак күтүп турганын жашырып болбойт.

“Боруссия” (Д, Германия) – “Ювентус” (Италия)

Дортмунд шаары. “Сигнал Идуна Парк” стадиону

Калыс: Милорад Мажич (Сербия)

Башталышы: 01:45 (Бишкек сааты боюнча)

Автор: Максат Кудайбердиев
Фото: Интернеттен алынды