Апрель элдик революциясынын 5 жылдыгына карата балдар жана өспүрүмдөргө бекер ат минүү мүмкүнчүлүгү түзүлөт

Дене тарбия жана спорт мамлекеттик агенттиги Апрель элдик революциясынын 5 жылдыгына жана дене тарбия жана спорт кызматкерлеринин күнүнө карата балдарга бекер ат минүү мүмкүнчүлүгүн түзөт. Бул тууралуу аталган агенттиктен кабарлашты.

Маалыматка ылайык, ат минүүнү үйрөтүүгө багытталган саамалык Олимпиадалык резервдин Ат спорту боюнча балдар жана өспүрүмдөр мектебинде болот. Анда 10 жаштан 16 жашка чейинки балдар жана өспүрүмдөр 6-7-апрель күндөрү барып ат мине алышат.

Автор: Максат Кудайбердиев
Фото: Интернеттен алынды